<p><span style="color: #000000;"><strong>(ភ្នំពេញ)៖ នៅព្រឹកថ្ងៃទី១២ ខែកក្កដានេះ ខ្មាន់កាំភ្លើងដែលបាញ់សម្លាប់បណ្ឌិត កែម ឡី ត្រូវបានបញ្ជូនទៅដល់តុលាការសារជាថ្មី ដើម្បីសាកសួរបន្ត បន្ទាប់ពីមានសាកសួរពីម្សិលមិញម្តងរួចហើយ។ លោក លី សុផាណា ព្រះរាជអាជ្ញារង សាលាដំបូងរាជធានីភ្នំពេញ ជាអ្នកទទួលចាត់ការនៅក្នុងសំណុំរឿងនេះ។</strong></span></p>
<p><span style="color: #000000;">សូមបញ្ជាក់ថា លោកបណ្ឌិត កែម ឡី អ្នកវិភាគអំពីបញ្ហាសង្គមដ៏ល្បី នៅក្នុងប្រទេសកម្ពុជា ត្រូវបានឃាតករបាញ់សម្លាប់ នៅក្នុងស្តាម៉ាត (Star Mart) ស្តុបបូកគោ ស្ថិតនៅក្នុងខណ្ឌចំការមន រាជធានីភ្នំពេញ កាលពីម៉ោង៨៖៥០នាទីព្រឹកថ្ងៃទី១០ ខែកក្កដា ឆ្នាំ២០១៦ ខណៈលោកកំពុងអង្គុយទទួលទានកាហ្វេ។ លោកត្រូវឃាតកបាញ់ចំនួន២គ្រាប់ ក្នុងនោះ១គ្រាប់ចំក្បាល និងមួយគ្រាប់ទៀតត្រូវ ដើមដៃធ្លាយដល់ក្រោមដោះ ហើយឃាតករដែលបាញ់សម្លាប់ លោក កែម ឡី ម្នាក់ក៏ត្រូវសមត្ថកិច្ចចាប់ខ្លួន បានក្រោយកើតហេតុភ្លាមៗតែម្តង។</span></p>
<p><span style="color: #000000;">ជនដៃដល់ក្នុងករណីបាញ់សម្លាប់បណ្ឌិត កែម ឡី ដែលសារភាពប្រាប់សមត្ថកិច្ចថា រូបគេមានឈ្មោះ ជួប សម្លាប់ អាយុ៣៨ឆ្នាំ ជាពលករនៅប្រទេសថៃ ត្រូវបានសមត្ថកិច្ចបញ្ជូនពី ស្នងការដ្ឋានរាជធានីភ្នំពេញ ទៅតុលាការនៅម៉ោង៤៖០០រសៀល ថ្ងៃទី១១ ខែកក្កដា ឆ្នាំ២០១៦នេះ ដើម្បីធ្វើការសាកសួរ៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-11-16-06-29-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>