<p><strong>ភ្នំពេញ៖</strong> បុគ្គលិកទូទៅ របស់សហគ្រាស ផលិតឱសថ PPMម្នាក់ បានស្លាប់ក្នុងសហគ្រាស ដោយ<br />សារ តែបែកផ្លែ ដែកឆាប ត្រូវចំដោះម្ខាងហូរឈាម រហូតខ្សោះពីខ្លួនដាច់ខ្យល់ស្លាប់តែម្តង ដោយ<br />សារតែភាពយឺតយ៉ាវ ក្នុងការបញ្ជូន ជនរងគ្រោះទៅសង្គ្រោះ របស់ម្ចាស់សហគ្រាស ។</p>
<p>ហេតុការណ៍ដ៏គួរឲ្យរន្ធត់នេះ បានកើតឡើងកាល ពីវេលាម៉ោងប្រមាណ១ និង៣០នាទី រសៀលថ្ងៃ<br />ទី១៧ ខែសីហា ឆ្នាំ២០១៣ ស្ថិតនៅក្នុងបរិវេណ សហគ្រាស ភូមិថ្នល់បំបែក សង្កាត់ចោមចៅ ខណ្ឌ<br />ពោធិ៍សែនជ័យ រាជធានីភ្នំពេញ។</p>
<p>សាច់ញាតិ របស់ជនរងគ្រោះបានឲ្យដឹងថា ជនរងគ្រោះមាន ឈ្មោះ ហ៊ុយ សុភា ភេទប្រុស អាយុ<br />៣២ឆ្នាំ មានមុខរបរ ជាបុគ្គលិកទូទៅ របស់សហគ្រាស រស់នៅក្នុងភូមិព្រៃស្វាយ សង្កាត់ចោមចៅ <br />ខណ្ឌពោធិ៍សែនជ័យ មានស្រុកកំណើត នៅ ស្រុកកោះធំ ខេត្តកណ្តាល មានប្រពន្ធឈ្មោះ និល <br />វាសនា អាយុជិត៣០ឆ្នាំ រស់នៅជាមួយគ្នា។</p>
<p>សាក្សីដែលដឹងហេតុការណ៍ខាងលើនេះ បាននិយាយថា មុនពេលកើតហេតុ ជនរងគ្រោះបានយក<br /> ម៉ូទ័រឆាបមួយ ទៅកាត់ផ្តាច់ ទុយោជ័រទំហំ ប្រហែលជា១តឹក ខណៈពេលកំពុងតែឆាបនោះ ស្រាប់តែ<br />បែកផ្លែដែក ឆាបបុកចំដោះ ខាងឆ្វេង ជម្រៅប្រហែលជិត១ថ្នាំងដៃ ហូរឈាមស្រោចខ្លួនជោគ មួយ<br />សន្ទុះក្រោយ មកក៏ដាច់ខ្យល់ស្លាប់ក្នុង ថ្លុកឈាមគួរឲ្យអាណោចអធ័មបំផុត ។</p>
<p>សាក្សីខាងលើ បានបន្តទៀតថា ការស្លាប់នេះក៏ដោយសារ តែភាពយឺត យ៉ាវរបស់ក្រុមហ៊ុនផងដែរ <br />ប្រសិនបើគ្រោះថ្នាក់កើតភ្លាម បញ្ជូនទៅសង្គ្រោះភ្លាមៗ នោះជនរងគ្រោះ ទំនងជាអាចជួយសង្រ្គោះ<br />បាន ប៉ុន្តែដោយសារភាពរយីករយាក ទើបហូរឈាម ខ្សោះពីខ្លួនស្លាប់តែម្តង។ ម្យ៉ាងវិញទៀតក៏<br />ដោយសារតែខ្លាចបែកធ្លាយ ព័ត៌មានទៅខាងក្រៅ ទុករហូត ដល់ជនរងគ្រោះស្លាប់។</p>
<p>ជាក់ស្តែង នៅខាងមុខ សហគ្រាសគេឃើញ អ្នកសារព័ត៌មាន និងសមត្ថកិច្ចរួមជាមួយ ក្រុមគ្រួសារ<br />ជនរងគ្រោះ ត្រូវបាន អ្នកយាមប្រចាំការនៅទីនោះ ហាមមិនឲ្យចូល។ សមត្ថកិច្ចមួយចំនួនទំរាំបាន<br />ចូលអ្នកយាម ប្រចាំការនៅទីនោះឆ្លង យោបល់ចុះ ឆ្លងយោបល់ឡើង ប្រើរយៈកន្លះម៉ោង ឬជាងកន្លះ<br />ម៉ោង ដែលនាំឲ្យប្រជាពលរដ្ឋឆ្ងល់ថា មនុស្សស្លាប់មួយ ទាំងមូលម្តេចក៏បិទបាំងព័ត៌មាន យ៉ាងដូច្នេះ<br /> គេមិនដឹងថា ក្រុមហ៊ុន មានបំណងយ៉ាងណានោះទេ ។ រហូតពេលនេះ គេពុំដឹងថា សាកសពត្រូវ<br />បញ្ជូន ទៅណាមក ណានោះទេ ។</p>
<p>ទាក់ទិននិងរឿងរ៉ាវខាង លើពុំមានប្រភពមួយណាដើម្បី សុំការបំភ្លឺឲ្យដឹងពីមូលហេតុច្បាស់បានទេ៕</p>
<p style="text-align: center;"><img title="" src="http://111.92.240.170:81//dap-news/dap-images/2013/August/id-007/Pheak-0037.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/August/id-007/Pheak-0036.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/August/id-007/Pheak-0038.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/August/id-007/Pheak-0039.jpg" alt="Photo by DAP-NEWS" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>