<p><span style="color: #000000;"><strong>- </strong><strong>សម្តេចតេជោ ប្រកាសមិនបណ្តោយឲ្យមន្រ្តីខិលខូច បំផ្លាញសង្គមជាតិ តទៅទៀតជាដាច់ខាត</strong></span></p>
<p><span style="color: #000000;"><strong>ភ្នំពេញ៖</strong> សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានបញ្ជាឲ្យរំលាយ និងរុះរើជាបន្ទាន់ នូវសំណង់ ទាំង ដែលសង់រំលោភស៊ីចំណីផ្លូវ និងសួនច្បារសាធារណៈ ហើយអាជ្ញាធរនៅគ្រប់កន្លែងមានសំណង់រំលោភយក ចំណីផ្លូវ និងសួនច្បារសាធារណៈ គឺជាអ្នកទទួលខុសត្រូវ។ សម្តេចថែមទាំងបានបញ្ជាក់ទៀតថា សម្តេចមិន បណ្តោយឲ្យមន្រ្តីខិលខូចបំផ្លាញសង្គមជាតិ និងធ្វើឲ្យជាតិ អាប់ឱនតទៅទៀតជាដាច់ខាត។</span></p>
<p><span style="color: #000000;">ការព្រមានរំលាយរាល់សំណង់ ដែលធ្វើរំលោភលើចំណីផ្លូវ និងសួនច្បារសាធារណៈនេះ បានធ្វើឡើង បន្ទាប់ពី សម្តេច បានពិនិត្យឃើញការដ្ឋានសាងសង់អគារពាណិជ្ជកម្មណាហ្កាកាស៊ីណូ (Naga World & Casino) ដែល ជាក្រុមហ៊ុនវិនិយោគខ្នាតធំមួយនៅកម្ពុជា មានទីតាំងនៅជិតវិទ្យាស្ថានពុទ្ឋសាសនបណ្ឌិត្យកម្ពុជា ក្នុងរាជធានីភ្នំ ពេញ បានសាងសង់ រំលោភលើដីចិញ្ចើមផ្លូវរបស់រដ្ឋ និង ប៉ះពាល់ទៅដល់ទីតាំងវិទ្យាស្ថាន ពុទ្ឋសាសនបណ្ឌិត្យ ថែមទៀតផង។</span></p>
<p><span style="color: #000000;">សម្តេចតេជោ ហ៊ុន សែន បានប្រកាសនៅលើទំព័រ Facebook របស់សម្តេចនាព្រឹកព្រលឹមថ្ងៃទី០៨ ខែវិច្ឆិកា ឆ្នាំ ២០១៥នេះថា <strong>«</strong><strong>មិនថាតែក្រុមហ៊ុន Naga World & Casino </strong><strong>មួយទេ គឺចំពោះក្រុមហ៊ុនទាំងអស់ ដែលបានទទួល </strong><strong>ច្បាប់វិនិយោគនៅក្នុងប្រទេសកម្ពុជា ទាំងនៅក្នុងក្រុងនីភ្នំពេញ </strong><strong>និងនៅតាមបណ្តាខេត្តនានា គឺត្រូវតែគោរពតាម ច្បាប់ </strong><strong>និងគោលការណ៍ដែលរដ្ឋាភិបាលបានផ្តល់ជូន។ </strong><strong>សំណង់ដែលមានលក្ខណៈរំលោភកេងស៊ីចំណីផ្លូវសាធា រណៈ និងសួនច្បារសាធារណៈ </strong><strong>គឺត្រូវរុះរើរំលាយចេញជាបន្ទាន់។ ហើយបើធ្វើនៅទីតាំងកន្លែងណា គឺអាជ្ញាធរមាន </strong><strong>សមត្ថកិច្ច និងក្រសួងពាក់ព័ន្ឋត្រូវតែទទួលខុសត្រូវ»</strong>។</span></p>
<p><span style="color: #000000;">សម្តេចតេជោ ហ៊ុន សែន បានប្រាប់ទៅម្ចាស់ក្រុមហ៊ុនថា ក្រុមហ៊ុនឯកជន ដែលសាងសង់ធ្វើហួស ពីច្បាប់បាន កំណត់ដោយអំពើឃុបឃិតជាមួយមន្រ្តីខិលខូច គឺត្រូវតែមានទោស។ សម្តេច បានរំលឹកទៅមន្រ្តីរបស់សម្តេចថា ពួកគេគឺដឹងច្បាស់ណាស់ថា ទីណាជារបស់ឯកជន និងទីណាជារបស់រដ្ឋ ហើយមិនត្រូលាក់បាំងនោះឡើយ បើ ទោះបីនៅពេលនេះប្រមុខរាជរដ្ឋាភិបាល មិនទាន់បានដឹង តែរឿងទាំងអស់នោះប្រាកដជាលាក់មិនជិតពីភ្នែកសា ធារណជនឡើយ។</span></p>
<p><span style="color: #000000;">សម្តេចតេជោ ហ៊ុន សែន បានសង្កត់ធ្ងន់ចុងក្រោយថា<strong> «</strong><strong>សម្តេចតេជោ ហ៊ុន សែន មិនបណ្តោយឲ្យមន្រ្តីខិលខូច ទាំងនោះ បំផ្លាញសង្គមជាតិអោយអាប់ឱនតទៅទៀតជាដាច់ខាត»</strong><strong>៕</strong></span></p>
<p><a class="thickbox" title="" href="/FileManager/Commons/2015/11/9/11-09-11-2015--14-41-08.jpg"><img src="/FileManager/Articles/mce/2015/11/9/11-09-11-2015--14-41-08.jpg" alt="" /></a></p>
<p><a class="thickbox" title="" href="/FileManager/Commons/2015/11/9/11a-09-11-2015--14-41-16.jpg"><img src="/FileManager/Articles/mce/2015/11/9/11a-09-11-2015--14-41-16.jpg" alt="" /></a></p>
<p><a class="thickbox" title="" href="/FileManager/Commons/2015/11/9/11b-09-11-2015--14-41-22.jpg"><img src="/FileManager/Articles/mce/2015/11/9/11b-09-11-2015--14-41-22.jpg" alt="" /></a><a class="thickbox" title="" href="/FileManager/Commons/2015/11/9/11a-09-11-2015--14-41-16.jpg"></a><a class="thickbox" title="" href="/FileManager/Commons/2015/11/9/11-09-11-2015--14-41-08.jpg"></a></p>
<p style="text-align: right;"><span style="color: #000000;"><strong>ផ្តល់សិទ្ធដោយ ៖ ដើមអម្ពិល<br /></strong></span></p>