<p><span style="color: #000000;"><strong>(ភ្នំពេញ)៖</strong> កុមារាអាយុជាង២ឆ្នាំ ដែលត្រូវខ្ទើយវៀតណាមធ្វើទារុណកម្ម ត្រូវបាននាំយកមកពិនិត្យសុខភាព នៅមន្ទីរពេទ្យរ៉ូយ៉ាល់ភ្នំពេញ ក្នុងរាជធានីភ្នំពេញ ហើយត្រូវបានលោកឧកញ៉ា ម៉ុង ឬទ្ធី ចុះសួរសុខទុក្ខផ្ទាល់ និងបានឧបត្ថម្ភថវិកាមួយចំនួនផងដែរ ជាពិសេសលោកចង់យកទៅរស់នៅតំបន់អភិវឌ្ឍន៍កែវផុស ដោយផ្ដល់កន្លែងស្នាក់នៅជូនទៀតផង។ នេះបើតាមការបញ្ជាក់ នៅលើទំព័រ Facebook របស់លោកឧកញ៉ា នាយប់ថ្ងៃទី៨ ខែធ្នូ ឆ្នាំ២០១៦។</span></p>
<p><span style="color: #000000;">លោកឧកញ៉ា ម៉ុង ឬទ្ធី បានថ្លែងយ៉ាងដូច្នេះថា <strong>«បានមកជួបចៅដែលត្រូវគេធ្វើទារុណកម្ម នៅមន្ទីរពេទ្យរ៉ូយ៉ាល់ភ្នំពេញ ឲ្យលុយ១០០ដុល្លារ នឹងបានផ្តាំផ្ញើរដល់ឪពុកម្តាយរួមជាមួយសមត្ថកិច្ចថា បើគាត់យល់ព្រមទៅរស់នៅតំបន់អភិវឌ្ឍន៍កែវផុស ខ្ញុំនឹងផ្តល់ការងារផ្ទះស្នាក់នៅជូនដល់ពួកគាត់»</strong>។</span></p>
<p><span style="color: #000000;">សូមបញ្ជាក់ថា ជនភេទទី៣ ដែលបានធ្វើទារុណកម្មយ៉ាងឃោរឃៅទៅលើកុមារ២ឆ្នាំនោះ ត្រូវបានសមត្ថកិច្ចបញ្ជាក់ថា ឈ្មោះ Doung tanh ជាជនជាតិវៀតណាម។</span></p>
<p><span style="color: #000000;"> ចំណែកឯក្មេងប្រុសរងគ្រោះ មានឈ្មោះ សូរ សៅ ជាកូនជនជាតិខ្មែរ រស់នៅភូមិពូក្រូច ឃុំស្រែអំពូម ស្រុកពេជ្រាដា ខេត្តមណ្ឌលគិរី ដែលម្តាយឪពុកជាកម្មករចាំចំការកាកាវ ឲ្យជនជាតិហូឡង់ ស្ថិតនៅភូមិឃុំខាងលើ។ ភេទទី៣ជនជាតិវៀតណាមនេះ ត្រូវបានចាប់ខ្លួននៅទីក្រុងហូជីមីញ កាលពីយប់ថ្ងៃទី៧ ខែធ្នូម្សិលមិញ នៅពេលនេះ ស្ថិតក្រោមការសួរនាំនៅកន្លែងនគរបាលវៀតណាម ក្នុងក្រុងហូជីមិញ និងត្រូវកាត់ទោសនៅប្រទេសវៀតណាមតែម្តង។</span></p>
<p><span style="color: #000000;">ហេតុការណ៍ធ្វើទារុណកម្មយ៉ាងធ្ងន់ធ្ងរទៅលើកុមារកម្ពុជានេះ ត្រូវបានសមត្ថកិច្ចប្រាប់ថា បានកើតឡើងតាំងពីជាង២ខែមុនមកម្ល៉េះ នៅភូមិពូក្រូច ឃុំស្រែអំពូម ស្រុកពេជ្រាដា ខេត្តមណ្ឌលគិរី ប៉ុន្តែទើបតែធ្លាយនៅប៉ុន្មានថ្ងៃនេះ បន្ទាប់ពីមានការបញ្ចេញ Video នៃសកម្មភាពប្រើអំពើហិង្សាទៅលើក្មេងប្រុសដ៏កំសត់រូបនេះ តាមបណ្តាញសង្គម Facebook ធ្វើឲ្យប្រជាពលរដ្ឋខ្មែរដែលលេង Facebook ចេញមកថ្កោលទោលយ៉ាងខ្លាំងៗ និងសុំឲ្យសមត្ថកិច្ចពាក់ព័ន្ធ តាមចាប់ជនដៃដល់រូបនេះផង។</span></p>
<p><span style="color: #000000;">ជាមួយគ្នានេះ ក៏មានអ្នកលេង Facebook សំរក់ទឹកភ្នែកសម្តែងការអាណិតអាសូរ យ៉ាងពន់ពេកដល់ក្មេងប្រុសរងគ្រោះ ធ្វើឲ្យមានការ Share និងមើល វីដេអូមួយនេះរាប់ម៉ឺននាក់ឯណោះ៕</span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-08-21-31-02-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-08-21-31-02-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-07-22-25-25-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-07-22-31-04-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-07-22-31-04-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>