<p><span style="color: #000000;"><strong>(ព្រះវិហារ)៖</strong> រឿងមិនគួរឲ្យកើត និងបង្កការភ្ញាក់ផ្អើលទាំងព្រឹក គឺដើមត្នោតចំនួន១៤ដើម ត្រូវបានភ្លើងឆេះ ដោយមូលហេតុ ប្រជាពលរដ្ឋ រងារខ្លាំងពេកដោយសារតែអាធាតុចុះត្រជាក់ ក៏បង្កាត់ភ្លើងអាំងកុំឲ្យរងារ ស្រាប់តែត្រូវភ្លើងរាលឆេះតែម្តងទៅ។ ហេតុការណ៍នេះ បានកើតឡើងនៅព្រឹកថ្ងៃទី១៤ ខែកុម្ភៈ ឆ្នាំ២០១៧ ស្ថិតនៅភូមិប្រធតុ ឃុំចំរើន ស្រុកសង្គមថ្មី ខេត្តព្រះវិហារ។</span></p>
<p><span style="color: #000000;">លោក រស់ ហេង អភិបាលស្រុកសង្គមថ្មី បានឲ្យដឹងថា មុនពេលហេតុការណ៍កើតឡើង ប្រជាពលរដ្ឋរងារ ក៏នាំគ្នាបង្កាត់ភ្លើងអាំងកុំឲ្យរងារ ស្របពេលនោះ ភ្លើងបានរាលឆេះដើមត្នោតបន្តគ្នា យ៉ាងសន្ធោសន្ធៅ ហើយភ្លាមៗ អ្នកភូមិក៏ដងទឹកពន្លត់តែពន្លត់មិនឈ្នះ ក៏ហៅឡានទឹករបស់អធិការដ្ឋានស្រុកសង្គមថ្មី មកជួយពន្លត់ទើបភ្លើងនោះរលត់។</span></p>
<p><span style="color: #000000;">លោក រស់ ហេង បានបន្តថា ការជួយអន្តរាគមន៍ពន្លត់ភ្លើងនេះ កម្លាំងនគរបាលប្រើទឹកអស់២ឡាន ចំពោះដើមត្នោតដែលឆេះសរុបចំនួន១៤ដើម រួមនិងរបងខ្លះផងដែរតែបើកុំឡានទឹកមកជួយពន្លត់ទាន់ អាចនិងបន្តឆេះផ្ទះទៀត។</span></p>
<p><span style="color: #000000;">ក្នុងនាមគណៈបញ្ជាការឯកភាពស្រុក លោកសូមថ្លែងនូវការកោតសរសើរ ដល់កម្លាំងនគរបាលស្រុក ដែលជួយអន្តរាគមន៍បានទាន់ពេលវេលា ហើយលោកក៏បានផ្តាំផ្ញើដល់បងប្អូនប្រជាពលរដ្ឋ គួរធ្វើការប្រុងប្រយ័ត្ន ចំពោះភ្លើងក្នុងផ្ទះក៏ដូចភ្លើងព្រៃព្រោះអាចបណ្តាលឲ្យ មានករណីគ្រោះអគ្គិភ័យបានគ្រប់ពេលវេលាបំផ្លាញទ្រព្យសម្បត្តិរបស់យើង៕</span></p>
<p><span style="color: #000000;"><img src="http://image.freshnewsasia.com/2017/fn-2017-02-14-15-11-39-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-14-15-11-47-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-14-15-11-47-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-14-15-11-47-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-14-15-11-48-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-14-15-11-48-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-14-15-11-48-5.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>