<p>ព្រោះតែកើត មកជាតិនេះមិនសូវ មានសំណាង ដោយកើតចំត្រកូល អ្នកស្រុកស្រែចំការ និងមាន<br />ជីវភាព ក្រលំបាក យ៉ាងពន់ពេកផងនោះ បានធ្វើឲ្យអ្នកស្រី សំ ឡី អាយុជាង ៣០ឆ្នាំ ត្រូវដើរ ស៊ី<br />ឈ្នួល បោកខោអាវ ឲ្យគេ នៅតាមផ្ទះដើម្បី យកទៅចិញ្ចឹមកូនៗ ទាំងពីរនាក់ កូនប្រុស អាយុជាង<br />១០ឆ្នាំ និងកូនស្រីពៅ អាយុ ជាង៣ឆ្នាំ ខណៈប្តីរបស់ខ្លួន គ្រាន់តែ ធ្វើជាកម្មករ លើកស៊ីម៉ងត៌ មួយ<br />ថ្ងៃ រកប្រាក់ចំណូល ត្រឹមតែ ១០០០០ ទៅ ២០០០០រៀលនោះ ជាហេតុនាំឲ្យ ពួកគេទាំងពីរនាក់ <br />មិនអាចយកប្រាក់ទាំងនេះ ទៅចិញ្ចឹមជីវភាព ប្រចាំថ្ងៃបាន ស្របពេលដែលទំនិញ សព្វថ្ងៃមានតម្លៃ<br />ខ្ពស់ គួរសមផងនោះ។</p>
<p>ជាកូនកើតនៅ ក្នុងត្រកូលក្រីក្រ រស់នៅភូមិត្រស់ ឃុំបាល្ល័ង្គ ស្រុកបារាយណ៍ ខេត្តកំពង់ធំ អ្នកស្រី <br />សំ ឡី បានដើរស៊ីឈ្នួលបោកខោអាវឲ្យគេនៅតាមផ្ទះ ដោយយកតម្លៃត្រឹមតែ ១០០រៀល ប៉ុនណ្ណោះ<br /> សម្រាប់ខោមួយ ឫអាវមួយ ហើយការប្រកបមុខរបរខាង លើនេះ បានធ្វើឡើងអស់រយៈពេលជាង២<br />ឆ្នាំ មកហើយ។</p>
<p>សម្រាប់អ្នកដែលមិន ធ្លាប់ជួប និងតម្លៃបោកខោ អាវបែបនេះ ពិតជាមានការភ្ញាក់ផ្អើល ជាក់ជាមិន<br />ខានឡើយ ពីព្រោះ នៅរាជធានីភ្នំពេញ និងនៅតាមទីប្រជុំជនខ្លះ សម្រាប់បោកខោមួយ និងអាវ<br />មួយដែលគេហៅថា ខោអាវបោកគក់នោះ គឺមានតម្លៃរហូតដល់ ១៥០០រៀល ទៅ២០០០រៀល ប៉ុន្តែ<br />សម្រាប់ ប្រជាពលរដ្ឋ រស់នៅ ក្នុងភូមិត្រស់ ឃុំបាល្ល័ង្គ វិញ ពួកគេបានដឹងគ្រប់ៗ គ្នាថា សម្រាប់តម្លៃ<br />បោកគក់ ក្នុងខោមួយ ឫអាវមួយ តម្លៃតែ១០០រៀលទេ ដូច្នេះបើទោះបីមានខោអាវ ច្រើនពេញកន្ត្រក<br /> ក៏អស់លុយមិនច្រើនដែរ ។</p>
<p>ក្នុងសម្លៀកបំពាក់ មិនថ្មីប៉ុន្មាន ដោយសារតែគ្មានលុយទិញ ខោអាវថ្មីៗ នោះ និងពាក់ពួកដើម្បី ជួយ<br />បាំងពន្លឺថ្ងៃ ហើយអង្គុយនៅជាប់អណ្តូងទឹក កំពុងបោកខោអាវឲ្យគេនោះ អ្នកស្រី សំ ឡី បាននិយាយ<br /> ដោយស្នាមញញឹមថា គាត់រកស៊ីបោកខោអាវនេះ អស់រយៈពេលជាង២ឆ្នាំ ដោយមុនដំបូងឡើយ គឺ<br />មានតែមនុស្សម្នាក់ ទៅពីរនាក់ ប៉ុនណ្ណោះ ដែលហៅ ទៅបោក ប៉ុន្តែពីមួយថ្ងៃៗ ទៅមួយថ្ងៃ ចេះតែ<br />មានមនុស្ស នៅក្នុងភូមិនាំគ្នាហៅ ឲ្យជួលបោក ជាបន្តបន្ទាប់ រហូតមកដល់សព្វថ្ងៃនេះ មានម៉ូយជា<br />ច្រើន ហើយបោកតាំង ពីព្រឹកដល់ល្ងាច ក៏មានដែរ ។</p>
