<p><span style="color: #000000;"><strong>(ភ្នំពេញ)៖</strong> ក្រុមតារាចម្រៀង Original Song មានឈ្មោះថា «ក្មេងខ្មែរ!» ដែលកំពុងតែជោគជ័យខ្លាំង តាមរយៈបទ «បុណ្យភូមិ» ខណៈដែលបទនេះ កំពុងតែមានការគាំទ្រ ទាំងក្មេងទាំងចាស់ និងតែងតែឮសូរចាក់ទ្រហឹងអឹងកង ពេញភូមិទាំងក្រុង និងស្រុកស្រែ ក្នុងកម្មវិធីកម្សាន្តសប្បាយនានា ស្រាប់តែថ្មីៗនេះ ត្រូវបានគេបង្ហើបថា ចាប់ផ្ដើមឡើងតម្លៃខ្លួនកប់ពពក ដូចតារាល្បីៗមួយចំនួន បន្ទាប់ពីម្ចាស់ក្រុមហ៊ុន ក៏ដូចជាស្ថានីយទូរទស្សនានា ត្រូវការក្រុមនេះសម្ដែង ក្នុងកម្មវិធីផ្សេងៗ។</span></p>
<p><span style="color: #000000;">ជាការពិត បច្ចុប្បន្នបទចម្រៀងនិពន្ធថ្មី ត្រូវបានប្រជាជនកម្ពុជា ពេញនិយមយ៉ាងខ្លាំង ជាពិសេសពីសំណាក់យុវវ័យ និងបានទទូចឲ្យតារាចម្រៀង អ្នកនិពន្ធ និងអ្នកពាក់ព័ន្ធ ទាំងអស់ត្រូវចេះ មានគំនិតច្នៃប្រឌិតថ្មី កុំឲ្យចាំតែចម្លងពីបរទេស។ តារាចម្រៀងក្នុងបទនិពន្ធថ្មី ហាក់ល្បីល្បាញកាន់តែច្រើន។ ជាក់ស្ដែងក្រុម «ក្មេងខ្មែរ» ដែលទើបតែបង្កើតឡើង មិនទាន់ដល់១ឆ្នាំផងនោះ ស្រាប់តែមានភាពល្បីល្បាញគួរឲ្យកត់សម្គាល់ ពិសេសបទចម្រៀង «បុណ្យភូមិ» របស់ពួកគេ ដែលកំពុងតែពេញនិយមខ្លាំង នាពេលបច្ចុប្បន្ននេះ។</span></p>
<p><span style="color: #000000;">ក្រុម«ក្មេងខ្មែរ» ដែលមាន លោក កៅ ពន្លឺ និងលោក ជា សុជាតិ ជាតារាចម្រៀងក្នុងក្រុមនេះ ត្រូវបានគេមើលឃើញថា គ្រាន់ចេញបទចម្រៀងតែ១បទ ប៉ុណ្ណោះ អាចធ្វើឲ្យពួកគេទាំងពីរនាក់ ល្បីល្បាញខ្លាំងស្ទើរមិនគួរឲ្យជឿ ទាំងក្នុង និងក្រៅប្រទេស ខណៈបទចម្រៀងពួកគេ មានការគាំទ្រច្រើន។ មុននឹងជួបគ្នា លោក កៅ ពន្លឺ និង ជា សុជាតិ ធ្វើការនៅកន្លែងផ្សេងគ្នាទេ ក្រោយមកក៏ជួបគ្នា បង្កើតជាក្រុមរួមគ្នា ហើយក៏ផ្ទុះឡើងកក្រើកតែម្ដង។ ទស្សនិកជនជាច្រើន ធ្លាប់បានឃើញ លោក ជា សុជាតិ ប្រឡលង ក្នុងកម្មវិធីចម្រៀងជាច្រើន រួមមានក្នុងស្ថានីយទូរទស្សន៍ ម៉ាយធីវី, ហង្សមាស និង ស្ថានីយផ្សេងៗ ប៉ុន្តែលោកមិនដែលទទួលបាន ជ័យលាភី អ្វីឡើយ។</span></p>
<p><span style="color: #000000;">បន្ទាប់ពីមានភាពល្បីល្បាញខ្លាំង តម្លៃខ្លួនរបស់ក្រុម «ក្មេងខ្មែរ» ក៏ចាប់ផ្ដើមឡើងមិនធម្មតាដែរ ពោលបើសម្ដែងក្នុងមួយកម្មវិធីអ្វីមួយ សម្រាប់រាជធានីភ្នំពេញ គឺមានតម្លៃ ចាប់ពី ១៥០០ដុល្លារ និងឡើងថ្លៃ ទៅតាមកម្មវិធីតូចធំនានា។ ក្រៅពីនេះសម្រាប់ការចេញច្រៀង តាមខេត្ត ក្រុម «ក្មេងខ្មែរ» ស៊ីថ្លៃដល់ទៅ ២៥០០ដុល្លារ ឬអាចឡើងដល់៣០០០ដុល្លារឯណោះ តាមខេត្តជិត ឬឆ្ងាយ ដែលការស្ទុះឡើងតម្លៃខ្លួននេះ ធ្វើឲ្យអ្នករៀបចំកម្មវិធីមានការពិបាក ក្នុងការហៅពួកគេ ឲ្យចូលរួមក្នុងកម្មវិធីណាស់៕</span></p>
<p><span style="color: #000000;">ជុំវិញបញ្ហានេះ Khmertalking មិនអាចសុំការបកស្រាយណាមួយ បានទេ ពីសំណាក់ក្រុមតារាចម្រៀង ពន្លកថ្មី «ក្មេងខ្មែរ» ដើម្បីពន្យល់ពីមូលហេតុខ្លះៗ ឲ្យអ្នកគាំទ្រ អស់ការសង្ស័យ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14054058_1648002725226031_8348159746049775224_n.jpg?oh=b8d7e34a0cd8420de48fdf8c8f11857e&oe=588AA0B2" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/15027961_1648002731892697_8066210502687171245_n.jpg?oh=967941d2d62dcdac5253cd65906a8ad0&oe=58BACB10" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/15085493_1648002848559352_7812828144497910680_n.jpg?oh=5ebd8ad6fae53b1636e7aa6816269bf7&oe=58D060DE" alt="" width="730" /></span></p>
<p><span style="color: #000000;"><img src="https://fb-s-b-a.akamaihd.net/h-ak-xfp1/v/t1.0-9/15109551_1648002865226017_3200611045879239407_n.jpg?oh=91d3d2ab06d17b3df26112ff2a823f50&oe=58BEC2B8&__gda__=1485720575_6880e688150c9e4401babdba0ed533b5" alt="" width="730" /></span></p>
<p><span style="color: #000000;"><img src="https://fb-s-b-a.akamaihd.net/h-ak-xtp1/v/t1.0-9/14992048_1648002908559346_8896425170322843678_n.jpg?oh=08d61d6a6f56cb981fd908c9c8ab3a3d&oe=58BA18E7&__gda__=1489638870_60672e1623700baf903997f6b38ac3f4" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xtp1/v/t1.0-9/15107340_1648002645226039_1690204312544760145_n.jpg?oh=62ce6e7451889640f263db388952cb29&oe=58BF62E4&__gda__=1488450242_158b06c8c02b4642431a97f949ef2cc8" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>