<div class="item-page">
<p><span style="color: #000000;"><strong>(អាមេរិក)៖</strong> នាយកប្រតិបត្តិការរបស់ Facebook លោក Mark Zukerburg និងភរិយា លោកស្រី Priscilla Chan បានប្រកាសថា ពួកគេនឹងបរិច្ចាគថវិកា ៣ពាន់លានដុល្លារអាមេរិក សម្រាប់រយៈពេល ១០ឆ្នាំទៅមុខទៀត ដើម្បីបង្កើតកិច្ច គាំពារ ការពារ និង គ្រប់គ្រងជំងឺគ្រប់ប្រភេទរហូតដល់បំណាច់ សតវត្សរ៍ ទី២១នេះតែម្តង។ នេះបើតាមការចេញផ្សាយ ដោយទីភ្នាក់ងារព័ត៌មានចិនស៊ិនហួរ នាព្រឹកថ្ងៃព្រហស្បតិ៍ ទី២២ ខែកញ្ញា ឆ្នាំ២០១៦។</span></p>
<p><span style="color: #000000;">ការថ្លែងខាងលើនេះ បានធ្វើឡើងនៅក្នុងព្រឹត្តិការណ៍មួយនៅក្នុងទីក្រុង San Francisco សហរដ្ឋអាមេរិក ដោយគូស្វាមីភរិយា ដែលទើបតែទទួលបានកាដូបុត្រីមួយរូប កាលពីពេលថ្មីនេះដែរ បានលើកឡើងថា <strong>«តើពួកយើង អាចធ្វើការបង្ការជំងឺទាំងអស់ នៅអំឡុងពេលពេញមួយជីវិតរបស់កូនយើងបានទេ? សព្វថ្ងៃនេះ គ្រាន់តែជំងឺ ៤ប្រភេទប៉ុណ្ណោះ ក៏អាចបង្កឲ្យកូនៗរបស់យើងបាត់បង់ជីវិតជាច្រើននាក់ រួចមកហើយដែរដូចជា ជំងឺមហារីក, បេះដូង, ជំងឺឆ្លង និង ខួរក្បាល ជាដើម»</strong>។</span></p>
<p><span style="color: #000000;">លោក Mark បានលើកឡើងទៀតថា <strong>«យើងអាចធ្វើឲ្យគ្រប់យ៉ាងមានការកែប្រែ ជាមួយនឹងបច្ចេកវិទ្យា ដ៏ត្រឹមត្រូវ។ យើងនឹងធ្វើការស្រាវជ្រាវ នៅក្នុងផ្នែកវិទ្យាសាស្ត្រជាចម្បង ដោយមានគោលដៅក្នុងការ បង្កើតកិច្ចការពារខ្លួនពីជំងឺទាំងនោះ។ យើងពិតជាអាចធ្វើឲ្យប្រសើរជាងមុន»</strong>។ គួរបញ្ជាក់ថា ក្នុងចំណោមថវិកា ៣ពាន់លានដុល្លារនោះ គឺ ៦០០លានដុល្លារនឹងត្រូវផ្តល់ឲ្យមជ្ឈមណ្ឌល Biohub ដែលជាស្ថាប័នថ្មីស្ថិតនៅក្នុងសាកលវិទ្យាល័យ កាលីហ្វរញ៉ា នៃទីក្រុង San Francisco ដើម្បីទុកធ្វើការស្រាវជ្រាវ រកវិធីទប់ស្តាត់ជំងឺ ដែលជាក្តីព្រួយបារម្ភខ្លាំងបំផុតរបស់មាតាបិតា៕</span></p>
<p><span style="color: #000000;"><img src="http://static4.uk.businessinsider.com/image/57e2df43dd0895c8598b45c6-2400/ap_16265572093652.jpg" alt="" width="730" /></span></p>
</div>
<div id="system-message-container">
<div id="system-message"></div>
</div>
<div class="span9" style="text-align: right;"><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></div>
<div class="custom"><br /><a href="https://www.facebook.com/sreyrathtravelpage" target="_blank"></a></div>