<p>អ្នកជំនាញការផ្នែកយោធាអាមេរិក បានប្រកាសថា ក្រុមភេរវជននៃរដ្ឋអ៊ីស្លាម (IS) អាចកំពុងតែ<br />ពិចារណាទៅលើការប្រើមេរោគ Ebola ធ្វើជាអាវុធអត្តឃាត ដើម្បីប្រឆាំងក្រុមបច្ចឹមប្រទេស។</p>
<p style="text-align: center;"><a class="thickbox" title="" href="/FileManager/Commons/2014/10/11/is6-11-10-2014--16-42-04.jpg"><img src="/FileManager/Articles/mce/2014/10/11/is6-11-10-2014--16-42-04.jpg" alt="" /></a></p>
<p>បច្ចុប្បន្ន Ebola កំពុងតែរាតត្បាត ដោយឆ្លងទៅអ្នកដទៃដែលបានប៉ះបាល់អ្នកជម្ងឺ ហើយវាក៏<br />មិនមានអ្វីលំបាក នៅពេលក្រុមសកម្មប្រយុទ្ធ IS ចង់ឆ្លងមេរោគនេះមកខ្លួន រួចធ្វើដំណើរ ទៅបណ្ដាប្រទេសដែលពួកគេចាត់ទុកថាជាសត្រូវ ដើម្បីចម្លងវាទៅកាន់ពលរដ្ឋនានា។</p>
<p>កាពីតែន Al Shimkus ដែលជាសាស្ដ្រាចារ្យផ្នែកសន្តិសុខជាតិ នៅសកលវិទ្យាល័យសង្គ្រាមនៃ<br />កងទ័ពជើងទឹកអាមេរិក ប្រកាសថា បញ្ហាចម្លងមេរោគខាងលើនេះ អាចនឹងកើតឡើងនៅទូទាំង<br />សកលលោក។ ទស្សនាវដ្ដី Forbes ដកស្រង់សម្ដីរបស់ កាពីតែន Al Shimkus ៖ “មនុស្សម្នាក់<br />ដែលបានឆ្លង វីរូស Ebola នឹងក្លាយជាមនុស្សមានជម្ងឺនេះ។ នៅក្នុងសកម្មភាពភេរវកម្មដូចសព្វ<br />ថ្ងៃ គឺវាមិនមានអ្វីជាប្រការស្មុគស្មាញ ដើម្បីឈានទៅដល់ជំហានបន្ទាប់ នោះគឺការប្រើប្រាស់<br />អ្នកមានផ្ទុកមេរោគ Ebola ដើម្បីដើរចម្លងអ្នកដទៃ”។</p>
<p style="text-align: center;"><a class="thickbox" title="" href="/FileManager/Commons/2014/10/11/is7-11-10-2014--16-52-42.png"><img src="/FileManager/Articles/mce/2014/10/11/is7-11-10-2014--16-52-42.png" alt="" /></a></p>
<p style="text-align: center;">ការកើត និងការឆ្លងរបស់មេរោគ Ebola<br /><br /></p>
<p>សាស្ដ្រាចារ្យ Anthony Glees អគ្គនាយកនៃមជ្ឈមណ្ឌលស្រាវជ្រាវសន្តិសុខ និងស៊ើបការណ៍<br />របស់សកលវិទ្យាល័យ Buckingham នៃប្រទេសអង់គ្លេស ក៏យល់ស្របទៅនឹងការយល់ឃើញ<br />ខាងលើ។ សាស្ដ្រាចារ្យ Anthony Glees ថ្លែងថា ៖ “នេះគឺជាទ្រីស្ដីដ៏សមហេតុផលមួយ។ ក្រុម<br />សកម្មប្រយុទ្ធ IS តែងជឿជាក់ទៅលើការធ្វើអត្តឃាត ពួកគេនឹងចម្លងមេរោគនេះ មកខ្លួន ហើយ<br />ប្រើប្រាស់វាដូចជាអាវុធ។ នេះគឺជាវិធីមួយដែលមានសង្ឃឹម សម្រាប់បេសកកម្មធ្វើអត្តឃាត។<br /> ពួកវាមានភាពឃោរឃៅគ្រប់គ្រាន់ និងក្ដាប់បានព័ត៌មាន ដើម្បីពិចារណាទៅលើការប្រើប្រាស់<br />វិធីនេះ”។</p>
<p style="text-align: center;"><a class="thickbox" title="" href="/FileManager/Commons/2014/10/11/is2-11-10-2014--16-42-53.jpg"><img src="/FileManager/Articles/mce/2014/10/11/is2-11-10-2014--16-42-53.jpg" alt="" /></a></p>
<p style="text-align: center;">មេរោគ Ebola កំពុងតែរាតត្បាតយ៉ាងខ្លាំងក្លា នៅបណ្ដាប្រទេសអាហ្វ្រិកខាងលិច</p>
<p><br />ក៏ប៉ុន្ដែ Jennifer Cole ប្រធានគណកម្មការស្រាវជ្រាវជាន់ខ្ពស់នៃទីភ្នាក់ងារប្រឹក្សាឯករាជអំពីបញ្ហា<br />សន្ដិសុខ ការពារជាតិ និងអន្តរជាតិ RUSI របស់អង់គ្លេស សង្កត់ធ្ងន់ថា បច្ចុប្បន្ន មិនមែនជាវេលា<br />ល្អបំផុត សម្រាប់ដំណាក់កាលធ្វើភេរវកម្មជាយុទ្ធសាស្ដ្រខាងលើនោះទេ៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ express<br /><br /></p>