<p><span style="color: #000000;"><strong>(ភ្នំពេញ)៖</strong> សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានថ្លែងថា ប្រទេសកម្ពុជា និងប្រទេសកូរ៉េខាងត្បូង គឺជាដន្លងនឹងគ្នា ដែលមានកូនកាត់ប្រមាណជិត១ម៉ឺននាក់ នាពេលបច្ចុប្បន្ន។</span></p>
<p><span style="color: #000000;">សម្តេចតេជោ ហ៊ុន សែន បានលើកឡើងបែបនេះ នៅក្នុងកម្មវិធីសម្ពោធបើកការដ្ឋានសាងសង់ឡើងវិញ នូវផ្លូវជាតិលេខ២១ នៅខេត្តកណ្តាល នាព្រឹកថ្ងៃទី២៨ ខែមីនា ឆ្នាំ២០១៦នេះ។ គម្រោងផ្លូវនេះ ត្រូវបានសាងសង់ឡើង ក្រោមប្រាក់កម្ចីសម្បទាន របស់សាធារណរដ្ឋកូរ៉េ។</span></p>
<p><span style="color: #000000;">សម្តេចតេជោ បានលើកឡើងថា «យើងជាប្រទេសដន្លងទៅហើយឥឡូវនេះ ដោយសារតែមានកូនកាត់ច្រើនណាស់ កូនកាត់នេះនៅត្រង់ថា ស្រ្តីរបស់កម្ពុជារៀបការជាមួយកូរ៉េច្រើនណាស់ ឆ្នាំទៅក្នុងការប្រជុំរវាងអាស៊ាន-កូរ៉េ ខ្ញុំព្រះករុណាខ្ញុំ ក៏បានទស្សនកិច្ច ហើយពេលនោះ បើយើងពិនិត្យអំពីចំនួន កូនកាត់ ឥឡូវមានប្រហែលជាជិត១ម៉ឺននាក់»។</span></p>
<p><span style="color: #000000;">រដ្ឋាភិបាលកម្ពុជា បានចុះហត្ថលេខាលើកិច្ចព្រមព្រៀង ជាមួយកូរ៉េខាងត្បូង តាំងពីឆ្នាំ ១៩៩៦ ដើម្បីភ្ជាប់ទំនាក់ទំនងការទូតឡើងវិញ ក្រោយបញ្ចប់សង្រ្គាមស៊ីវិលនៅកម្ពុជា។ តាំងពីពេលនោះមកកូរ៉េខាងត្បូងបានក្លាយជាដៃគូល្អមួយ សម្រាប់កិច្ចសហប្រតិបត្តិការទ្វេភាគី លើគ្រប់វិស័យ។</span></p>
<p><span style="color: #000000;">រដ្ឋាភិបាលកូរ៉េខាងត្បូង ក៏ផ្តល់ឱកាសដល់ពលករខ្មែរ រាប់ពាន់នាក់ក្នុងមួយឆ្នាំៗ ដើម្បីទៅធ្វើការងារនៅប្រទេស របស់ពួកគេផងដែរ៕</span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xta1/v/t1.0-9/12928363_983774761671021_9006623361028636479_n.jpg?oh=c6623a490079a7ef771a3af21190050e&oe=577B6D6F" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xfl1/v/t1.0-9/12809700_983774838337680_5400157287899500789_n.jpg?oh=ede36f34e57ed950f4a5d9d936c07cd2&oe=57968BC5" alt="" width="730" /></span></p>
<p><span style="color: #000000;"><img src="https://fbcdn-sphotos-h-a.akamaihd.net/hphotos-ak-xtp1/v/t1.0-9/12063840_1578803475767351_561735211316408208_n.jpg?oh=14d20b1042e72fd92d7871da5f61e85c&oe=57821930&__gda__=1468390150_17b077a376ed3c8f98523919e26df003" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>