<p><span style="color: #000000;"><strong>(ភ្នំពេញ)៖</strong> បន្ទាប់ពីភ្នំពេញក្រោន ចាញ់ក្រុម Home United របស់សិង្ហបុរី ៤-៣ យប់មិញ ឥឡូវដល់វេនក្រុមបឹងកេត អង្គរម្ដងហើយ ដោយត្រូវជួបសត្រូវចាស់ គឺក្រុម Lao Toyota របស់ឡាវ ដែលបឹងកេតអង្គរ ធ្លាប់យកឈ្នះ ២-០ កាលពីឆ្នាំ២០១៥ នៅក្នុងជំនួបវគ្គជម្រុះពានរង្វាន់ TOYOTA Mekong Club Championships។</span></p>
<p><span style="color: #000000;">ហេតុនេះអ្នកគាំទ្រ កំពុងចាំអ៊ុតលទ្ធផល តើបឹងកេតអាចរក្សាភាពខ្លាំង ដូចកាលពី២ឆ្នាំមុនទៀតទេ សម្រាប់ការជួបក្រុម Lao Toyota ជាថ្មី នៅក្នុងព្រឹត្តិការណ៍បាល់ទាត់ពានរង្វាន់ AFC Cup 2017 វគ្គជម្រុះ Play-Off ជើងទី១ នាវេលាម៉ោង ៦ល្ងាចថ្ងៃទី៣១ ខែមករានេះ នៅលើទីលានពហុកីឡដ្ឋានជាតិ រាជធានីភ្នំពេញ?</span></p>
<p><span style="color: #000000;">ជាការពិតក្រុមបឹងកេត ធ្លាប់ឈ្នះក្រុម Lao Toyota ប៉ុន្ដែកាលនោះបឹងកេតដឹកនាំដោយលោក ប្រាក់ សុវណ្ណារ៉ា ខណៈបច្ចុប្បន្នលោក John McGlynn ជាអ្នកដឹកនាំ ហើយកីឡាករក៏មានការផ្លាស់ប្ដូរច្រើនដែរ។ ដូច្នេះលទ្ធផល ឬទម្រង់លេងបែបណា មិនទាន់ដឹងច្បាស់នោះទេ គឺមានតែរង់ចាំទស្សនាទាំងអស់គ្នាប៉ុណ្ណោះ។</span></p>
<p><span style="color: #000000;">ថ្លែងក្នុងសន្និសីទមុនការប្រកួតពីម្សិលមិញលោក John McGlynn បាននិយាយថា ក្រុមខ្លួនបានត្រៀមខ្លួនរួចរាល់ហើយ ដើម្បីបើកទ្វារពហុកីឡដ្ឋានជាតិទទួលក្រុម Lao Toyota ស្អែកនេះ។ មិនតែប៉ុណ្ណោះលោកបានចាត់ទុក ការប្រកួតជើងទី១ ល្ងាចនេះ ពិតជាសំខាន់ ដោយត្រូវការឈ្នះ ដើម្បីធ្វើជាទុនងាយស្រួលប្រកួតក្រៅដី។</span></p>
<p><span style="color: #000000;">ចំណែកលោក Silisantiphap Phokhasomboune គ្រូជំនួយក្រុម Lao Toyota បានលើកឡើងថា ដោយសារក្រុមខ្លួនធ្លាប់ចាញ់បឹងកេត ហេតុនេះការប្រកួតក្រៅដី គឺជាឧបសគ្គ និងពិបាកវាស់ស្ទង់លទ្ធផលឈ្នះ-ចាញ់ខ្លាំងណាស់។ មួយវិញទៀតបឹងកេត ក៏មានកីឡាករឆ្នើមៗដែរ ដូច្នេះលោកនៅតែញញើតក្រុមបឹងកេត ប៉ុន្ដែលោកនឹងព្យាយាមធ្វើឲ្យបានល្អបំផុត ដើម្បីបន្ដក្ដីសង្ឃឹមឡើងទៅវគ្គបន្ដ៕</span></p>
<p><span style="color: #000000;"><img src="http://image.freshnewsasia.com/2017/113/fn-2017-01-31-09-38-38-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-31-09-38-40-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-31-09-38-43-0.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>