<p><span style="color: #000000;"><strong>(ក្រុងឡុងដ៍)៖</strong> ក្រុមបាល់ទាត់ជម្រើសជាតិតោកំណាចអង់គ្លេស និងឥន្រ្ទីដែកអាល្លឺម៉ង់ សុទ្ធតែរកបាន៣ពិន្ទុដូចគ្នានៅ ថ្ងៃបើកឆាកប្រកួតជម្រុះ World Cup 2018 នៅរុស្ស៊ី ប្រចាំទ្វីងអឺរ៉ុប (UEFA) នារាត្រីយប់មិញក្នុងថ្ងៃបើកឆាកដំបូង។</span></p>
<p><span style="color: #000000;">តាមរយៈសារព័ត៌មាន Dailymail បានឲ្យដឹងថា អង់គ្លេសបានប្រើពេលរហូតដល់ជិតចប់ការប្រកួតពេញម៉ោង ទើបអាច យកឈ្នះម្ចាស់ផ្ទះស្លូវ៉ាគី ១-០ ក្នុងខណៈដែលស្លូវ៉ាគីនៅសល់សមាជិកតែ១០នាក់ចាប់ពីនាទីទី៥៧មក ដោយសារតែ ប្រធានក្រុម Martin Skrtel ត្រូវបានពិន័យកាតក្រហម (កាតលឿង ២ដង) ស្របពេលដែលក្រុមម្ចាស់ជើងឯក World Cup 2014 អាល្លឺម៉ង់ បានបំបាក់ម្ចាស់ផ្ទះន័រវ៉េ ៣-០ ដើម្បីឡើងទៅឈរនៅកំពូលតារាងបណ្តោះអាសន្ន។</span></p>
<p><span style="color: #000000;">១គ្រាប់របស់ក្រុមដែលមានរហស្សនាមថា «តោ៣» គឺរកបានដោយកីឡាករមកពីក្លឹប Liverpool, Adam Lallana នៅនាទីទី ៩០+៥ ហើយក៏ជាប្រកួតជ័យជំនះលើកដំបូងរបស់គ្រូបង្វឹកថ្មី Sam Allaryce ផងដែរ ក្នុងការចូលដឹកនាំ ជំនួសកៅអីលោក Roy Hogdson ដែលបានលាឈប់។</span></p>
<p><span style="color: #000000;">ងាកទៅមើលក្រុមដែលជ្រុះក្នុងវគ្គពាក់កណ្តាលផ្តាច់ព្រ័ត្រកាលពី Euro 2016 ក្រោមថ្វីជើងរបស់ម្ចាស់ផ្ទះបារាំងនោះ បានបំបាក់ក្រុមន័រវ៉េ ៣-០ ដាច់ ដើម្បីឡើងទៅឈរនៅកំពូលតារាងនៃពូល C បណ្តោះអាសន្ន ដែលជាការធ្វើបានសម្រេចដោយកីឡាករ Thomas Mueller មកពីក្លឹប Bayern Munich រកបាន២គ្រាប់នៅនាទីទី១៦ និងនាទីទី៦០ ជាមួយនឹងមិត្តរួមក្រុមខ្សែការពារ Joshua Kimmich រកបាន១គ្រាប់ដែរនៅនាទីទី៤៥៕</span></p>
<p><span style="color: #000000;"><img src="http://i.dailymail.co.uk/i/pix/2016/09/04/19/37E7F71100000578-3773417-image-a-132_1473012283974.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/09/04/19/37E7F8C600000578-3773417-image-a-137_1473012668001.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/09/04/19/37E7FD5F00000578-3773417-image-a-142_1473012972321.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/09/04/17/37E7721400000578-0-image-a-30_1473006655297.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/09/04/18/37E7BE5500000578-0-image-a-79_1473009785438.jpg" alt="" width="730" /></span></p>
<p><span style="color: #000000;"><iframe src="https://www.youtube.com/embed/F6UNV7xTvBs" frameborder="0" width="500" height="410"></iframe><iframe src="https://www.youtube.com/embed/dFfYqGlpTAI" frameborder="0" width="500" height="410"></iframe><iframe src="https://www.youtube.com/embed/hmLIahnlItQ" frameborder="0" width="500" height="410"></iframe><iframe src="https://www.youtube.com/embed/upLTAODH_G8" frameborder="0" width="500" height="410"></iframe></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>