<p>ការរក្សាលំនឹងនៅពេលបើកឧទ្ធម្ភាគចក្រ គឺជាការលំបាក ប៉ុន្ដែក្រុមអ្នកបើកបរចិន បានប្រើប្រាស់ឧទ្ធម្ភាគចក្រ ដើម្បីបើកគម្របស្រាបៀរ នៅក្នុងការប្រកួតពានរង្វាន់ខាងបើកឧទ្ធម្ភាគចក្រ ឆ្នាំ ២០១។<br /><br />CBS បានឱ្យដឹងថា នេះគឺជាវគ្គចុងក្រោយនៃការប្រកួតបើកបរឧទ្ធម្ភាគចក្រ ឆ្នាំ ២០១៣ ដែលមានរយៈពេល ៣ថ្ងៃ និងត្រូវបានប្រារព្ធឡើងនៅខែត្រ Shandong ប្រទេសចិន។ ការប្រកួតនេះ បានបញ្ចប់កាលពីថ្ងៃទី ២៨តុលា កន្លងទៅ ដោយមានការចូលរួមពីសំណាក់អ្នកបើកបរយន្ដចំនួន ២០នាក់។ ក្នុងការប្រកួតនេះ ពួកគេត្រូវចូលរួមប្រជែកក្នុងវិញ្ញាសារចំនួន ៦ ដើម្បីបង្ហាញអំពីសមត្ថភាពបញ្ជាយន្ដហោះ។</p>
<p style="text-align: center;"><a class="thickbox" title="" href="/FileManager/Commons/2013/11/3/cp3-03-11-2013--20-27-13.jpg"><img src="/FileManager/Articles/mce/2013/11/3/cp3-03-11-2013--20-27-13.jpg" alt="" /></a></p>
<p>ក្នុងវគ្គចុងក្រោយ ដបស្រាបៀរត្រូវបានគេយកមកប្រើប្រាស់។ ដបស្រាបៀរ ត្រូវបានដាក់នៅជាប់នឹងបង្គោលដែលមានកម្ពស់ ២ម៉ែត្រ ធៀបនឹងដី។ អ្នកបើកបរ ត្រូវប្រើប្រាស់ឧបករណ៍បើកគម្របដបដែលត្រូវបានភ្ជាប់នៅលើឧទ្ធម្ភាគចក្រ ដើម្បីគាស់បើកគម្របស្រាបៀរ ចំនួន ៥ ក្នុងរយៈពេល ៨នាទី ហើយដបស្រាបៀរនិមួយៗមានតម្លៃ ៤០ពិន្ទុ។<br /><br />Wang Xuefei ដែលជាបេក្ខជនប្រកួតបើកបរយន្ដហោះម្នាក់ បានឱ្យដឹងថា ៖ “ការប្រកួតនេះ គឺមានបំណងត្រួតពិនិត្យសមត្ថភាពបញ្ជាឧទ្ធម្ភាគចក្រ របស់អ្នកបើកបរ។ យើងត្រូវប្រឹងប្រែងដើម្បីធ្វើឱ្យឧបករណ៍គាស់គម្របដប មកជិតគោលដៅបំផុត តាមដែលអាចធ្វើបាន។<br /><br />នៅទីបញ្ចប់ ជ័យជំនះ បានទៅលើ Zhang Zhiqiang អ្នកបើកបរយន្ដហោះ មកពីក្រុង Anyang ខែត្រ Henan ដោយទទួលបាន ១២០ពិន្ទុ បន្ទាប់ពីបើកគម្របដបស្រាបៀរ បានចំនួនបី ក្នុងរយៈពេលអនុញ្ញាត។</p>
<p style="text-align: center;"><object width="496" height="426" data="http://www.youtube.com/v/7HbdR_RE-TM&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/7HbdR_RE-TM&rel=1" /></object></p>
<p style="text-align: center;"> </p>
<p style="text-align: left;"><strong>អត្ថបទសំខាន់ៗគួរចាប់អារម្មណ៍ ៖</strong></p>
<p style="text-align: left;"><span style="color: #3366ff;"><a href="/News/Detail/31728/fake-david-beckham-family-on-the-route-of-london"><span style="color: #3366ff;">គ្រួសារ Beckham ក្លែងក្លាយ ធ្វើឱ្យផ្អើលក្រុង London ពេលបង្ហាញខ្លួន តាមដងផ្លូវ</span></a></span></p>
<p style="text-align: left;"><span style="color: #3366ff;"><a href="/News/Detail/30762/the-floating-islands-of-lake-titicaca"><span style="color: #3366ff;">កោះអណ្ដែតរបស់កុលសម្ព័ន្ធ សេរី នៅប្រទេស Peru</span></a></span></p>
<p style="text-align: left;"><span style="color: #3366ff;"><a href="/News/Detail/25610/man-blames-constant-ringing-of-church-bells-for-divorce"><span style="color: #3366ff;">លែងលះគ្នា ព្រោះតែសម្លេងជួង របស់វិហារនៅក្បែរផ្ទះ (មានវីដេអូ)</span></a></span></p>
<p style="text-align: center;"> </p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Youtube<br /> <br /> <br /> <br /><br /></p>