<div class="article-content">
<p><strong>ភ្នំពេញ៖</strong> អភិបាលរាជធានីភ្នំពេញ លោក ប៉ា សុជាតិវង្ស នៅយប់ថ្ងៃទី១៧ ខែឧសភា ឆ្នាំ២០១៣<br /> បានបញ្ជា ឲ្យអាជ្ញាធរពាក់ព័ន្ធ ចុះរុះរើស្លាកប៉ាន់ណូ របស់ក្រុមហ៊ុន អៅដរ ដែលបានដាក់ ដោយ<br />បំពានបច្ចេកទេស នៅជាប់ ស្តុបទួលទំពូង ក្នុងខណ្ឌចំការមន។</p>
<p>អភិបាលរងខណ្ឌរាជធានីភ្នំពេញ លោក ជ្រាង សុផាន់ ដែលទទួលបន្ទុកទីចាត់ការរៀបចំក្រុង <br />បានថ្លែងឲ្យដឹងថា អភិបាលរាជធានីភ្នំពេញ លោក ប៉ា សុជាតិវង្ស បានបញ្ជាឲ្យអាជ្ញាធរ ចុះរុះ<br />រើស្លាកប៉ាន់ណូ ក៏ព្រោះតែក្រុមហ៊ុន បានដាក់បំពានបច្ចេកទេស ម្យ៉ាងទៀតគឺខ្លាច ប៉ះពាល់ដល់<br />សុវត្ថិភាព ក្នុងការរស់នៅ របស់ប្រជាពលរដ្ឋ នៅក្បែរនោះ។</p>
<p>លោក ជ្រាង សុផាន់ បានថ្លែងបានឲ្យដឹងទៀតថា ស្លាកប៉ាន់ណូ នេះ បានដាក់ដោយខុសបច្ចេក<br />ទេស ក្រុមហ៊ុនបានប្រើខ្សែលុសចងភ្ជាប់គ្នា មើលទៅពុំមានសុវត្ថិភាពនោះទេ ហើយស្លាកប៉ាន់<br />ណូនេះ ការសុំច្បាប់ គឺត្រឹមត្រូវ ប៉ុន្តែនៅពេលក្រុមហ៊ុនដាក់ គឺខុសបច្ចេកទេស ព្រោះដាក់រហូត<br />ដល់ទំហំទទឹង៦ ម៉ែត្រ ហើយ បណ្តោយជាង១៣ ម៉ែត្រ។</p>
<p>អភិបាលខណ្ឌ លោក ឡូ យុយ បានថ្លែងឲ្យដឹងថា ការសម្រេចឲ្យរុះរើស្លាកប៉ាន់ណូ ដែលដាក់<br />ខុសបច្ចេកទេស នេះជាការឆ្លើយតប ទៅប្រជាពលរដ្ឋ ដែលបាន ស្នើឲ្យសាលារាជធានីភ្នំពេញ<br />រុះរើ ព្រោះខ្លាចប៉ះពាល់ សុវត្ថិភាព នៃការរស់នៅរបស់ពួកគាត់ បន្ទាប់ពីស្លាកប៉ាន់ណូនេះ ត្រូវ<br />បានដាក់ប្រហែលជា១០ មកហើយ។</p>
<p>អ្នកស្រី ចឹក គឹមលី ប្រជាពលរដ្ឋរស់នៅក្បែរស្តុបទួលទំពូង បានថ្លែងឲ្យដឹងថា នៅពេលឃើញ <br />អាជ្ញាធររុះរើ ស្លាកប៉ាន់ណូនេះ គាត់មានការសប្បាយចិត្តជាខ្លាំង ដូចដកបន្លាចេញពីទ្រូងអីចឹង <br />ក៏ព្រោះតែរាល់ថ្ងៃ រាល់យប់រស់នៅដោយការភ័យខ្លាច គ្រោះថ្នាក់ដែលកើតចេញពីស្លាកប៉ាន់<br />ណូនេះ ។</p>
<p>អ្នកស្រី ចឹក គឹមលី បានថ្លែងបន្តទៀតថា បើសិនជាស្លាកប៉ាន់ណូនេះ នៅតែដាក់មិនដឹងជាថ្ងៃ<br />ណាមួយ គឺពិតជាមួយគ្រោះថ្នាក់ បើមិនចំគ្រួសារគាត់ ក៏ចំលើអ្នកដំណើរតាម ផ្លូវនោះដែរ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-078/Laypost-010.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-078/Laypost-011.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0568.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0572.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0567.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>