<p><span style="color: #000000;"><strong>(តេហេរ៉ង់)៖</strong> អ្នកវិទ្យាសាស្ត្រអ៉ីរ៉ង់ ផ្នែករញ្ជួយដី លោក Bahram Akkasheh បានព្រមានថា នៅរយៈពេល១៥ ទៅ២០ឆ្នាំខាងមុខ គ្រោះរញ្ជួយដីដ៏មហាប្រល័យមួយ មានកម្លំាង ៧.០ ទៅ៨.០ រ៉ិចទ័រអាចនឹងវាយប្រហារ មកលើទីក្រុងតេហេរ៉ង់ ដោយនឹងធ្វើឲ្យរដ្ឋធានីមួយនេះ បាត់ចេញពីផែនទីពិភពលោក។ នេះបើយោងតាម ការចេញផ្សាយរបស់សារព័ត៌មាន Sputnik នៅព្រឹកថ្ងៃព្រហស្បតិ៍ ទី២៧ ខែតុលា ឆ្នាំ២០១៦។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/10/27/18c-27-10-2016--16-29-17.jpg"><img src="/FileManager/Articles/mce/2016/10/27/18c-27-10-2016--16-29-17.jpg" alt="" /></a><br /></span></p>
<p><span style="color: #000000;">នៅក្នុងបទសម្ភាសន៍ ជាមួយ Sputnik លោក Bahram Akkasheh បានលើកឡើងថា «គេគួរតែគិតពី លទ្ធភាពនៃការផ្ទេររដ្ឋធានីតេហេរ៉ង់ ទៅកាន់តំបន់ណាមួយ ដែលមានហានិភ័យតិចតួច»។ លោក Akkasheh បន្តថា «វាមិនមែនជារឿងចៃដន្យឡើយ ដែលយើងចុះកិច្ចព្រមព្រៀង សហប្រតិបត្តិការជាមួយជប៉ុនក្នុងការ ត្រួតពិនិត្យសកម្មភាពរញ្ជួយដី នៅទីក្រុងតេហេរ៉ង់ ត្បិតនៅពេលដ៏ខ្លីខាងមុខ គ្រោះរញ្ជួយដីដ៏មហាប្រល័យមួយ អាចនឹងវាយប្រហារ លើទីក្រុងមួយនេះ ដោយនឹងបង្កឲ្យមានជនរងគ្រោះរាប់លាននាក់ ក៏ដូចជាអាចធ្វើឲ្យរដ្ឋធានីតេហេរ៉ង់ បាត់ចេញពីផែនទីពិភពលោក ផងដែរ»។</span></p>
<p><span style="color: #000000;">គួរបញ្ជាក់ថា ការផ្ដួចផ្ដើមគំនិតផ្ទេររដ្ឋធានី តេហេរ៉ង់ទៅតំបន់ផ្សេង មានតាំងតែពីឆ្នាំ២០០៩ មកម្ល៉េះ ដោយមានការជម្រុញ ពីសំណាក់មេដឹកនាំកំពូលអ៉ីរ៉ង់ លោក Ayatollah Khamenei ហើយគំនិតនេះក៏ត្រូវបាន ក្រុមប្រឹក្សាសុវត្ថិភាពជាតិ ផ្ដល់អនុសាសន៍ក្នុងការរៀបចំផ្ទេរ រដ្ឋធានីផងដែរ ប៉ុន្តែអ៉ីរ៉ង់មិនទាន់បានបង្ហើប ពីទីតាំងសម្រាប់រដ្ឋធានី អនាគតថ្មីនោះឡើយ៕</span></p>
<p><span style="color: #000000;"><a class="thickbox" title="" href="/FileManager/Commons/2016/10/27/16-27-10-2016--14-44-19.jpg"><span style="color: #000000;"><img src="/FileManager/Articles/mce/2016/10/27/16-27-10-2016--14-44-19.jpg" alt="" /></span></a></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>