<p><span style="color: #000000;"><strong>(អាមេរិក)៖</strong> កំពូលមហាសេដ្ឋី Bill Gates ស្ថាបនិករបស់ក្រុមហ៊ុនបច្ចេកវិទ្យាអាមេរិកដ៏ល្បីល្បាញ Microsoft និងបច្ចុប្បន្នជាបុរសដែលមានជាងគេបំផុតលើលោក ប្រហែលជានឹងអាចក្លាយជាមនុស្សដំបូងគេបង្អស់ដែលមានទ្រព្យសម្បត្តិផ្ទាល់ខ្លួន សរុបកើនដល់មួយពាន់ពាន់លានដុល្លារ នៅក្នុងរយៈពេល២៥ឆ្នាំទៅមុខទៀត។ នេះបើការដកស្រង់ការផ្សាយចេញពីសារព័ត៌មានរុស្ស៊ី Sputnik ដោយផ្អែកលើរបាយការណ៍របស់អង្គការសប្បុរសធម៌អន្តរជាតិ អុកស្វាម (Oxfam) នៅរសៀលថ្ងៃចន្ទ ទី១៣ ខែកុម្ភៈ ឆ្នាំ២០១៧។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/2/13/28a-13-02-2017--16-14-04.jpg"><img src="/FileManager/Articles/mce/2017/2/13/28a-13-02-2017--16-14-04.jpg" alt="" /></a><br /></span></p>
<p><span style="color: #000000;">Oxfam ដែលជាអង្គការអន្តរជាតិមួយប្រយុទ្ធប្រឆាំងនឹងភាពក្រីក្រនៅជុំវិញពិភពលោក ដោយផ្អែកលើការព្យាករណ៍របស់ខ្លួន ទៅលើការអង្កេតជាច្រើនយ៉ាងដិតដល់នោះបានបង្ហាញថា ទ្រព្យសម្បត្តិដ៏ស្តុកស្តម្ភរបស់លោក Bill Gates បាននិងកំពុងកើនឡើងជាមធ្យមក្នុងអត្រា១១ភាគរយជារៀងរាល់ឆ្នាំរាប់ចាប់ពីឆ្នាំ២០០៩មក។ របាយការណ៍របស់អង្គការ Oxfam បានលើកឡើងដូច្នេះថា «បើសិនជាបណ្តាមហាសេដ្ឋីកំពូលៗនៅតែបន្តរក្សាអត្រាកំណើនទ្រព្យសម្បតិ្តរបស់ពួកគេតទៀតនោះ យើងអាចនឹងទទួលបានមហាសេដ្ឋីពាន់ពាន់លាន (Trillionare) ដំបូងបំផុតរបស់ពិភពលោកក្នុងរយៈពេល២៥ឆ្នាំខាងមុខ ដោយលោក Bill Gate និងអាចកើនទ្រព្យសម្បតិ្តដល់មួយពាន់ពាន់លានដុល្លារនៅឆ្នាំ២០៤២។</span></p>
<p><span style="color: #000000;">គួរបញ្ជាក់ថាយោងតាមបញ្ជីនៃកំពូលមហាសេដ្ឋីពាន់លាន (Billionares) នៅលើពិភពលោករបស់ទស្សនាវដ្តី Forbes លោក Bill Gates ឈរនៅលំដាប់ថ្នាក់កំពូលជាមួយនិងទ្រព្យសម្បតិ្តសរុបប្រមាណ៧៥ពាន់លានដុល្លារ ហើយបើដល់ឆ្នាំ២០៤២ ដែលពេលរូបលោកត្រូវបានគេព្យាករណ៍ថា នឹងក្លាយជាមហាសេដ្ឋីពាន់ពាន់លានឬទ្រីលាននែរ (Trillionare) ដំបូងបង្អស់នោះ លោក Gates នឹងឈានដល់វ័យ៨៤ឆ្នាំ៕</span></p>
<p><span style="color: #000000;"><a class="thickbox" title="" href="/FileManager/Commons/2017/2/13/27-13-02-2017--14-33-24.jpg"><span style="color: #000000;"><img src="/FileManager/Articles/mce/2017/2/13/27-13-02-2017--14-33-24.jpg" alt="" /></span></a></span></p>
<p><br /><span style="color: #000000;"><a class="thickbox" title="" href="/FileManager/Commons/2017/2/13/27-13-02-2017--14-33-24.jpg"></a></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>