<p><span style="color: #000000;">តាមប្រភពព័ត៌មានចចាមអារាម នៅលើគេហទំព័រលក់ទំនិញអនឡាញ Letstango នៅអារ៉ាប់រួម Galaxy S6 Mini បានបង្ហាញខ្លួនយ៉ាងស្ងាត់ៗ គួរឲ្យភ្ញាក់ផ្អើល។ បច្ចុប្បន្នគេហទំព័រនេះ ទើបតែ អនុញ្ញាតឲ្យអតិថិជនធ្វើការបញ្ជាទិញឧបករណ៍មុន និងនៅមិនទាន់ដឹងព័ត៌មានស្តីពីតម្លៃលក់នៃ ស្មាតហ្វូននេះ យ៉ាងណានៅឡើយទេ។ </span></p>
<p style="text-align: left;"><a class="thickbox" title="" href="/FileManager/Commons/2015/12/26/1479958-26-12-2015--10-18-07.jpg"><img src="/FileManager/Articles/mce/2015/12/26/1479958-26-12-2015--10-18-07.jpg" alt="" /></a></p>
<p><span style="color: #000000;">Galaxy S6 Mini បើតាមព័ត៌មានចចាមអារាមបានឲ្យដឹងថា វានឹងមានឈ្មោះកូដ SM-G6MINI។ ស្មាត ហ្វូនមានអេក្រង់ Super AMOLED ទំហំ 4.6 inch និងតួខ្លួនត្រូវបានស្រោបទៅដោយកញ្ចក់ដ៏រឹងមាំ <span style="line-height: 19.6px;">Gorilla Glass 4</span><span style="line-height: 19.6px;"><span style="line-height: 1.4;">។ ផ្នែកខាងក្នុងរបស់ </span><span style="line-height: 19.6px;">Galaxy S6 Mini លទ្ធភាពច្រើនវានឹងបំពាក់នូវ chip ចំនួន 6គ្រាប់ ល្បឿន 1.8 GHz, chip ក្រាហ្វិក Adreno 408, </span><span style="line-height: 19.6px;">RAM 2 GB និងមានអង្គផ្ទុកទិន្នន័យក្នុងម៉ាស៊ីន 16GB។ </span></span></span></p>
<p><span style="color: #000000;">នៅផ្នែកខាងក្រោយស្មាតហ្វូនមានបំពាក់នូវកាមេរ៉ាទំហំ 15MP រីឯកាមេរ៉ាមុខមានទំហំ 5MP។ ក្រៅពីនេះ Galaxy S6 នឹងមានបំពាក់នូវតំណភា្ជប់ Wi-Fi ស្តង់ដារ ac, Bluetooth 4.0, LTE,...និងមានថ្មមិន អាចដោះបាន ប៉ុន្តែនៅមិនទាន់ដឹងច្បាស់ថា មានថាមពលប៉ុន្មានមីលីអំពែរនោះទេ។</span></p>
<p><span style="color: #000000;">តាម Letstango ដដែល ស្មាតហ្វូននេះនឹងមានដំឡើងជាស្រេចប្រព័ន្ធប្រតិបត្តិការ<span style="line-height: 1.4;"> Android 5.1 Lollipop ពេលបញ្ចេញដាក់លក់។ ជាពិសេសគ្រប់ Feature ដែលមាននៅលើ Galaxy S6 និង S6 Edge ដូចជា នឹងនៅរក្សាទុកទាំងអស់ នៅលើ Galaxy S6 mini ដែលមានដូចជា ការគាំទ្រសេវាកម្ម Samsung Pay សាកអត់ខ្សែ Sensor ស្គែនក្រយៅដៃ...។</span></span></p>
<p><span style="color: #000000;">កាលពីចុងខែកក្កដា កន្លងទៅនេះ មុនព្រឹត្តិការណ៍នៃការបង្ហាញណែនាំ Galaxy Note 5 និង Galaxy S6 Edge+, ពិភពអ្នកបច្ចេកវិទ្យាក៏បានមានការចាប់អារម្មណ៍ ដល់ការបង្ហាញខ្លួនគួរឲ្យភ្ញាក់ផ្អើលមួយ នៃរូបភាពចចាមអារាម ដែលត្រូវបានគេចាត់ទុកថាជា Galaxy S6 Mini នៅលើអ៊ីនធឺណេត។ រហូតមក ដល់ពេលនេះ នៅពេលដែលបណ្តាព័ត៌មានលក្ខណៈសម្បត្តិរបស់ម៉ូដែលនេះ បានលេចចេញនៅលើ គេហទំព័រលក់ទំនិញអនឡាញ នោះយើងសង្ឃឹមថា ពេលវេលានៃការបង្ហាញខ្លួនរបស់ស្មាតហ្វូននេះ នឹងកាន់តែកៀកខិតជិតមកដល់ហើយ។ Galaxy S6 Mini អាចនឹងបង្ហាញណែនាំខ្លួន រួមពេលវេលា ជាមួយនឹងការបង្ហាញណែនាំ Galaxy ត្រកូល S ជំនាន់ថ្មី នៅដើមខែមីនា ឆ្នាំ២០១៦ ឯពិព័រណ៍ MWC 2016៕</span></p>
<p><span style="color: #000000;"><a href="http://www.camnews.com.kh/News/Detail/22003/iphone-7-comes-in-first-half-of-2016"><span style="color: #3366ff;"><em>- អានអត្ថបទ៖ iPhone 7 អាចនឹងបង្ហាញខ្លួន នៅពាក់កណ្តាលដើមឆ្នាំ២០១៦ ដើម្បីប្រជែងទីផ្សារ ជាមួយ Galaxy S7?</em></span></a><br /><a href="http://www.camnews.com.kh/News/Detail/13731/samsung-officially-launch-galaxy-a9-at-china"><span style="color: #3366ff;"><em>- អានអត្ថបទ៖ ទីបំផុត Samsung បង្ហាញណែនាំ Galaxy A9 ជាផ្លូវការហើយ៖ អេក្រង់ធំ 6” Full-HD, RAM 3GB, ថ្ម 4000mAh</em></span></a><br /></span></p>
<p> </p>
<p style="text-align: right;">ប្រែសម្រួល៖ មង្គល<br />ប្រភព៖ <em>Letstango, Vreview</em></p>