<p><span style="color: #000000;"><strong>(ភ្នំពេញ)៖</strong> ក្រុមព្រះខ័នរាជស្វាយរៀង បានរងបរាជ័យលើកទី២ ក្នុងការប្រកួតលីគកំពូលកម្ពុជា ក្រោយប្រកួតចាញ់ក្រុមម្ចាស់ផ្ទះភ្នំពេញក្រោន ១-០ កាលពីយប់មិញ ។ ប៉ុន្ដែការបរាជ័យនេះ លោក សំ វ៉ាន់ដេត គ្រូបង្វឹកក្រុមព្រះខ័នរាជស្វាយរៀង មិនបានបន្ទោសកូនក្រុមខ្លួនឡើយ តែលោកបានបន្ទោសធ្ងន់ៗ លើសហព័ន្ធកីឡាបាល់ទាត់កម្ពុជា (FFC) ដែលរៀបចំកម្មវិធីប្រកួត ៣ថ្ងៃមាន២ប្រកួត ។</span></p>
<p><span style="color: #000000;">លោក សំ វ៉ាន់ដេត បានលើកឡើងថា កូនក្រុមរបស់លោក ទើបតែបញ្ចប់ការប្រកួតជម្រុះពានរង្វាន់ Hun Sen Cup កាលពីថ្ងៃពុធ ទី៤ ខែឧសភាកន្លងទៅ ប៉ុន្ដែរំលងតែ ២ថ្ងៃក្រោយមក គឺថ្ងៃទី៦ ខែឧសភានេះ កូនក្រុមលោកត្រូវធ្វើការប្រកួតក្នុងលីគវិញម្ដង ដូច្នេះកម្លាំងពួកគេមានបញ្ហា មិនអាចធ្វើបានល្អ នៅក្នុងការប្រកួតជាមួយក្រុមភ្នំពេញក្រោនេះឡើយ ។</span></p>
<p><span style="color: #000000;">លោកនិយាយថា <strong>«ប្រកួតនេះកូនក្រុមខ្ញុំធ្វើបានល្អក្នុងរយៈពេល ៧០នាទី ប៉ុន្ដែ ២០នាទីចុងក្រោយ គឺយើងមានបញ្ហាកម្លាំង ។ ពួកយើងទើបធ្វើការប្រកួតថ្ងៃពុធ តែកម្មវិធីតម្រូវឲ្យយើងប្រកួតថ្ងៃសុក្រនេះទៀត នេះជារឿងមួយ ដែលកូនក្រុមខ្ញុំសម្រាកមិនគ្រប់គ្រាន់ ។ ដូច្នេះខ្ញុំស្អប់លើការរៀបចំកម្មវិធីប្រកួតរបស់សហព័ន្ធ Game ថ្ងៃនេះចាញ់ដោយសារសហព័ន្ធអ្នករៀបចំ»</strong> ។</span></p>
<p><span style="color: #000000;">គួរបញ្ជាក់ផងដែរថា នេះជាការបរាជ័យលើកទី២ របស់ក្រុមព្រះខ័នរាជស្វាយរៀង បន្ទាប់ពីចាញ់ក្រុមក្រសួងការពារជាតិ ៥-១ កាលពីសប្ដាហ៍មុន ហើយការបរាជ័យនេះដែរ បានធ្វើឲ្យក្រុមរក្សា ១២ពិន្ទុក្នុងដៃ ឈរលេខរៀងទី៣ ក្នុងតារាងបណ្ដោះអាសន្នដដែល ។ ខណៈក្រុមការពារតំណែងជើងឯកភ្នំពេញក្រោន ទើបរកបាន ១១ពិន្ទុប៉ុណ្ណោះ ក្រោយឆ្លងកាត់ ៧ប្រកួត ឈ្នះ៣ ចាញ់២ និងស្មើ ២ដងនោះ ៕</span></p>
<p><span style="color: #000000;"><img src="https://fbcdn-sphotos-h-a.akamaihd.net/hphotos-ak-xfp1/v/t1.0-9/13177448_1726189140953937_1821948554312234517_n.jpg?oh=f5ff2d576ac889d4aae72e2f87e60096&oe=579C80DC&__gda__=1469822860_829afd10704eb1276d49069a2c758e44" alt="" width="730" /></span></p>
<p><span style="color: #000000;"><img src="https://scontent-sin1-1.xx.fbcdn.net/v/t1.0-9/13124798_1726189144287270_4164272589978887791_n.jpg?oh=5a86ac777359db23d8ee46980a7d0b2b&oe=57A30AA2" alt="" width="730" /></span></p>
<p style="text-align: center;"><span style="color: #000000;">ក្រុមព្រះខ័នរាជស្វាយរៀង ឯកសណ្ឋានពណ៌ខៀវ និងភ្នំពេញក្រោន ពណ៌ក្រហម</span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>