<p><span style="color: #000000;">ព័ត៌មានអន្តរជាតិ ៖ មន្រ្តីយោធាជាន់ខ្ពស់ ក៏ដូចជាសមាជិកមន្រ្តីនយោបាយមួយរូបមកពីកូរ៉េខាង ជើងលោក Ra Uh Sol បានស្លាប់បាត់បង់ជីវិត ដោយសារ រោគ មហារីក សួត នៅក្នុងជន្មាយុ ៩៤ ឆ្នាំ ខណៈរដ្ឋាភិបាលទីក្រុង ព្យុងយ៉ាង កំពុងតែធ្វើពិធីបុណ្យសព ចូលរួម រំលែកមរណៈទុក្ខ ជូន ចំពោះក្រុមគ្រួសារនៃសព នេះបើយោងតាមការចុះផ្សាយពីគេហទំព័រ សារព័ត៌ មាន រដ្ឋ កូរ៉េខាង ជើង KEN នៅថ្ងៃអាទិត្យ ម្សិលមិញនេះ ។ </span></p>
<p><a class="thickbox" title="" href="/FileManager/Commons/2015/11/10/11-10-11-2015--10-01-53.jpg"><img src="/FileManager/Articles/mce/2015/11/10/11-10-11-2015--10-01-53.jpg" alt="" /></a></p>
<p><span style="color: #000000;">ប្រភពបញ្ជាក់អោយដឹងថា លោក Ra Uh Sol គឺជាសេនាប្រមុខនៃកងទ័ព កូរ៉េ ខាងជើង ខណៈ លោកក៏ជាសមាជិកនៃគណៈកម្មការធិការកណ្តាល នៃគណបក្សកាន់អំណាច Workers' Party of Korea (WOK) ដូចគ្នាដែរ មិនត្រឹមតែប៉ុណ្ណោះ លោក អនុ ប្រធានរដ្ឋសភាព ជាន់ ខ្ពស់ផងដែរ ។ របាយការណ៍ បញ្ជាក់អោយដឹងថា លោក Ra Uh Sol បាន ទទួលមរណភាព នាវេលាព្រឹកព្រលឹម ថ្ងៃសៅរ៍ចុងសប្តាហ៍កន្លងទៅនេះ ពោល លោកបានទទួលមរណភាព នៅ ថ្ងៃតែមួយ ដែលគណៈ កម្មការធិការកណ្តាលរដ្ឋ ប្រកាសអោយមានការរៀបចំ ពិធីបុណ្យ សព បណ្តើរៗអោយហើយទៅ សម្រាប់ថ្ងៃពុធសប្តាហ៍បន្ទាប់ ។ គួររំឮកថា គណៈ កម្មការធិការ កណ្តាលរដ្ឋ មានប្រមុខដឹកនាំ កំ ពូលនោះគឺ មេដឹកនាំ កូរ៉េខាងជើង គីម ជុងអ៊ុន ។</span></p>
<p><span style="color: #000000;"><a class="thickbox" title="" href="/FileManager/Commons/2015/11/10/11a-10-11-2015--10-02-07.jpg"><img src="/FileManager/Articles/mce/2015/11/10/11a-10-11-2015--10-02-07.jpg" alt="" /></a><br /></span></p>
<p><span style="color: #000000;">មាន ដើម កំណើត ចេញ ពី គ្រួសារកសិក រលោក Ra Uh Sol មាន ស្រុកកំណើតពីខេត្ត North Hammy Province លោកកើតឆ្នាំ ១៩២១ ។ សេចក្តីរាយការណ៍ បញ្ជាក់ អោយដឹងថា លោក Ra Uh Sol ក៏បានចូលរួមចំណែក នៅក្នុងបេសកម្មសង្គ្រាមប្រឆាំងជប៉ុន និង សង្គ្រាមឧបទ្វីបកូរ៉េឆ្នាំ ១៩៥០-១៩៥៣ ដូចគ្នាដែរ ។ លោកធ្លាប់បម្រើការ ជាសមាជិក នៃ គណៈកម្មការធិការកណ្តាល នៃគណបក្សកាន់អំណាច Workers' Party of Korea (WOK) ចាប់តាំងពីឆ្នាំ ១៩៧០ ខណៈក្រោយ មកទៀត លោកបម្រើការងារ ជាសមាជិកគណៈកម្មការយោធាកណ្តាល បក្ស WOK ពីឆ្នាំ ១៩៨០ ដល់ឆ្នាំ ២០១០ ។ មិនត្រឹមតែប៉ុណ្ណោះ ប្រភពបន្តអោយដឹងថា អតីតកាល របស់លោក ចន្លោះឆ្នាំ ១៩៩០ ដល់ឆ្នាំ ២០០៣ លោកបម្រើការ ជាសមាជិកនៃគណៈកម្មការការពារជាតិ កូរ៉េខាងជើង ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>