<p><span style="color: #000000;"><strong>(ភ្នំពេញ)៖</strong> ពិធីបុណ្យស្រូវអង្ករកម្ពុជា២០១៦ នឹងរៀបចំធ្វើនៅថ្ងៃទី២៥ និង២៦ ខែមករា ឆ្នាំ២០១៦ ខាងមុខនេះ ចាប់ពីវេលាម៉ោង១ ដល់ម៉ោង៥រសៀល នៅសណ្ឋាគារសុខាភ្នំពេញ។ វេទិកាស្រូវអង្ករលើកទី៥នេះ នឹងផ្តល់ជូនដល់អ្នកចូលរួម នូវអត្ថប្រយោជន៍ជាច្រើន ដើម្បីជំរុញពាណិជ្ជកម្ម ស្រូវអង្ករឲ្យកាន់តែរីចម្រើនថែមទៀត។</span></p>
<p><span style="color: #000000;">បើតាមសេចក្តីប្រកាសរបស់ សហព័ន្ធស្រូវអង្ករកម្ពុជា កម្មវិធីសំខាន់ៗដែលក្នុងរៀបចំក្នុងវេទិកាស្រូវអង្ករនេះរួមមាន៖</span></p>
<p><span style="color: #000000;">-ផ្តល់ឱកាសជួបជាមួយអ្នកជំនាញ និងអ្នករកស៊ីស្រូវអង្ករជាតិ និងអន្តរជាតិ</span></p>
<p><span style="color: #000000;">-ចូលរួមទស្សនាកម្មវិធីប្រកួតស្រូវអង្ករប្រចាំនៅប្រទេសកម្ពុជា</span></p>
<p><span style="color: #000000;">-ទស្សនាការសម្តែងសិល្បៈ និងរបាំជាច្រើនប្រភេទទាក់ទងទៅនឹងវិស័យស្រូវអង្ករ</span></p>
<p><span style="color: #000000;">-ចូលរួមប្រកួតមុខម្ហូប ដែលផលិតចេញពីអង្ករ ដោយសមាគមចុងភៅ</span></p>
<p><span style="color: #000000;">-ភ្លក្សមុខម្ហូបខ្មែរជាច្រើនប្រភេទ ដោយសេរី និងដោយឥតគិតថ្លៃ</span></p>
<p><span style="color: #000000;">-ចូលរួមទស្សនាការតាំងបង្ហាញអំពីខ្សែសង្វាក់ ផលិតផលស្រូវអង្ករទាំងមូល</span></p>
<p><span style="color: #000000;">-ឱកាសទទួលបានចំណេះដឹងបទពិសោធន៍ថ្មីៗ ក្នុងវិស័យស្រូវអង្ករនៅកម្ពុជា</span></p>
<p><span style="color: #000000;">វេទិកាស្រូវអង្ករកម្ពុជាលើកទី៥ជាផ្លូវការ គ្រោងនឹងរៀបចំធ្វើនៅថ្ងៃទី២៤ ២៥ និង២៦ ខែមករាខាងមុខនេះ នឹងមានការអញ្ចើញចូលរួម ពីសម្តេចតេជោ ហ៊ុន សែននាយករដ្ឋមន្រ្តីនៃកម្ពុជា អ្នកពាក់ព័ន្ធក្នុងវិស័យស្រូវអង្ករទាំងអស់ ដូចជាម្ចាស់រោងម៉ាស៊ីនកិនស្រូវក្រុមហ៊ុន នាំចេញអង្ករ សហគមន៍កសិករ ក្រុមហ៊ុនដឹកជញ្ចូន តំណាងក្រសួងពាក់ព័ន្ធ និងតំណាងដៃគូអន្តរជាតិ។</span></p>
<p><span style="color: #000000;">វេទិកាស្រូវអង្ករកម្ពុជាលើកទី៥ ធ្វើឡើង ដើម្បីពិភាក្សាពីបញ្ហាស្រូវអង្ករ ដែលមានទំនាក់ទំនង ជាមួយនឹងការធ្វើពាណិជ្ជកម្មអង្ករ ទៅកាន់ទីផ្សារពិភពលោក និងផែនការយុទ្ធសាស្រ្ត សម្រាប់វិស័យស្រូវអង្ករទាំងមូល៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/19/1-19-2016-3-03-57-pm-19-01-2016--15-11-40.png"><span style="color: #000000;"><img src="/FileManager/Articles/mce/2016/1/19/1-19-2016-3-03-57-pm-19-01-2016--15-11-40.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>