<div class="article-content">
<p>ភ្នំពេញ ៖ ជនសង្ស័យចំនួនពីរនាក់ ប្រដាប់ ដោយកាំភ្លើងខ្លី និងជិះម៉ូតូម៉ាកសេ១២៥ មួយគ្រឿង<br /> បានចូលទៅធ្វើសកម្មភាពភ្ជង់ និង ប្លន់យកលុយ ព្រមទាំងគ្រឿង អលង្កា មួយចំនួន នៅហាង<br />លក់ទូរស័ព្ទដៃយីហោ ស៊ីន ស៊ាងអូន ដែលមានទីតាំងស្ថិតនៅផ្ទះ លេខ ជ៣១ ផ្លូវលេខ៩០០ <br />សង្កាត់ស្រះចក ខណ្ឌដូនពេញ ជាប់ព្រំប្រទល់សង្កាត់ទួល សង្កែ ខណ្ឌឫស្សីកែវ ដោយប្លន់យក<br />លុយកាក់ និង គ្រឿងអលង្កាមួយចំនួន ហើយគេចខ្លួនបាត់ ដោយសុវត្ថិភាព ។</p>
<p>យោងតាមសេចក្ដីរាយការណ៍ពីកន្លែង កើតហេតុបានឱ្យដឹងថា នៅវេលាម៉ោង២ រសៀលថ្ងៃទី<br />១២ ខែកក្កដា ឆ្នាំ២០១៣នេះ មានជនសង្ស័យពីរនាក់ ពាក់មួកសុវត្ថិភាព និង ពាក់ម៉ាស់ជិត ជិះ<br />ម៉ូតូម៉ាកសេ១២៥ ពណ៌ ខ្មៅមួយគ្រឿង មិនចាំស្លាកលេខ ប្រដាប់ ដោយកាំភ្លើងខ្លី បានជិះទៅ<br />ដល់មុខហាងហើយឈប់ម៉ូតូរួចពួកវាទាំងពីរនាក់បានចូលទៅធ្វើសកម្មភាពភ្ជង់ដែលមានម្ចាស់<br />ហាង ឈ្មោះលាង គឹមស្រាង អាយុ៥០ឆ្នាំ ប្លន់យក លុយ និង គ្រឿងអលង្កា មួយចំនួនគេចខ្លួន<br />បាត់ ដោយសុវត្ថិភាព ។<br />យ៉ាងណាក៏ដោយ ចំនួនទ្រព្យសម្បត្ដិនិង គ្រឿងអលង្កា ដែលត្រូវជនសង្ស័យទាំងពីរ ធ្វើសកម្ម<br />ភាពប្លន់យកទៅនោះ មិនទាន់ដឹង ថា អស់ចំនួនប៉ុន្មានឡើយ ហើយមជ្ឈមណ្ឌល ព័ត៌មានដើម<br />អម្ពិលបានទាក់ទងតាមទូរស័ព្ទ ដែលនៅលើស្លាកយីហោ ក៏មិនអាចទាក់ទង បានដែរ ។</p>
<p>ក្រោយពីមានករណីប្លន់ខាងលើនេះ ស្នងការនគរបាលរាជធានីភ្នំពេញលោកឧត្ដម សេនីយ៍ជួន<br /> សុវណ្ណ បានដឹកនាំកម្លាំងនគរ បាលជំនាញ ផ្នែកព្រហ្មទណ្ឌ ដោយមានការ ចូលរួមពីកម្លាំង<br />នគរបាលមូលដ្ឋាន បានចុះ ទៅធ្វើកំណត់ហេតុ និងសាកសួរព័ត៌មាន ម្ចាសហាង ដែលជាជន<br />រងគ្រោះ ដើម្បីកំណត់ មុខសញ្ញាជនសង្ស័យទាំងពីរនាក់នេះ ។</p>
<p>ជុំវិញករណីប្លន់ខាងលើនេះ ស្នងការរង នគរបាល និងជាប្រធានការិយាល័យកណ្ដាលយុត្ដិធម៌<br />រាជធានីភ្នំពេញលោកជួន ណារិន្ទ បានថ្លែងតាមទូរស័ព្ទថានៅពេលនេះកម្លាំងនគរបាលជំនាញ<br />របស់លោក ដោយមានការ បញ្ជាពីលោកស្នងការ បាននឹងកំពុងធ្វើការ ស្រាវជ្រាវ តាមរយៈការ<br />ពិនិត្យមើលរូបភាព នៅក្នុងកាម៉េរ៉ាសុវត្ថិភាពរបស់ម្ចាស់ហាង ដែលបានឃើញជនសង្ស័យទាំង<br />ពីរនាក់នៅ ក្នុងកាម៉េរ៉ានោះ ពេលដែលកំពុងចូលធ្វើ សកម្មភាព ។</p>
<p>សូមបញ្ជាក់ថា ហាងលក់ទូរស័ព្ទខាងលើ នេះ ជាកន្លែងដូរលុយ និងផ្ទេរប្រាក់ផងដែរ ដែលជា<br />ហាងធំមួយ នៅតាមបណ្ដោយផ្លូវ លេខ៩០០ ក្នុងសង្កាត់ស្រះចក ។<br />យ៉ាងណាក៏ដោយ សកម្មភាពប្លន់ប្រដាប់អាវុធនេះមិនបណ្ដាលឱ្យម្ចាស់ហាងរងរបួសដល់អាយុ<br />ជីវិតនោះទេ ៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0558.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0559.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0560.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0561.jpg" alt="" width="500" /></p>
<p style="text-align: right;">ដោយ៖ ដើមអម្ពិល<br />ផ្តល់សិទ្ធិដោយ៖ ដើមអម្ពិល</p>
</div>