<p><span style="color: #000000;"><strong>(ភ្នំពេញ)៖</strong> លោក កែវ សុជាតិ ព្រះរាជអាជ្ញារងអមសាលាដំបូងរាជធានីភ្នំពេញ បានប្រាប់ Fresh News ឱ្យដឹងថា <strong>នាថ្មីៗនេះ លោកបានបញ្ជូនសំណុំរឿងបរិហារកេរ្តិ៍ លើកញ្ញា ធី សុវណ្ណថា ទៅអគ្គស្នងការដ្ឋាននគរបាលជាតិហើយ ដើម្បីឱ្យសមត្ថកិច្ចបើកការស៊ើបអង្កេតមួយ ទៅលើសំឡេងខ្សែអាត់សាសងគ្នាដែលគេសង្ស័យថាជា លោក កឹម សុខា នារីម្នាក់ឈ្មោះស្រីមុំ។</strong></span></p>
<p><span style="color: #000000;">កញ្ញា ធី សុវណ្ណថា កាលពីល្ងាចថ្ងៃទី០១ ខែមីនា ឆ្នាំ២០១៦ បានដាក់ពាក្យបណ្ដឹងជាផ្លូវការទៅកាន់សាលាដំបូងរាជធានីភ្នំពេញ ពាក់ព័ន្ធសារសំឡេងបរិហាកេរ្តិ៍នាង ចេញពីខ្សែអាត់សំឡេងមួយ ដែលបែកធ្លាយនៅលើបណ្តាញសង្គម Facebook និងសារព័ត៌មាន។ នៅក្នុងលិខិតពាក្យបណ្តឹងរបស់កញ្ញាបានបង្ហាញថា៖ ខ្លឹមសារក្នុងខ្សែអាត់សម្លេងនោះ<strong> (ខ្សៃអាត់សម្លេងឆ្លងឆ្លើយដែលគេជឿថាជាលោក កឹម សុខា និងយុវតីម្នាក់)</strong> មានចរិតជាការមួលបង្កាច់ និងជាការបំផ្លើសការពិតទាំងស្រុង ដែលបានធ្វើឲ្យប៉ះពាល់យ៉ាងធ្ងន់ធ្ងរដល់កិត្តិយស និងសេចក្តីថ្លៃថ្នូរបស់រូបនាង។</span></p>
<p><span style="color: #000000;">ទោះជាយ៉ាងណា Fresh News មិនទាន់អាចទំនាក់ទំនងសុំការបំភ្លឺបន្ថែមពីមន្រ្តីអគ្គស្នងការដ្ឋាននគរបាលជាតិ បានភ្លាមៗនៅឡើយ នៅរសៀល ថ្ងៃទី១០ ខែមីនា ឆ្នាំ២០១៦នេះ។</span></p>
<p><span style="color: #000000;">សូមជំរាបថា ចាប់ពីថ្ងៃទី២៩ ខែកុម្ភៈ ឆ្នាំ២០១៦ កន្លងទៅ សំឡេងខ្សែអាត់សាសងស្នេហា ដោយលេបខាយអំពីរឿងលើគ្រែយ៉ាងស្អិតរមួយ ដែលគេសង្ស័យថាមានការពាក់ព័ន្ធនឹងលោក កឹម សុខា ប្រធានស្តីទីគណបក្សសង្រ្គោះជាតិនោះ បានបែកធ្លាយជាបន្តបន្ទាប់នៅលើបណ្តាញសង្គម និងប្រព័ន្ធផ្សព្វផ្សាយ។ នៅក្នុងខ្សែអាត់សំឡេង ប្រហែល៥នាទី មួយក្នុងចំណោមខ្សែអាត់សំឡេងទាំងនោះ សំឡេងបុរសដែលគេជឿថាជាលោក កឹម សុខា បាននិយាយរិះគន់ដល់កញ្ញា ធី សុវណ្ណថា ដែលជាអតីតសកម្មជនរបស់ខ្លួន។</span></p>
<p><span style="color: #000000;">សំឡេងបុរសនោះនិយាយប្រាប់ទៅស្រីកំណាន់ របស់ខ្លួនថា «ធី សុវណ្ណថា ថាជាក្មេងស្រីដែលសុំគាត់ធ្វើការតាំងពី នៅគណបក្សសិទ្ធិមនុស្ស ហើយចុងក្រោយនេះ លោក កឹម សុខា ចោទថា កញ្ញា ធី សុវណ្ណថា បានឈ្លោះគ្នាជាមួយគណបក្សសង្គ្រោះជាតិ ឈ្លោះគ្នាជាមួយកូនស្រីរបស់គាត់ និងថា ធី សុវណ្ណថា ឈប់ពីសង្គ្រោះជាតិយូរហើយ»៕</span></p>
<p><span style="color: #0000ff;"><a href="/News/Detail/40052/thy-sovantha" target="_blank"><span style="color: #0000ff;">- អាន ៖ ធី សុវណ្ណថា៖ «ថ្ងៃនេះខ្ញុំនឹងជួបជាមួយមេធាវី ដើម្បីស្វែងរកការពិតពីសារសម្លេង លោក កឹម សុខា បរិហាកេរ្តិ៍</span></a></span></p>
<p><span style="color: #000000;"><a class="thickbox" title="" href="/FileManager/Commons/2016/3/10/19-10-03-2016--15-30-06.jpg"><img src="/FileManager/Articles/mce/2016/3/10/19-10-03-2016--15-30-06.jpg" alt="" /></a><br /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>