<p><span style="color: #000000;">ព័ត៌មានអន្តរជាតិ ៖ មន្រ្តីប៉ូលីសក្នុងស្រុក គូសបញ្ជាក់អោយដឹងថា យ៉ាងហោចណាស់សិស្សវិទ្យាល័យ ពីរនាក់ បានស្លាប់បាត់បង់ជីវិត ខណៈ ៤ នាក់ផ្សេងទៀត បានរងរបួសធ្ងន់ ស្រាល ក្រោយពីមានករណី ផ្ទុះអាវុធ ដោយមាន ជា ការបាញ់បោះ គ្រាប់ពិត វេលា ព្រឹក ថ្ងៃសុក្រ ម្សិលមិញនេះ ក្នុងវិទ្យាល័យ Marysville Pilchuck High School ភាគខាងជើង ក្រុង Seattle រដ្ឋ Washington សហរដ្ឋអាមេរិក ។ </span></p>
<p><span style="color: #000000;"><a class="thickbox" title="" href="/FileManager/Commons/2014/10/25/09-25-10-2014--09-21-32.jpg"><img src="/FileManager/Articles/mce/2014/10/25/09-25-10-2014--09-21-32.jpg" alt="" /></a><br /></span></p>
<p><span style="color: #000000;">គួរបញ្ជាក់ថា ក្រោយពីកើតហេតុភ្លាមៗ អាជ្ញាធរប្រចាំតំបន់ អះអាងអោយ ដឹង ថា ខ្មាន់កាំភ្លើងដែលជា សិស្សសាលាម្នាក់ មកពីក្រុង Marysville ភាគខាងជើង ឆៀងខាងលិច រដ្ឋ Washington បានស្លាប់បាត់ បង់ជីវិត ដោយសារតែការរាកៃ កាំភ្លើងបាញ់ខ្លួនឯង អំឡុងពេលដែល បើ កការវាយប្រហារបាញ់គ្រាប់ ពិតទៅលើក្រុមសិស្ស ៥ នាក់ ដែលបានមានវត្តមាន នៅឯអាហារដ្ឋាន វិទ្យាល័យ ។សេចក្តីរាយការណ៍ អោយដឹងថា ជនរងគ្រោះ ជាសិស្ស ៤ នាក់ ត្រូវបានបញ្ជូនទៅកាន់មន្ទីរពេទ្យ ភ្លាមៗ ខណៈ ៣នាក់ រង របួសធ្ងន់ ។</span></p>
<p><span style="color: #000000;"><a class="thickbox" title="" href="/FileManager/Commons/2014/10/25/8-25-10-2014--09-21-41.jpg"><img src="/FileManager/Articles/mce/2014/10/25/8-25-10-2014--09-21-41.jpg" alt="" /></a><br /></span></p>
<p><span style="color: #000000;">ហេតុការណ៍ គ្រោះថ្នាក់ មានជាការបាញ់បោះខាងលើនេះ បានកើតឡើង វេលាម៉ោង ១០ និង ៤៥នាទី ម៉ោងក្នុងស្រុក ។ ខ្សែ អាថ៍វីដេអូ ថតបានដោយកាម៉េរ៉ាសុវត្ថិភាព បញ្ជាក់ អោយឃើញថា ក្រុមមន្រ្តីប៉ូ លីសភ្លាមៗនោះ បានហែហមសិស្សអោយមានការគេចខ្លួនចេញពីកន្លែងកើេតហេតុ ។ </span></p>
<p><span style="color: #000000;">គួររំឭកថា វិទ្យាល័យមួយនេះ មានសិស្សសរុបដល់ទៅ ២,៥០០ នាក់ ។ យ៉ាង ណាមិញ គេហទំព័រផ្លូវ ការរបស់វិទ្យាល័យ បានបង្ហោះផ្សាយជាសារ គូសបញ្ជាក់អោយដឹង រាល់ សិស្សានុសិស្សទាំងអស់ត្រូវ បានជម្លៀសខ្លួន ទៅកាន់វិហារសហគមន៍ នៅក្នុងតំបន់ ដោយ នៅ ក្នុងនោះ រថយន្តប៊ើស នឹងទៅយក ពួកគេ ជាការជូនដំណើរត្រលប់ទៅផ្ទះរៀងៗខ្លួន ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ស៊ិនហួរ</span></p>