<div>
<p>សហរដ្ឋអាមេរិក បានប្រកាសផ្តល់ប្រាក់ ១០លានដុល្លារ ដើម្បីលុបបំបាត់ពលកម្មកុមារនៅ<br />កម្ពុជា។</p>
</div>
<p>យោងតាមក្រសួងការបរទេស ផ្នែកការងាររបស់សហរដ្ឋអាមេរិក ឲ្យដឹងថា ទឹកប្រាក់១០លាន<br />ដុល្លារនោះ គឺដើម្បីកិច្ចព្រមពៀងសហប្រតិបត្តិការ ក្នុងការប្រយុទ្ធប្រឆាំងពលកម្មកុមារនៅ<br />កម្ពុជា ក្នុងវិស័យកសិកម្ម នេសាទ និងផ្នែកសេវាកម្មក្នុងស្រុកផ្សេងៗទៀត។ គម្រោងនេះ ផ្តល់<br />ឲ្យក្នុងគោលដៅកាត់បន្ថយបញ្ហាមិនប្រក្រតីក្នុងសង្គម និងការលើកតម្កើងកាលានុវត្តភាពសេដ្ឋ<br />កិច្ចសំរាប់គ្រួសារដែលមាន កុមាររងគ្រោះ ដោយសារពលកម្ម។ </p>
<p><a class="thickbox" title="" href="/FileManager/Commons/2012/8/7/child-labor-brickchildrenipec-07-08-2012--12-45-04.jpg"><img src="/FileManager/Articles/mce/2012/8/7/child-labor-brickchildrenipec-07-08-2012--12-45-04.jpg" alt="" width="464" height="298" /></a></p>
<p>របាយការណ៍របស់វិទ្យាស្ថានស្ថិតិនៃក្រសួងផែនការ ដែលចេញផ្សាយក្នុងឆ្នាំ២០០២ បង្ហាញ<br />ថា កុមារប្រមាណជា ១លានកន្លះ ប្រឈមនឹងបញ្ហាពលកម្មកុមារ ដែលក្នុងនោះ ប្រមាណជា <br />៧៥០០០០នាក់ ស្ថិតក្នុងទម្រង់ពលកម្មបែបធម្មតា ហើយប្រមាណជា៣៥០០០០នាក់ ស្ថិត<br />ក្នុងទម្រង់ពលកម្មធ្ងន់ធ្ងរ។ តាមរយៈផែនការជាតិឆ្នាំ២០០៨ ដល់២០១២ វិស័យចំនួន១៦ ត្រូវ<br />បានចាត់ទុកថា ជាពលកម្មកុមារ រូមមានវិស័យកសិកម្ម សំណង់ នេសាទ និងសេវាបម្រើតាម<br />ផ្ទះជាដើម ។</p>
<p>ប្រធានគម្រោងលុបបំបាត់ពលកម្មកុមារនៅកម្ពុជា លោក អ៊ុក ស៊ីសុវណ្ណ បានមានប្រសាសន៍<br />ថា ពលកម្មកុមារភាគច្រើន គឺចាប់ពីអាយុ ១២ឆ្នាំឡើង ហើយមូលហេតុនៃពលកម្មកុមារនេះ <br />គឺដោយសារភាពក្រីក្រ ការឲ្យតម្លៃទាបលើប្រព័ន្ធអប់រំ ទស្សនៈបុរាណរបស់ពលរដ្ឋ និងការអូស<br />ទាញសំភារៈនិយម។</p>
<p>គួរបញ្ជាក់ថា កាលពីថ្ងៃទី ១២ ខែកក្កដា ឆ្នាំ២០១២ ក្នុងដំណើរទស្សនកិច្ចរបស់រដ្ឋមន្រ្តីការ<br />បរទេសសហរដ្ឋអាមេរិក លោកស្រី ហ៊ីលឡារី គ្លីនតុន បានប្រកាសថា សហរដ្ឋអាមេរិកនឹង<br />ប្តេជ្ញាជួយលើកកម្ពស់សុខភាពប្រជាពលរដ្ឋ កម្ពុជា និងការជួយដល់កុមារកម្ពុជាដែលកំពុងរង<br />គ្រោះ៕</p>
<p style="text-align: right;">ដោយ ៖ សីហា<br />ប្រភព ៖ wave3/vod</p>