<p><span style="color: #000000;">នគរបាលក្នុងស្រុកកំពង់រោទ៍ ខេត្តស្វាយរៀងកាលពីថ្ងៃសុក្រ បានចាប់ខ្លួនគិលានុបដ្ឋាយិកាឯកជនម្នាក់ ដែលគ្មានអាជ្ញាប័ណ្ណបន្ទាប់ពីគាត់បានចាក់ថ្នាំ បណ្តាលឲ្យអ្នកភូមិម្នាក់ស្លាប់។</span><br /><span style="color: #000000;"></span><br /><span style="color: #000000;">លោកវរសេនីយ៍ឯក មុំ សារុន អធិការរងស្រុកបានឲ្យដឹងថា ជនសង្ស័យឈ្មោះ ព្រាប សេ អាយុ ៦៣ ឆ្នាំ ដែលតែងតែព្យាបាលឲ្យអ្នកភូមិ។</span><br /><span style="color: #000000;"></span><br /><span style="color: #000000;">លោកបាននិយាយថា កាលពីថ្ងៃសុក្រ លោក ព្រាប សេ បានទៅចាក់ថ្នាំឲ្យជនរងគ្រោះ លោក ផុន ម៉ាប់ អាយុ ៤៥ ឆ្នាំដែលមានជំងឺឈឺបំពង់ក។”លោក ម៉ាប់ បានស្លាប់បន្ទាប់ពីលោក សេ បានចាក់ថ្នាំបានពាក់កណ្តាលសារ៉ាង ដើម្បីព្យាបាលឈឺបំពង់ករបស់គាត់” ។ យើងសន្និដ្ឋានថា ជនរងគ្រោះបានស្លាប់ដោយសារតែប្រតិកម្មថ្នាំ បន្ទាប់ពីគ្រួសាររបស់គាត់បានប្រាប់យើងថា គាត់មានបញ្ហាប្រតិកម្មនឹងថ្នាំដូចជា ប៉ារ៉ាសេតាមុលជាដើម។</span></p>
<p><span style="color: #000000;"><a class="thickbox" title="" href="/FileManager/Commons/2019/5/7/1-07-05-2019--14-44-22.PNG"><img src="/FileManager/Articles/mce/2019/5/7/1-07-05-2019--14-44-22.PNG" alt="" /></a><br /><br />លោកបានកត់សម្គាល់ថា ទោះបីគ្រួសារជនរងគ្រោះមិនបានដាក់ពាក្យបណ្តឹង តែសមត្ថកិច្ចបានចាប់ខ្លួនជនសង្ស័យ ដោយសារតែគាត់ចាក់ថ្នាំបណ្ដាលឲ្យមនុស្សម្នាក់ស្លាប់។<br /><br />លោកបាននិយាយថា ”យើងបានចាប់ខ្លួនគាត់ បន្ទាប់ពីអ្នកភូមិបានប្រាប់យើងអំពីករណីនេះ ហើយយើងបានបញ្ជូនគាត់ទៅសាកសួរ នៅការិយាល័យកណ្តាលនគរបាលខេត្ត កាលពីថ្ងៃសៅរ៍”។ ”យើងមិនដឹងថាតើគាត់ នឹងត្រូវបញ្ជូនទៅកាន់តុលាការ ឬក៏យ៉ាងណាទេ”។យោងតាមរបាយការណ៍ របស់អធិការដ្ឋាននគរបាលស្រុកបានឲ្យដឹងថា លោក ម៉ាប់ មានជម្ងឺឈឺកធ្ងន់ធ្ងរពីរថ្ងៃមកហើយ មុននឹងហៅលោក សេ មកព្យាបាលគាត់។<br /><br />របាយការណ៍បានបន្ថែមថា ជនសង្ស័យបានចាក់ថ្នាំឲ្យជនរងគ្រោះ ហើយជនរងគ្រោះបានស្លាប់បន្ទាប់ពីការក្ដៅខ្លួន និងមានចេញកន្ទួលរមាស់។<br /><br />មន្រ្តីមន្ទីរសុខាភិបាលខេត្ដពេលកន្លងទៅ បានព្រមានលោក សេ មិនឲ្យធ្វើជាគិលានុបដ្ឋាយិកាទេ ព្រោះគាត់មិនមានលក្ខណៈសម្បត្តិគ្រប់គ្រាន់។</span></p>
<p><span style="color: #000000;">គាត់មិនបានស្តាប់តាមការព្រមាននេះទេ ដោយសារគាត់ធ្លាប់បានហ្វឹកហាត់ជាគិលានុបដ្ឋាយិកា ក្នុងរបបប៉ុលពត ៕</span></p>
<p><span style="color: #000000;"><a class="c_tab" href="https://www.khmertimeskh.com/" target="_blank"><img src="/FileManager/Articles/mce/2019/5/7/khmertime-07-05-2019--14-44-32.png" alt="" /></a><br /></span></p>
<p style="text-align: right;"><span style="color: #000000;">ប្រភព ៖ khmertimes </span></p>