<p><span style="color: #000000;"><strong>ភ្នំពេញ ៖</strong> ជនសង្ស័យម្នាក់ ត្រូវបានប្រជាពលរដ្ឋ ក៏ដូចជាអ្នកដំណើរ នាំគ្នាព្រួតវាយ បណ្តាលអោយ សន្លប់ស្តូកស្តឹងនៅកន្លែងភ្លាមៗ បន្ទាប់ពីជនសង្ស័យរូបនោះ ធ្វើសកម្មភាពឆក់កាបូប លុយពីនារីម្នាក់បាន សម្រេច នៅចំណុចទល់មុខនឹងមន្ទីរពេទ្យព្រះអង្គដួង កែងនឹងផ្លូវព្រះនរោត្តម ស្ថិតក្នុងសង្កាត់វត្តភ្នំ ខណ្ឌដូនពេញ ហើយព្យាយាមជិះរត់គេចខ្លួន ប៉ុន្តែ ត្រូវបានអ្នកដំណើរ ដែលបានឃើញ នាំគ្នាជិះដេញតាមរហូតដល់ចំណុចទល់ មុខនឹងធនាគារកាណាឌីយ៉ា ជាប់នឹងផ្លូវព្រះមុន្នីវង្ស ស្ថិតក្នុងសង្កាត់ស្រះចកខណ្ឌដូនពេញ ទើបធ្វើការឃាត់បាន ហើយនាំគ្នាព្រួតវាយតែម្តង ។</span></p>
<p><span style="color: #000000;">ដោយហេតុការណ៍ខាងលើនេះ បានកើតឡើង កាលពីវេលាម៉ោង ២០ និង ០០នាទីយប់ថ្ងៃទី ១ ខែធ្នូ ឆ្នាំ២០១៤ ។</span></p>
<p><span style="color: #000000;">យោងតាមសម្តីរៀបរាប់ របស់អ្នកដែលបានឃើញ ហេតុការណ៍បាននិយាយឲ្យដឹងថា នៅមុនពេល កើតហេតុ គេសង្គេតឃើញ នារីម្នាក់ជិះម៉ូតូ មិនចាំម៉ាកមួយគ្រឿង ជិះធ្វើដំណើរតែម្នាក់ ឯងតាមបណ្តោយផ្លូវ ព្រះនរោត្តម ទិសដៅពីជើងទៅត្បូង លុះមកដល់ចំណុចកែងមន្ទីរពេទ្យព្រះអង្គដួង ស្រាប់តែមានជនសង្ស័យម្នាក់ ជិះម៉ូតូមួយគ្រឿងម៉ាក Duke ពណ៌លឿងលាយខ្មៅ ពាក់ស្លាកលេខភ្នំពេញ 1CU-6566 ជិះមកពីក្រោយ រួមធ្វើ សកម្មភាពឆក់កាបូបពីនារីរងគ្រោះខាងលើ បានសម្រេច រួមហើយរូបគេ បានព្យាយាមជិះរត់គេចខ្លួន ប៉ុន្តែត្រូវបាន អ្នកដំណើរ ដែលបានឃើញហេតុការណ៍ បាននាំគ្នាជិះដេញតាមពីក្រោយជាច្រើនម៉ូតូ ហើយនាំគ្នាស្រែកថា ចោរ យ៉ាងខ្លាំងៗ ធ្វើអោយជនសង្ស័យរូបនោះ ភ័យស្លន់ស្លោរខ្លាំងពេក ក៏ជ្រុលទៅបុកនឹងម៉ូតូមួយគ្រឿង ផ្សេងទៀត នៅចំណុចទល់មុខនឹងធនាគារ កាណាឌីយ៉ាង ជាប់នឹងផ្លូវព្រះមុន្នីវង្ស បណ្តាលអោយដួលទៅនឹងថ្នល់ ទើបត្រូវ ប្រជាពលរដ្ឋ ក៏ដូចជាអ្នកដំណើរនាំគ្នាព្រួតវាយម្នាក់ ១ដៃ ១ជើង បណ្តាលឲ្យរងរបួសសន្លប់ស្តូកស្តឹងតែម្តង ទៅ។</span></p>
<p><span style="color: #000000;">ក្រោយកើតហេតុ គេឃើញមានសមត្ថកិច្ចមូលដ្ឋាន ចុះអន្តរាគមន៍ដល់កន្លែងកើតហេតុភ្លាមៗ ហើយបាន ធ្វើការនាំខ្លួនជនសង្ស័យ និងម៉ូតូទៅកាន់ប៉ុស្តិ៍រដ្ឋបាលនគរបាលស្រះចក រងចាំជនសង្ស័យដឹងខ្លួនទើបធ្វើការសួរ នាំបន្ត រួចបញ្ចូនខ្លួនទៅកាន់អធិការដ្ឋាន នគរបាលខណ្ឌដូនពេញ ដើម្បីចាត់ការបន្តតាមច្បាប់ ។ ចំណែកកាបូប ដែលជនសង្ស័យខាងលើធ្វើសកម្មភាពឆក់នោះ ត្រូវបានប្រគល់ជូនម្ចាស់គេវិញ ហើយក៏មិនបាត់បង់ទ្រព្យ សម្បតិ្តអ្វីនៅក្នុងកាបូបដែរ គឺនៅល្អដូចដើម៕</span></p>
<p><span style="color: #000000;"><a class="thickbox" title="" href="/FileManager/Commons/2014/12/2/12-2-2014-11-31-12-am-02-12-2014--11-37-10.png"><img src="/FileManager/Articles/mce/2014/12/2/12-2-2014-11-31-12-am-02-12-2014--11-37-10.png" alt="" /></a></span></p>
<p><a class="thickbox" title="" href="/FileManager/Commons/2014/12/2/12-2-2014-11-31-30-am-02-12-2014--11-37-24.png"><img src="/FileManager/Articles/mce/2014/12/2/12-2-2014-11-31-30-am-02-12-2014--11-37-24.png" alt="" /></a></p>
<p><a class="thickbox" title="" href="/FileManager/Commons/2014/12/2/12-2-2014-11-31-48-am-02-12-2014--11-37-35.png"><img src="/FileManager/Articles/mce/2014/12/2/12-2-2014-11-31-48-am-02-12-2014--11-37-35.png" alt="" /></a><span style="color: #000000;"><br /></span></p>
<p style="text-align: right;"><span style="color: #000000;"><span>ផ្ដល់សិទ្ធិដោយ៖ ដើមអម្ពិល</span><br /></span></p>