<p><span style="font-size: 12px; color: #000000;">គិលានុប្បដ្ឋាយិការផ្នែកជំងឺវិកលចរិកម្នាក់ ត្រូវបានបញ្ជូលទៅមន្ទីរពេទ្យភ្លាមៗទាំងអាការៈរលាកលើផ្ទៃមុខធ្ងន់ធ្ងរ ក្រោយពីអ្នកជំងឺម្នាក់ វាយប្រហារដោយទឹកក្ដៅ។ អ្នកស្រី Christies អាយុ ២៥ ឆ្នាំ បានរលាកមុខ ក ក្បាល និងដើមទ្រូងយ៉ាងធ្ងន់ធ្ងរ ក្រោយពីអ្នកជំងឺម្នាក់ជះទឹកកំពុងពុះមកលើខ្លួនរបស់អ្នកស្រី។ អ្នកស្រី ត្រូវបានបញ្ជូលទៅព្យាបាលនៅមន្ទីរពេទ្យ St George’s នៅភាគនីរតីនៃក្រុងឡុងដ៍ ជាមន្ទីពេទ្យ ដែលក្រុមគ្រូពេទ្យព្យាយាមបន្ថយការឈឺចាប់របស់អ្នកស្រី Christies ដោយថ្នាំបំបាត់ការឈឺចាប់ ថ្នាំម៉រហ្វីន និងព្យាយាមទប់ខ្យល់កុំឱ្យបក់ត្រូវចំកន្លែងរលាក ដើម្បីការពារស្បែករបស់អ្នកស្រីកុំឱ្យខូចកាន់តែធ្ងន់ធ្ងរ។</span></p>
<p><span style="font-size: 12px; color: #000000;"><a class="thickbox" title="" href="/FileManager/Commons/2018/8/31/1-31-08-2018--11-09-38.PNG"><img src="/FileManager/Articles/mce/2018/8/31/1-31-08-2018--11-09-38.PNG" alt="" /></a><br /></span></p>
<p><span style="color: #000000;"> បើទោះជាជួបគ្រោះថ្នាក់គួរឱ្យខ្លាចយ៉ាងនេះក្ដី អ្នកស្រី Christie ដែលធ្លាប់ត្រូវបានអ្នកជំងឺវាយប្រហារកាលពីមុន នៅតែមើលឃើញគ្រោះថ្នាក់នោះ ថាជាផ្នែកមួយនៃការងារជាអ្នកថែទាំអ្នកជំងឺ។ អ្នកស្រីតែងតែប្រាថ្នាចង់ធ្វើការផ្នែកសុខភាពផ្លូវចិត្ដ ហើយអ្នកស្រីរីករាយចំពោះការងាររបស់អ្នកស្រី នៅក្នុងមន្ទីរពេទ្យវិកលវិទ្យា។</span></p>
<p><span style="color: #000000;">ទោះជាយ៉ាងណា ម្ដាយរបស់អ្នកស្រី Christie ជឿថា កូនស្រីរបស់អ្នកស្រី នឹងបន្ដធ្វើការងារនេះដដែល ព្រោះវាអាចជួយដល់មនុស្សយ៉ាងច្រើន ម្យ៉ាងវិញទៀត វាជាការងារដែលនាងចង់ធ្វើ។ អ្នកស្រីបាននិយាយថា ក្នុងនាមជាម្ដាយ សេចក្ដីស្រឡាញ់គឺបញ្ជាក់ឱ្យឃើញនៅត្រង់ថា យើងអនុញ្ញាតឱ្យកូនៗចាប់យកអាជីពណាមួយ ដែលគេចង់ធ្វើ។</span></p>
<p><span style="color: #000000;">នៅពេលស្នាមរលាករបស់អ្នកស្រី កាន់តែមានសភាពធ្ងន់ធ្ងរ អ្នកស្រីត្រូវបានផ្ទេរទៅមន្ទីរពេទ្យឯកទេសព្យាបាលរលាក Chelsea និង Westminster ដើម្បីទទួលការព្យាបាលឱ្យបានប្រសើរ។ ស្នាមរលាករបស់អ្នកស្រី បានធូរស្បើយបន្ដិចម្ដងៗ ហើយអ្នកស្រីអាចត្រឡប់ទៅធ្វើការងារវិញ ប៉ុន្ដែបើតាមការយល់ឃើញ អ្នកស្រីធ្លាក់ទំនុកចិត្ដចំពោះអ្នកជំងឺ ហើយមានការប្រុងប្រយ័ត្នកាន់តែខ្លាំង ពេលនៅក្បែរអ្នកជំងឺ ៕ </span></p>
<p><span style="color: #000000;"><a class="c_tab" href="http://facelinecambodia.com/" target="_blank"><img src="/FileManager/Articles/mce/2018/8/31/faceline-31-08-2018--11-10-07.png" alt="" /></a> </span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ weboff</span></p>