<p><span style="color: #000000;"><strong>(សៀមរាប)៖</strong> អាជ្ញាធរជាតិអប្សរា និងអាជ្ញាធរខេត្តសៀមរាប បាន និងកំពុងញាប់ដៃញាប់ជើង ក្នុងការរៀបចំទីតាំង ដើម្បីប្រារព្ធព្រះរាជពិធីច្រត់ព្រះនង្គ័ល នៅលានជល់ដំរី ក្នុងតំបន់អង្គរ ខេត្តសៀមរាប នៅថ្ងៃទី២៤ ខែឧសភា ឆ្នាំ២០១៦ខាងមុខនេះ។</span></p>
<p><span style="color: #000000;">យោងតាមសេចក្តីប្រកាសរបស់អាជ្ញាធរជាតិអប្សរា បានឲ្យដឹងថា នៅឆ្នាំវក អដ្ឋស័ក ព.ស.២៥៦០ ត្រូវនឹងថ្ងៃទី២៤ ខែឧសភា ឆ្នាំ២០១៦ លានជល់ដំរី ក្រុងអង្គរធំ នឹងក្លាយជាទីតាំងប្រារព្ធព្រះរាជពិធីច្រត់ព្រះនង្គ័លជាថ្មីម្តងទៀត ដែលនេះជាលើកទី២ហើយ (លើកទី១នៅឆ្នាំ២០១១) សម្រាប់ការប្រារព្ធព្រះរាជពិធីបុណ្យ ប្រពៃណីជាតិដ៏ធំនេះ នៅលើទឹកដីអង្គរ ក្រោមព្រះរាជាធិបតីភាពដ៏ខ្ពង់ខ្ពស់បំផុតរបស់ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា។</span></p>
<p><span style="color: #000000;">ប្រភពព័ត៌មានដដែលបានឲ្យដឹងថា ក្នុងនាមអាជ្ញាធរជាតិអប្សរា ដែលមានតួនាទីគ្រប់គ្រង និងរៀបចំរមណីយដ្ឋានអង្គរ បានសហការរៀបចំទីតាំងសង់ព្រះពន្លាជ័យ វេទិកា ជម្រកគោឧសភរាជ និងទីកន្លែងសម្រាប់ដង្ហែស្តេចនាគនិងមេហួរ។</span></p>
<p><span style="color: #000000;">បន្ថែមពីនោះ អាជ្ញាធរជាតិអប្សរា ក៏បានសហការយ៉ាងជិតស្និទ្ធ ជាមួយក្រុមការងាររៀបចំពិធីបុណ្យជាតិ-អន្តរជាតិ សាលាខេត្តសៀមរាប និងគ្រឹះស្ថានអង្គរលើការងាររៀបចំព្រះស្រែ ដាំស្មៅ ស្រោចស្មៅ រៀបចំបង្គន់អនាម័យ រៀបចំស្តង់តាំងពិព័រណ៍ការងារនានា ចងបដាពាក្យស្លោករក្សាសណ្តាប់ធ្នាប់ និងបង្កលក្ខណៈងាយស្រួល ក្នុងការធ្វើដំណើរចេញចូលរបស់ក្រុមការងារ និងប្រជាជន រួមទាំងគ្រប់កិច្ចការដែលបម្រើឱ្យការរៀបចំព្រះរាជពិធីបុណ្យនេះ។</span></p>
<p><span style="color: #000000;">សូមជម្រាបថា ព្រះរាជពិធីច្រត់ព្រះនង្គ័លតែងតែ ប្រារព្ធធ្វើឡើងជារៀងរាល់ឆ្នាំនៅក្នុងខែពិសាខ នៅឯវាលព្រះមេរុ ស្ថិតនៅខាងជើងព្រះបរមរាជវាំង នៃរាជធានីភ្នំពេញសព្វថ្ងៃ តែឆ្នាំខ្លះព្រះរាជពិធីនេះ ក៏ធ្វើនៅតាមបណ្តាខេត្តដែរ ដែលមានប្រវត្តិយូរលង់ណាស់មកហើយ។</span></p>
<p><span style="color: #000000;">ព្រះរាជពិធីច្រត់ព្រះនង្គ័ល ធ្វើឡើងក្នុងគោលបំណងផ្សងមើល ប្រផ្នូលរបស់ស្រុកទេស ទៅតាមការបរិភោគរបស់ «គោឧសភរាជ»។ ម្យ៉ាងទៀតក៏ជាការដាស់តឿន ក្រើនរំឭកដល់ប្រជាជនខ្មែរ ដែលពឹងផ្អែកលើការធ្វើកសិកម្មជាចម្បងនោះ ឱ្យបានដឹងថា រដូវវស្សាបានចូលមកដល់ហើយ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13237812_557130771160522_2738318159960390201_n.jpg?oh=8b07e82971bebd9b26dc7c86729ac892&oe=57D6E620" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13221060_557130774493855_5182732755218232419_n.jpg?oh=478fa5ece72b177240b62be646dc1da4&oe=57A7F510" alt="" width="730" /></span></p>
<p><span style="color: #000000;"><img src="https://fbcdn-sphotos-d-a.akamaihd.net/hphotos-ak-xpt1/v/t1.0-9/13226841_557130861160513_4057943685032061118_n.jpg?oh=d47b54965b70a659f45a4bb83a96c9da&oe=57D44B7B&__gda__=1473695103_5ba2b1518a68ea1eee3b59b87304e17b" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13221667_557131007827165_8393990648559949828_n.jpg?oh=e46aba046a12361bf870460e9d60adb7&oe=57DB4847" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>