<p>ដោយគ្រាន់តែដើរ ២,០០០ ជំហាន ជារៀងរាល់ថ្ងៃ អ្នកដែលមានអាការៈច្របូកច្របល់នៃមុខងារ<br />ស្រូបយកជាតិ glucose (Impaired glucose tolerance) ក្នុងរាងកាយ ដែលជាសញ្ញាដំបូងនៃជម្ងឺ<br />ទឹកនោមផ្អែម និងបេះដូង អាចកាត់បន្ថយនូវហានិភ័យនៃគ្រោះថ្នាក់ដោយសារការឈឺបេះដូង ឬ<br />គាំងបេះដូង។ នេះគឺជាលទ្ធផលនៃការពិសោធរបស់ក្រុមអ្នកវិទ្យាសាស្ដ្រអង់គ្លេស ដែលបានចុះ<br />ផ្សាយនៅលើទស្សនាវដ្ដី "The Lancet" លេខចេញផ្សាយកាលពីថ្ងៃទី ២០ធ្នូកន្លងទៅ។</p>
<p style="text-align: center;"><a class="thickbox" title="" href="/FileManager/Commons/2014/1/9/shutterstock-walking-09-01-2014--17-07-37.jpg"><img src="/FileManager/Articles/mce/2014/1/9/shutterstock-walking-09-01-2014--17-07-37.jpg" alt="" /></a></p>
<p><br />ក្រុមអ្នកវិទ្យាសាស្ដ្រនៃសកលវិទ្យាល័យ Leicester នៅអង់គ្លេស ឱ្យដឹងថា ក្រោយពីបានធ្វើការ<br />ពិសោធទៅលើមនុស្សពេញវ័យ ចំនួន ៩,៣០០នាក់ ដែលកើតអាការៈ ច្របូកច្របល់នៃមុខងារ<br />ស្រូបយកជាតិ glucose ឬ IGT និងមានហានិភ័យ ឬត្រូវពិនិត្យឃើញថា កើតជម្ងឺបេះដូង នៅក្នុង<br />ប្រទេសចំនួន ៤០ សុទ្ធតែអះអាងអំពីគុណប្រយោជន៍នៃកាត់បន្ថយទម្ងន់រាងកាយ កាត់បន្ថយ<br />ជាតិខ្លាញ់ក្នុងអាហារ និងមានការហាត់ប្រាណទៀងទាត់។ <br /><br />ក្រុមអ្នកវិទ្យាសាស្ដ្រទទួលស្គាល់ថា អ្នកជម្ងឺដែលដើរដោយថ្មើរជើង ២,០០០ជំហាន (ប្រហែល<br /> ២០នាទី) ក្នុងល្បឿនមធ្យម ជារៀងរាល់ថ្ងៃ នឹងកាត់បន្ថយហានិភ័យនៃការកើតជម្ងឺបេះដូង បាន<br /> ៨% បន្ទាប់ពីអនុវត្តបាន ៦ឆ្នាំ។<br /><br />ប្រធានក្រុមអ្នកវិទ្យាសាស្ដ្រ បណ្ឌិត Thomas Yates ថ្លែងថា អ្នកកើតអាការៈ IGT មានហានិភ័យ<br />ខ្ពស់ ក្នុងការកើតជម្ងឺបេះដូង។ លោកឱ្យដឹងថា បើទោះជាមុននេះ ធ្លាប់មានការពិសោធនិងរក<br />ឃើញតម្លៃនៃសកម្មភាពហាត់ប្រាណ ចំពោះសុខភាព ពិសេសគឺអ្នកកើតជម្ងឺ IGT ប៉ុន្ដែនេះគឺជា<br />ការពិសោធដំបូងដែលសង្កត់ធ្ងន់នូវផលប្រយោជន៍នៃការផ្លាស់ប្ដូរទម្លាប់ហាត់ប្រាណដោយការ<br />ដើរចំពោះអ្នកមានហានិភ័យ កើតជម្ងឺបេះដូង។<br /><br />គេបានដឹងថា នៅក្នុងពិភពលោក មានមនុស្សពេញវ័យ ប្រហែល ៣៤៤លាននាក់ (៧,៩% នៃប្រជា<br />ជនសរុប) កើតជម្ងឺ IGT ។ តាមការព្យាករណ៍ ចំនួននេះនឹងកើនឡើង ៤៧២ លាននាក់ (៨,៤% នៃ<br />ប្រជាជនសរុប) នៅឆ្នាំ ២០៣០ ។<br /><br /></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ nydailynews<br /><br /></p>