<div>
<p><span style="color: #000000;"><strong>(ប៉ារីស)៖</strong> ការ Countdown (រាប់ថយក្រោយ) នៅសល់ត្រឹមតែរយៈពេល ១០០ថ្ងៃទៀតប៉ុណ្ណោះ ព្រឹត្តិការណ៍ប្រកួតបាល់ទាត់ពានរង្វាន់ជើងឯកប្រចាំទ្វីបអឺរ៉ុប UEFA Euro 2016 ដែលមានប្រទេសបារាំងធ្វើម្ចាស់ផ្ទះនោះ នឹងចាប់ផ្តើម ហើយប្រកួត១ខែពេញ ។</span></p>
<p><span style="color: #000000;">គិតត្រឹមថ្ងៃទី០២ ខែមីនា ឆ្នាំ២០១៦នេះ គឺរយៈពេលចាប់ផ្តើមប្រកួតជាផ្លូវការនៅសល់ត្រឹមតែ៣ខែ និង១០ថ្ងៃទៀតប៉ុណ្ណោះ ដែលត្រូវនឹងថ្ងៃប្រកួតជា ផ្លូវការនាថ្ងៃទី១០ ខែមិថុនាខាងមុខ និងបញ្ចប់ទៅវិញថ្ងៃទី១០ ខែកក្កដា ឆ្នាំ២០១៦ ដោយមាន២៤ក្រុមចូលរួមទូទាំងទ្វីបអឺរ៉ុប លើកទី១ ដែលសហព័ន្ធកីឡាបាល់ទាត់ប្រចាំទ្វីបអឺរ៉ុប UEFA សម្រេចបង្កើន ក្រុមពី១៦ ឡើងមកដល់២៤ក្រុម ចែកចេញជា៦ពូល ក្នុង១ពូលមាន ៤ក្រុម ។</span></p>
<p><span style="color: #000000;">មុនយុទ្ធនាការដែលមានរយៈពេល៤ឆ្នាំម្តងនេះចាប់ផ្តើម គ្រប់លីកទាំងអស់នឹងបញ្ចប់បញ្ចប់នៅចុងខែឧសភា ឆ្នាំ២០១៦ ដើម្បីទុកឱកាសឲ្យកីឡាករជួប ជុំគ្នាជួយក្រុមជម្រើសជាតិរបស់ពួកគេរៀងៗខ្លួន ក្រោយពេលការប្រកួតពានជើងឯកប្រចាំទ្វីបអាម៉េរិក Copa Junior America 2016 ចំនួន៤ថ្ងៃ ដែលមានសហរដ្ឋអាមេរិកធ្វើម្ចាស់ផ្ទះ ចាំទទួល១១ក្រុមផ្សេងទៀតចូលរួម ។</span></p>
<p><span style="color: #000000;">កីឡដ្ឋានធំជាងគេ Stade de France ស្ថិតក្នុងទីក្រុងប៉ារីស ជាទីកន្លែងចាប់ផ្តើមបើកសម្ពោធព្រឹត្តិការណ៍នេះ ហើយជា ប្រកួតដំបូងគេរវាងក្រុមម្ចាស់ ផ្ទះមាន់គកបារាំង ទល់នឹងជម្រើសជាតិរ៉ូម៉ាន់នី ថ្ងៃរាត្រីថ្ងៃទី១០ មិថុនា ផងដែរ ហើយ ប្រសិនបើកទទួលព័ត៌មានគំរាមកំហែងពីក្រុមភេរវកម្មទៀតនោះ ការប្រកួតទាំងស្រុងនឹងត្រូវបិទទ្វារ និងគ្មានអ្នកគាំទ្រ ឡើយ នេះបើយោងតាមរបាយការណ៍របស់ UEFA ត្រូវបានដកស្រង់ដោយគេហទំព័រ BBC ៕</span></p>
<p style="text-align: center;"><span style="color: #000000;"><img src="http://i.telegraph.co.uk/multimedia/archive/03523/Euro_2016__3523788b.jpg" alt="" width="730" /></span></p>
<p style="text-align: center;"><span style="color: #000000;"><img src="http://ichef.bbci.co.uk/onesport/cps/800/cpsprodpb/EB7A/production/_88528206_franceterror_ap.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>