<div class="article-content">
<p><strong>កោះកុង ៖</strong> ជនជាតិ អាមេរិកកាំងម្នាក់ ដែលជួលបន្ទប់ស្នាក់ នៅជិត១ឆ្នាំមកហើយ នៅក្នុង សណ្ឋាគារ «បុបា្ឆកោះកុង» លេខ២០៩ បានដេកស្លាប់ ទាំងអាក្រាត ដោយមានការសង្ស័យ ទៅលើសុខភាពមិនល្អ (ខ្យល់គរ) ។ សណ្ឋាគារ «បុបា្ឆកោះកុង» ដែលជនជាតិ បរទេសស្លាប់នោះ ស្ថិតនៅភូមិ១ សង្កាត់ស្មាច់មានជ័យ ក្រុងខេមរភូមិន្ទ ខេត្ដកោះកុង ។</p>
<p>ការធ្វើកោសល វិច្ច័យពិនិត្យ ទៅលើសាកសព មានការចូលរួមពី សំណាក់ លោក ឈិន ឡុង នាយកក្រឡាបញ្ជី អមសាលា ដំបូងខេត្ដកោះកុង លោក ឃឹម សាណេ ស្នងការរង ទទួល បន្ទុកព្រហ្មទណ្ឌ នៃស្នងការដ្ឋាននគរបាល ខេត្ដកោះកុង លោក រៀល ចាន់ដារ៉ា ព្រមទាំងសមត្ថកិច្ច ជំនាញជា ច្រើនរូប ព្រមទាំង ក្រុមគ្រូពេទ្យទៀតផង ។</p>
<p>ជនជាតិបទេសដែលដេកស្លាប់ នៅក្នុងបន្ទប់ជួលនោះ ត្រូវមន្រ្តីនគរបាល ប្រាប់ថា មានឈ្មោះ SCOTTCHARLESSHOPPELL កាន់ប៉ាស្ព័រ លេខ ៤៥ ២០ ១១ ៥១៤ មានទីលំនៅរដ្ឋ អ៊ិនដាយណា (សហរដ្ឋអាមេរិក) ។ លោក ឃឹម សាណេ ស្នងការរងទទួល បន្ទុកផ្នែកព្រហ្មទណ្ឌ បាននិយាយនៅ កន្លែងកើតហេតុឱ្យ ដឹងថា ក្រោយពីទទួលបានព័ត៌មាន ពីអ្នកគ្រប់គ្រងសណ្ឋាគារ ថា មានជនជាតិ បរទេសបានស្លាប់ នៅក្នុងបន្ទប់លេខ ២០៩ លោកបានដឹកនាំចុះ មកភ្លាមដើម្បី ត្រួតពិនិត្យ និងធ្វើកោសលវិច្ច័យ ទៅលើសាកសព ដើម្បីរកហេតុផល ពីការស្លាប់របស់ជនជាតិ បរទេសនោះ។</p>
<p>ហើយក្រោយពីពិនិត្យ ទៅលើសាកសពពីក្រុមជំនាញ និងលោកគ្រូពេទ្យ បានសន្និដ្ឋានថា ប្រហែលមកពីខ្យល់គ ។ ជនបរទេសរូបនោះស្លាប់ប្រហែលចន្លោះពី ២-៣ ថ្ងៃមកហើយ ព្រោះសាកសពមាន ក្លិនស្អុយពេញបន្ទប់ ។</p>
<p>នៅពេលទទួល បានព័ត៌មានថា មានជនជាតិបរទេស ស្លាប់នៅក្នុងបន្ទប់ លោកក៏បាន ធ្វើសេចក្ដីរាយការណ៏ ទៅលោកស្នងការហើយ លោករាយការណ៏ទៅស្ថានទូត ជូនដំណឹងជាបន្ទាន់ ហើយ<strong> </strong> ការពិនិត្យនៅក្នុងបន្ទប់ ហើយសមត្ថកិច្ច បានរកឃើញសម្ភារៈជាច្រើន តែត្រូវ សមត្ថកិច្ច ធ្វើការត្រួតពិនិត្យ នឹងយកមករក្សាទុកដើម្បីធ្វើការបញ្ជូនទៅស្ថានទូតទាំងអស់ ។ អ្នកគ្រប់គ្រងសណ្ឋាគារ បាននិយាយថា ជនបរទេសដែល ស្លាប់បានមកជួលស្នាក់នៅ ជិត១ឆ្នាំមកហើយ តែក្រោយពីបាត់ជននេះមិនឃើញ ចេញពីបន្ទប់ទើបទៅមើលទើប ដឹងថា ជនបរទេសស្លាប់ ទើបរាយណ៏ទៅសមត្ថកិច្ច។</p>
<p>ប្រភពពីមជ្ឈដ្ឋាន ដែលនោឈរមើលនៅទីនោះ បានសំដែង ការមិនពេញចិត្ដ ដែលម្ចាស់សណ្ឋាគារ មិនបានត្រួតពិនិត្យ ឱ្យបានរាល់ថ្ងៃនោះទេ ទុកឱ្យជនបរទេសនោះដេក ស្លាប់រហូតដល់ មានក្លិនស្អុយបែបនេះ៕</p>
<p style="text-align: center;"><img src="http://image.dap-news.com:81/dap-news/dap-images/2014/August/id-067/CH-00441.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-067/CH-00442.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-067/CH-00443.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-067/CH-00444.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-067/CH-00445.jpg" alt="" width="550" /></p>
</div>
<p style="text-align: right;"><a href="http://www.dap-news.com/2011-06-14-02-39-55/92394-2014-08-08-06-14-01.html" target="_blank">ផ្តល់សិទ្ធដោយ ៖ ដើមអម្ពិល</a></p>