<p>ប៉ុន្តែអ្នកស្រី បានបន្តថា ក្នុងមួយថ្ងៃៗ បើទោះបីជាខោអាវច្រើនសម្រាប់បោក ក៏ដោយ ពេលបានលុយ<br /> គឺត្រឹមពី ១០០០០ ទៅ២០០០០ប៉ុនណ្ណោះ ពីព្រោះតម្លៃប៉ុណ្ណឹង បានលុយក៏មិនច្រើនដែរ ។ នៅពេល<br />សួរថា ចុះបើគេឲ្យ បោក ខោ អាវ ខ្លី (ខោអាវទ្រនាប់) អ្នកស្រី បានញញឹម ហើយនិយាយថា បោកតែ<br />ទាំងអស់ហ្នឹង គ្មានខ្ពើម និងប្រកាន់នោះឡើយ ។</p>
<p>និយាយដល់ចំណុចនេះ អ្នកស្រី បានរំលឹកថា សព្វថ្ងៃដោយគ្មានមុខរបរឲ្យ ដុំកំភួននឹងគេ ហើយម្យ៉ាង<br />ទៀតប្តី របស់ខ្លួន ត្រឹមតែជា កម្មករលីសែងស៊ីម៉ង់ត៌ បានត្រឹមមួយបាវ ២០០រៀល ចឹងមួយថ្ងៃៗ រក<br />បានចន្លោះពី ១០០០០រៀល ទៅ ២០០០០រៀល ដើម្បីយក ចិញ្ចឹមកូនប្រុស ដែលកំពុងសិក្សា នៅ<br />សាលា និងចិញ្ចឹមកូនស្រីទើបមាន អាយុជាង ៣ឆ្នាំ។</p>
<p>អ្នកស្រី សំឡី ដែលជិះកង់យ៉ាង កញ្ចាស់មួយ សម្រាប់ធ្វើដំណើរ ទៅបោក ខោអាវឲ្យគេ នៅតាមផ្ទះ<br />នោះ បាននិយាយទៀតថា នៅពេលគេចង់ទាក់ទង ឲ្យបោកខោអាវម្តងៗ គឺទូរស័ព្ទទៅអ្នកស្រី ដែល<br />មានទូរស័ព្ទ មួយតម្លៃត្រឹម៤-១០ដុល្លារ ប៉ុនណ្ណោះ ហើយចំពោះការបោក ខោអាវនោះ សម្រាប់សាប៊ូ<br /> និងទឹក ជាអ្នកចំណាយ របស់ម្ចាស់ផ្ទះ។</p>
<p>ចំពោះតម្លៃខោមួយ ឫអាវមួយ ត្រឹមតែ១០០រៀល ប៉ុន្តែមុខរបរនេះ អាចឲ្យអ្នកស្រី សំឡី អាចរកប្រាក់<br />ចិញ្ចឹមកូនៗ ទាំងពីរនាក់បាន មិនថោកទាបទៅសុំទានគេ នោះទេ ហើយដោយសារ តែតម្លៃនេះ វា<br />ថោកពេក បានធ្វើឲ្យ អ្នកស្រី តម្លើង ទៅ២០០រៀល សម្រាប់ខោមួយ ឫអាវមួយ ដែលការតម្លើងថ្លៃ<br />នេះ បានធ្វើឡើងអស់ រយៈពេលជាង កន្លះខែមក ហើយ៕</p>
<p style="text-align: center;"><img title="" src="http://111.92.240.170:81//dap-news/dap-images/2013/April/id-007/Pheak-0096.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/April/id-007/Pheak-0097.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>