<p><span style="color: #000000;">ព័ត៌មានកីឡា៖ យោងតាមការចុះផ្សាយរបស់គេហទំព័រ 101greatgoals បានបង្ហាញឲ្យដឹងថា ថ្នាក់ដឹកនាំក្រុម Arsenal បានធ្វើការទំនាក់ទំនង ខ្សែប្រយុទ្ធ Real Madrid គឺកីឡាករ Karim Benzema តាមរយៈទូរស័ព្ទ ដើម្បីធ្វើការចរចារ ពីរឿងទីផ្សារកីឡាករ។ </span></p>
<p><span style="color: #000000;">លោក Arsene Wenger បានធ្វើការទាក់ទង ខ្សែប្រយុទ្ធរូបនេះ អស់រយៈពេលជាច្រើនឆ្នាំកន្លងមកហើយ រហូតមកទល់នឹងពេលនេះ នៅមិនទាន់លេចចេញជាផ្លែផ្កានៅឡើយទេ។ ប៉ុន្ដែយោងតាមការចុះផ្សាយរបស់ 101greatgoals បានអះអាងថា លោក Arsene Wenger បានធ្វើការទំនាក់ទំនងតាមរយៈទូរស័ព្ទ ជាមួយកីឡាករដើម្បី ពិភាក្សារឿង ទីផ្សារផ្ទេរកីឡាករ ចេញពី Real Madrid ។ </span></p>
<p><span style="color: #000000;">ក្នុងរដូវកាលនេះ Arsenal ដូចជាមានភាពក្លាហ៊ាននឹងចូលខ្លួន ប្រលូកក្នុងទីផ្សារកីឡាករ ខ្លាំងជាងរាល់ដង ដោយឡែកកាលពីរដូវកាលមុនៗ ក្រុមបានប្រថុយខ្លួនបោះទុនយ៉ាងធំផ្ទេរយកកីឡាករMesut Ozil និង Alexis Sanchez។ </span></p>
<p><span style="color: #000000;">រឿងការចាប់អារម្មណ៍ទីផ្សាររបស់ កីឡាករ Karim Benzema មិនត្រឹមតែ Arsenal នោះទេ ដែលត្រូវការ តែបើសូម្បីតែ Man United ក៏ទទួចចង់បានផងដែរ ប៉ុន្ដែ ពេលនេះនៅមិនទាន់ជាការ សម្រេចឲ្យបានច្បាស់នៅឡើយទេ ព្រោះមួយរយៈពេលចុងក្រោយនេះរវាង Real Madrid នឹង Man United ដូចជាមិនសូវមានភាពត្រូវគ្នានោះទេ លើរឿងទីផ្សារកីឡាករក្រុមទាំងពីរ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/7/10/7-10-2015-2-55-39-pm-10-07-2015--15-01-48.png"><span style="color: #000000;"><img src="/FileManager/Articles/mce/2015/7/10/7-10-2015-2-55-39-pm-10-07-2015--15-01-48.png" alt="" /></span></a></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"> </p>