<p><span style="color: #000000;"><strong>(ភ្នំពេញ)៖</strong> ក្រោយបញ្ចប់ការប្រកួតរវាងក្រុមជម្រើសជាតិកម្ពុជា និងក្រុមម្ចាស់ផ្ទះឆាយនីសតៃប៉ិ ដោយលទ្ធផលស្មើគ្នា ២-២ ក្នុងជំនួបជម្រុះពានរង្វាន់ AFC Asain Cup 2019 ជើងទី១ យប់មិញ មានរូបថតមួយសន្លឹក ត្រូវបានអ្នកគាំទ្របាល់ទាត់កម្ពុជា បង្ហោះចែកចាយតៗគ្នានៅលើ Facebook ហើយថែមទាំងធ្វើការរិះគន់យ៉ាងចាស់ដៃទៀតផង ។</span></p>
<p><span style="color: #000000;">នៅរូបថតខាងលើនេះ គឺបានបង្ហាញពីឥរិយាបថរបស់កីឡាករម្នាក់ឈ្មោះ Chen Po Liang នៃក្រុមម្ចាស់ផ្ទះឆាយនីសតៃប៉ិ ដែលបានបង្ហាញអាកប្បកិរិយាអសីលធម៌លើកីឡាករ ឈិន ឈឿន ខ្សែបម្រើក្រុមជម្រើសជាតិកម្ពុជា ដោយយកម្រាមដៃចង្អុលមុខ ឈិន ឈឿន ស្របពេលកីឡាករកម្ពុជារូបនេះ មានបញ្ហាដួលនៅលើទីលាន ។</span></p>
<p><span style="color: #000000;">ក្រោយមើលឃើញរូបនេះ អ្នកគាំទ្របាល់ទាត់កម្ពុជាជាច្រើន បាននាំគ្នារិះគន់លើកីឡាករ Chen Po Liang ដែលមានអត្ដចរិកមិនសាកសម្យជាកីឡាករឡើយ ។ អ្នកគាំទ្រមួយចំនួនទៀត បានលើកឡើងទៀតថា ការប្រកួតប្រៀបដូចធ្វើសង្ក្រាមអញ្ចឹង ព្រោះកីឡាករក្រុមឆាយនីសតៃប៉ិលេចកាចៗ គ្មានការអធ្យាស្រ័យ ពិសេសគឺកីលាករ Chen Po Liang តែម្ដង ។</span></p>
<p><span style="color: #000000;">ប៉ុន្ដែយ៉ាងណាក្រោយទទួលបានការយកចិត្តទុកដាក់ពីអ្នកគាំទ្របែបនេះ កីឡាករ ឈិន ឈឿន ក៏បានបង្ហោះសារមួយ នៅលើ Facebook ផ្ទាល់ខ្លួន ដោយសម្ដែងការអរគុណដល់អ្នកគាំទ្រ តែហាក់មិនខ្វល់ពីទង្វើររបស់កីឡាករ Chen Po Liang ធ្វើលើខ្លួនឡើយ ។</span></p>
<p><span style="color: #000000;">ឈិន ឈឿន បានសរសេរថា <strong>«ខ្ញុំអរគុណដល់អ្នកគាំទ្រទាំងអស់គ្នា ដែលបារម្ភពីរខ្ញុំ ហើយថ្ងៃនេះពួកយើងពិតជាខិតខំប្រឹងប្រែងខ្លាំងណាស់ ដែលមិនបានលទ្ធផលល្អជូនអ្នកគាំទ្រទាំងអស់គ្នា សោកស្ដាយខ្លាំងណាស់ អោយឱកាសមានច្រើន ហើយរបួសខ្ញុំឥលូវធូជាងមុនហើយអ្នកទាំងអស់គ្នា»</strong> ៕</span></p>
<p><span style="color: #000000;"><img src="https://scontent-sin1-1.xx.fbcdn.net/v/t1.0-9/13321694_1736296459943205_7723788467098463864_n.jpg?oh=2ec8b0790248e8cae7d14456fabdd295&oe=57D71B19" alt="" width="730" /></span></p>
<p><span style="color: #000000;"><img src="https://scontent-sin1-1.xx.fbcdn.net/v/t1.0-9/13319828_1736296466609871_7010595035352627932_n.jpg?oh=5fb20fab5223823ef769f5bab97fbf72&oe=57DB1DD0" alt="" width="730" /></span></p>
<p><span style="color: #000000;"><img src="https://scontent-sin1-1.xx.fbcdn.net/v/t1.0-9/13307491_1736296473276537_687814909598056877_n.jpg?oh=d873fe1c42da34742d8dba439cc30dfa&oe=57CBC0A5" alt="" width="730" /></span></p>
<p><span style="color: #000000;"><img src="https://scontent-sin1-1.xx.fbcdn.net/v/t1.0-9/13319887_1736296489943202_2519422894048949224_n.jpg?oh=6a834e1eb39e1ee5407827027c1c60ea&oe=580A268F" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>