<p><span style="color: #000000;">ព័ត៌មានអន្តរជាតិ ៖ ទឹកវិទ្យុសកម្ម ដែលមានចំណុះប្រមាណ ៩៨០លានលីត្រ បានលេចធ្លាយចូលទៅក្នុងប្រភពទឹកផឹកក្រោមដី រដ្ឋ Florida សហរដ្ឋអាមេរិក នេះបើយោងតាមការគូសបញ្ជាក់អោយ ដឹងពីសំណាក់មន្រ្តីផ្លូវការ ប្រចាំរដ្ឋ Florida ។ </span></p>
<p><br /><a class="thickbox" title="" href="/FileManager/Commons/2016/9/17/11-17-09-2016--10-51-42.jpg"><img src="/FileManager/Articles/mce/2016/9/17/11-17-09-2016--10-51-42.jpg" alt="" /></a></p>
<p><span style="color: #000000;">ប្រភពបញ្ជាក់ឲ្យដឹងថា ករណីលេចធ្លាយទឹកវិទ្យុសកម្មខាងលើនេះ អាចកើតឡើងទៅបានបន្ទាប់ពី មានករណីរណ្តៅយក្សស្រុត នៅពីក្រោមរោងចក្រគីមី ផលិតជីហ្វូសហ្វាត (phosphate) ដែលមាន ទីតាំងជិតទីក្រុង Tampa រដ្ឋ Florida ជាហេតុនាំឲ្យមានការបំផ្លិចបំផ្លាញ ដល់អាងស្តុក ទឹកសំនល់ ។ គួរបញ្ជាក់ថា ទឹកសំណល់ទាំងនោះ គឺផ្ទុកសារជាតិ phosphogypsum នាំមកនូវការបញ្ជាក់បាន ថាជាសារជាតិទឹកវិទ្យុសកម្ម ពីផលិតនៃការផលិតជី ហ្វូសហ្វាត ។ ក្រុមហ៊ុនផលិតជីហ្វូសហ្វាត Mosaic គូសបញ្ជាក់ឲ្យដឹងថា ការលេចធ្លាយប្រការនេះ មិននាំមកនូវហានិភ័យដល់សាធារណជន នោះទេ ។ បន្ថែមពីលើនេះ ក្រុមហ៊ុនបន្តឲ្យដឹងថា ទឹកដែលបានលេចធ្លាយនោះ មិនអាចជ្រាបទៅ ដល់ប្រព័ន្ធទឹកនៃក្រុមហ៊ុនឯកជន ដែលបានចែកចាយនោះទេ ខណៈក្រុមហ៊ុនខ្លួន កំពុងតែជួស ជុលឡើងវិញនូវប្រព័ន្ធលំហូរទឹក។ </span></p>
<p><br /><a class="thickbox" title="" href="/FileManager/Commons/2016/9/17/11a-17-09-2016--10-51-53.jpg"><img src="/FileManager/Articles/mce/2016/9/17/11a-17-09-2016--10-51-53.jpg" alt="" /></a></p>
<p><span style="color: #000000;">សារព័ត៌មាន Associated Press ក្រោយពីដកស្រង់សម្តីមន្រ្តីផ្លូវការ លោក David Jellerson ពីក្រុម ហ៊ុនផលិតជី ហ្វូសហ្វាត Mosaic បានចុះផ្សាយអោយដឹងថា ទឹកក្រោមដី មានការបំលាស់ទីយឺត បំផុត ។ ប៉ុន្តែ ទោះជាយ៉ាងណាក៏ដោយចុះ Jacki Lopez អគ្គនាយកពី the Center for Biological Diversity គូសបញ្ជាក់ដល់សារព័ត៌មាន Reuters អោយដឹងថា វាពិបាកនឹងជឿទុកចិត្ត ទៅលើពួក គេនៅពេលដែលពួកគេនិយាយថា កុំបារម្ភអ្វីទាំងអស់ ទន្ទឹមនឹងពួកគេបានលាក់បាំងរឿងនេះ អស់ រយៈពេល ៣សប្តាហ៍កន្លងមកហើយ។ </span></p>
<p><span style="color: #000000;">គួរបញ្ជាក់ថា រណ្តៅស្រុតយក្ស ដែលបានកើតឡើងនោះ មានមុខកាត់ដល់ទៅ ១៤ម៉ែត្រ បង្ហាញ វត្តមានរបស់ខ្លួន នៅត្រង់បរិវេណ New Wales facility នៃក្រុមហ៊ុន Mosaic ក្នុងទីក្រុង Mulberry ខណៈរណ្តៅស្រុតត្រូវបានក្រុមការងាររកឃើញ កាលពីថ្ងៃទី ២៧ សីហា កន្លងទៅនេះ ។ រណ្តៅ ស្រុតប្រការនេះ បាននាំឲ្យទឹកវិទ្យុសកម្ម ហូរចេញពីអាងស្តុក ខណៈបានជ្រាបចូលទៅក្នុង ស្រទាប់ដី/ថ្ម ដែលមានទឹកជ្រាប នៅក្រោមដី ។ គួររំឮកថា ស្រទាប់ដី/ថ្ម ដែលមានទឹកជ្រាប នៅក្រោមដី គឺជាប្រព័ន្ធទឹកក្រោមដីដ៏មហិមាមួយ ដែលបៀមសរសៃទឹក និងរក្សាទឹក ក្រោមដី ៕</span></p>
<p><span style="color: #000000;"><a class="thickbox" title="" href="/FileManager/Commons/2016/9/17/11b-17-09-2016--10-52-01.jpg"><img src="/FileManager/Articles/mce/2016/9/17/11b-17-09-2016--10-52-01.jpg" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>