<p><span style="color: #000000;"><strong>(ភ្នំពេញ)៖</strong> ស្រីស្រស់សិចស៊ី មានមុខមាត់កាត់បែបអឺរ៉ុប កញ្ញា ឌុច លីដា មិនត្រឹមតែមមាញឹកនឹងការងារសិល្បៈប៉ុណ្ណោះទេ ប៉ុន្តែតារារូបនេះ បានងាកមកចាប់អារម្មណ៍ លើការងារកសិកម្ម ដោយនាងចង់ធ្វើជំនួញពោត នៅក្នុងខេត្តប៉ៃលិន យកមកលក់នៅក្នុងក្រុងភ្នំពេញ ប៉ុន្តែក៏អំពាវនាវឲ្យបងប្អូនខ្មែរ ជួយគាំទ្រឲ្យបានច្រើន។ បន្ទាប់ពីមានបំណងបែបនេះ ឌុច លីដា កំពុងតែខ្វាយខ្វល់ចំពោះទីផ្សារ លក់ផលិតផលកសិកម្ម ព្រោះទីផ្សារនៅក្នុងប្រទេសជិតខាង (ប្រទេសថៃ) បានទម្លាក់ថ្លៃយ៉ាងខ្លាំង ធ្វើឲ្យនាងចង់បង្វែទីផ្សារមកលក់ នៅក្នុងទីក្រុងភ្នំពេញ និងបានអំពាវនាវឲ្យបងប្អូនខ្មែរ គាំទ្រនូវផលិតផលកសិកម្មខ្មែរ ទៀតផង។</span></p>
<p><span style="color: #000000;">តារាសម្ដែងស្រីដ៏ស្រស់សោភា ហ៊ានថតស្រាត កញ្ញា ឌុច លីដា ត្រូវបានហៅថា តួឯកស្រី៧០ម៉ឺនដុល្លារ ព្រោះក្នុងរឿង «ស្បែកគង់» ដែលនាងបានចូលរួមសម្ដែង គឺចំណាយលុយផលិត អស់ប្រមាណ៧០ម៉ឺនដុល្លា ហើយនាងក៏បានលះបង់ យ៉ាងខ្ពស់សម្រាប់ភាពយន្តមួយនេះ ទាំងភាពសិចស៊ី ក្នុងឈុតស្រើបស្រាល ហ៊ានសម្ដែងមិនញញើតឡើយ។</span></p>
<p><span style="color: #000000;">ឌុច លីដា ក្រៅពីមានប្រជាប្រិយភាព ក្នុងការសម្ដែងឲ្យ ក្រុមឡូយ៩ហើយនោះ នាងក៏ជាតារាបង្ហាញម៉ូដ និងថតម៉ូដលេចធ្លោម្នាក់ បើទោះបីនាងមានកំពស់ មិនចូលស្ដង់ដាម៉ូឌែលក៏ដោយ តែពូកែលេងទឹកមុខ ដូចនេះគេតែងតែឃើញនាង ឡើងបង្ហាញមុខក្នុងកម្មវិធីតូចធំញឹកញាប់។ អាជីពសិល្បៈ ដំណើរការយ៉ាងរលូន ស្ទើរមិនគួរឲ្យជឿ តារាស្រីរូបនេះ បែរជាប្រកាសត្រៀមយកផលិតផលកសិកម្ម គឺពោតក្រហម ពីប៉ៃលិនមកលក់ទៅវិញ ខណៈដែលទីផ្សារប្រទេសជិតខាង មានតម្លៃថោកពេក។</span></p>
<p><span style="color: #000000;">តារាស្រីសម្បុរស្រអែម ឌុច លីដា បាននិយាយក្នុងបណ្ដាញសង្គមថា «ខ្ញុំមានពោតផ្អែម (ពោតក្រហម) ដែលដាំនៅប៉ៃលិន សាច់ខ្ចីល្អ មិនប្រើគីមីដូចប្រទេសជិតខាងទេ។ ប៉ុន្តែគ្មានទីផ្សារ នៅក្នុងស្រុកទេ ស្រុកថៃឲ្យតម្លៃថោកពេក ។ បើខ្ញុំយកមកលក់នៅភ្នំពេញ តើបងប្អូនជួយគាំទ្រ កសិផលខ្មែរដែរទេ? សូមជួយ(គាំទ្រ)កសិករខ្មែរយើងផង បើមិនចឹងទេ ពួកយើងគ្មានកម្លាំងដើរទៅមុខទៀតទេ។ សង្ឃឹមថា កម្ពុជាយើងនឹងមានទីផ្សារកសិកម្មល្អ ដូចគេដែរ ព្រោះយើងជាប្រទេស ដែលពឹងផ្អែកលើកសិកម្ម។ សូមអរគុណ បងប្អូនទាំងអស់គ្នា !»។</span></p>
<p><span style="color: #000000;">ក្រោយពី ឌុច លីដា បានបង្ហាញអារម្មណ៍ចង់លក់ពោត មានអ្នកគាំទ្រនាងជាច្រើន បានសាទរចង់ឲ្យជួយលើកស្ទួយវិស័យនេះ។ អ្នកគាំទ្រ ឌុច លីដា បាននិយាយថា« ធ្វើយ៉ាងណាកសាងឈ្មោះ ឲ្យល្បីខ្លាំងទាំងនៅឆាកជាតិ និងអត្តរជាតិ ហើយធ្វើតំណាងឲ្យកសិករ ស្នើសុំទីផ្សាកសិកម្ម ទៅដល់រដ្ឋាភិបាលទៅបងស្រី បងស្រី មានថាមពលជាងពួកយើង !»។</span></p>
<p><span style="color: #000000;">កញ្ញ ឌុច លីដា ហាក់មានចេតនាស្មោះត្រង់ ចង់ជួយវិស័យកសិកម្មនេះ យ៉ាងពិតប្រាកដ តែគេមិនដឹងថា នាងនឹងគ្រោងបើកហាងលក់ពោត ឬប្រុងបោះដុំតាមហាងនានា យ៉ាងណានៅឡើយទេ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14088601_1544529062240065_3411971931085879917_n.jpg?oh=632ad090ad265addf37c8ffb9ddd8c9a&oe=584A95BB" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xaf1/v/t1.0-9/14192632_1544529105573394_5916743884205254312_n.jpg?oh=e72ba22166fb2473e109bfd00f903e04&oe=5845F122&__gda__=1481397653_19d2974182a07d6f72e57bb7c1044dc2" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14191961_1544529232240048_4211233774181278701_n.png?oh=8b3cb6736604be9475583fc63084bd03&oe=584AA743" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xtf1/v/t1.0-9/14141961_1544528945573410_5815503808252585617_n.jpg?oh=49f695ed7bfd42c3ba2bcc87a1f9f699&oe=5854C51D&__gda__=1485175989_3836df3886884538f8f2d8a5956fada2" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xap1/v/t1.0-9/14203367_1544529038906734_3777125833549574198_n.jpg?oh=29697787f0cab82ff0381cd8a96725cb&oe=5856E9C7&__gda__=1481628926_a1dccd4079f6ffcbb215445974365f7f" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14192746_1544529055573399_2326196929133440172_n.jpg?oh=f63a06491ec1be41260b23fc1d8b8377&oe=584171C7" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>