<p><span style="color: #000000;"><strong>(ភ្នំពេញ)៖</strong> ដោយសារតែជីវភាពប្រចាំថ្ងៃធ្លាក់ដុនដាបទៅៗ បណ្ដាលឲ្យស្ត្រីជាប្រពន្ធសម្រេចចិត្តនាំយកកូនស្រីម្នាក់ចុះចេញពីផ្ទះបាត់ ដោយបន្សល់ទុកបុរសជាប្ដី ដែលមានជំងឺប្រចាំកាយស្គមស្គាំង ហើយត្រូវទទួលរ៉ាប់រងទទួលចិញ្ចឹមកូនប្រុសតូចៗចំនួន៣នាក់ទៀតផង។</span></p>
<p><span style="color: #000000;">ក្រោយប្រពន្ធរត់ចេញពីផ្ទះបុរសកំសត់រូបនេះ បានយកកូនតូចពៅអាយុទើបតែ៤ខែ ទៅឲ្យអ្នកជិតខាងជួយមើលថែរក្សាជំនួស តែគេមិនទទួលយកពីព្រោះខ្លាចស្រ្តីជាប្រពន្ធមករករឿង ស្រាប់តែឈរឱបកូនទាំង៣នាក់ស្រែកយំគួរឲ្យអាសូរយ៉ាងពន់ពេក។</span></p>
<p><span style="color: #000000;">រឿងរ៉ាវដ៏កំសត់នេះបានកើតឡើងនៅក្នុងខ្ទមបន្ទប់ជួលតាមជួរប្រឡាយតាមបណ្ដោយផ្លូវបេតុង ស្ថិតក្នុងសហគមន៍ ភូមិសែន សុខទី៧ សង្កាត់ឃ្មួញ ខណ្ឌសែនសុខ រាជធានីភ្នំពេញ ។</span></p>
<p><span style="color: #000000;">បុរសជាប្ដីដ៏កំសត់រូបនេះបានរៀបរាប់ទាំងទឹកភ្នែកប្រាប់ភ្នាក់ងារ Fresh News ថា ប្រពន្ធរបស់គាត់ឈ្មោះ គុយ នីម មានវ័យ៣០ឆ្នាំ និងមិនមានការងារធ្វើនោះទេដោយអត់ទ្រាំរស់នៅនិងជីវភាពតោកយ៉ាកនេះមិនបានក៏សម្រេចចិត្តនាំយកកូនស្រីទី២ ចុះចេញពីផ្ទះកាលពីព្រឹកថ្ងៃទី ២១ ខែ ឧសភា ឆ្នាំ ២០១៦បាត់ទៅហើយ ព្រោះហេតុថា ១ខែៗ រកលុយតែ៦ម៉ឺនរៀលមកបង់ថ្លៃបន្ទប់ជួលស្ទើរតែមិនបាន។</span></p>
<p><span style="color: #000000;">សំខាន់ជាងនេះទៅទៀតនោះ គឺមានកូនតូចៗច្រើននិង ការរស់នៅប្រចាំថ្ងៃមិនចុះសម្រុងជាមួយគ្នាទើបប្រពន្ធរបស់គាត់សម្រេចចិត្តចុះចេញពីផ្ទះទាំងបែបនេះ។</span></p>
<p><span style="color: #000000;">គាត់មានឈ្មោះស៉ិន ណារិទ្ធ មានវ័យ៣៧ឆ្នាំ មានមុខរបរ ជួសជុលកង្ហារកំប៉េកកំប៉ុកនៅផ្ទះដែលញ្ញាតិជិតខាងយកមកឲ្យធ្វើគ្រាន់បានដូរបាយហូប និងចិញ្ចឹមបីបាច់ថែរក្សាកូនក្នុងបន្ទុកទាំងអស់ចំនួន៥នាក់ ក្នុងនោះមានប្រុស៣នាក់ និងស្រី២នាក់ តែដោយសារជីវភាពក្នុងគ្រួសារកាន់តែយ៉ាប់ៗទៅទាំងពីរនាក់ប្ដីប្រពន្ធក៏សម្រេចចិត្តយកកូនស្រីច្បងជាកូនទី១ទៅផ្ញើនៅម្ដាយមីង ដើម្បីឲ្យជួយចិញ្ចឹមចំណែកកូនស្រីទី២ ត្រូវបានប្រពន្ធរបស់គាត់នាំយកទៅជាមួយរីឯកូនប្រុសតូចៗ៣នាក់ទៀត រស់នៅជាមួយគាត់ក្នុងនោះមានម្នាក់ជាកូនប្រុសពៅអាយុទើបតែ៤ខែប៉ុណ្ណោះ។</span></p>
<p><span style="color: #000000;">បុរសជាប្ដីបានបន្តថា បន្ទាប់ពីប្រពន្ធរបស់គាត់បានចុះចេញ ពីផ្ទះបាត់ទៅ ដោយគ្មានលទ្ធភាពបីបាច់ចិញ្ចឹមកូនក៏សម្រេច ចិត្តបីកូនប្រុសពៅអាយុទើបតែ៤ខែ ទៅប្រគល់ឲ្យអ្នកភូមិ ជួយចិញ្ចឹមប៉ុន្តែអ្នកភូមិមិនហ៊ានទទួលនោះទេ ព្រោះខ្លាច ស្ត្រីជាម្ដាយត្រឡប់មកវិញបែជាកើតរឿងរ៉ាវ ទើបបុរសដ៏ កម្សត់នេះបានសម្រេចយកកូនអាយុ៤ខែនោះទៅជួបមេភូមិតែម្ដង។</span></p>
<p><span style="color: #000000;">ជាមួយគ្នានោះនលោកស្រី សួង សារឿន ដែលមានតួរនាទីជា នារីសង្កាត់ឃ្មួញក៏បានប្រគល់ថវិកាចំនួន៥ម៉ឺនរៀលជូនគ្រួសារងគ្រោះ សម្រាប់ទិញទឹកដោះគោបំបៅកូនតាមរយៈ លោកស្រី ចាន់រី មេភូមិសែនសុខទី៥ផងដែរ ទម្រាំមានសប្បុរស ជនឬអង្គការនានាមកជួយ ៕</span></p>
<p><span style="color: #000000;">ជាចុងក្រោយ បុរសជាឪពុកដែលមានជំងឺរាងកាយស្គមស្គាំងមិនអាចធ្វើការងារកើតនិងកូនប្រុសតូចៗទាំង៤នាក់ឪពុកកូនសូមអំពាវនាវដល់អាជ្ញាធរពាក់ព័ន្ធសប្បុរសជននាៗក្នុងនិងក្រៅប្រទេសព្រមទាំងអង្គការមេត្តាជួយសង្គ្រោះដល់គ្រួសារដ៏កម្សត់នេះផងព្រោះថវិកាចំនួន៥ម៉ឺនរៀលដែលនារីសង្កាត់ឃ្មួញជួយមកនោះអាចទិញទឹកដោះគោឲ្យកូនបៅបានត្រឹមរយះពេលខ្លីប៉ុណ្ណោះ ៕</span></p>
<p><span style="color: #000000;"><img src="http://image.freshnewsasia.com/2016/ID-020/M/fn-2016-05-22-13-24-13-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/M/fn-2016-05-22-13-24-13-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/M/fn-2016-05-22-13-24-13-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/M/fn-2016-05-22-13-24-14-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/M/fn-2016-05-22-13-24-14-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/M/fn-2016-05-22-13-24-14-6.jpg" alt="" width="730" /></span></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
<div class="detail_bottom_function">
<div class="facebook_like"></div>
</div>