<p>មិនគួរអោយជឿ ៖ យោងតាមទីភ្នាក់ងារសារព័ត៌មានបរទេស ដឹមីរ័រ ដែលទើបតែបានចេញ<br />ផ្សាយអត្ថបទរបស់ខ្លួន កាលពីវេលាល្ងាចម្សិលមិញនេះ អោយដឹងថា ស្រ្តីជាម្តាយម្នាក់<br />ដែលត្រូវបានក្រុមវេជ្ជបណ្ឌិត បានអះអាងថាស្លាប់បាត់បង់ជីវិតនោះ បែរជាបើកភ្នែក និង<br />ដឹងខ្លួនមួយរំពេច អំឡុងពេលដែលក្រុមវេជ្ជបណ្ឌិត បានធ្វើការវះកាត់យកសរីរាង្គរបស់<br />គាត់ចេញ ទុកដើម្បីធ្វើការបរិច្ចាក។</p>
<p>គួរបញ្ជាក់ផងដែរថា ស្រ្តីជាម្តាយរូបនោះ មានឈ្មោះ Colleen Burns វ័យ ៤១ ឆ្នាំ ត្រូវបាន<br />ក្រុមវេជ្ជបណ្ឌិតមកពីមន្ទីរពេទ្យ St Joseph’s hospital ទីក្រុងញ៉ូវយ៉ក បានអះអាងថា<br />ស្លាប់បាត់បង់ជីវិតកាលពីពេលកន្លងទៅ ដោយសារតែបានប្រើសារធាតុញៀនហួសកំរិត<br />ខ្លាំងពេក។</p>
<p><a class="thickbox" title="" href="http://camnews.com.kh/FileManager/Commons/2013/7/10/surgeons-about-to-perform-an-operation-2041075-10-07-2013--10-29-00.jpg"><img src="http://camnews.com.kh/FileManager/Articles/mce/2013/7/10/surgeons-about-to-perform-an-operation-2041075-10-07-2013--10-29-00.jpg" alt="" width="438" height="290" /></a></p>
<p>យ៉ាងណាមិញ បន្ទាប់ពីទទួលបានព័ត៌មានថា លោកស្រី Colleen បានស្លាប់បាត់បង់ជីវិត<br />ហើយនោះ សមាជិកដែលជាក្រុមគ្រួសារលោកស្រីពិតជាមានទុក្ខក្រៀមក្រំជាខ្លាំង ខណៈ<br />ពេលដែលក្រោយមក ពួកគេក៏បានសម្រេចចិត្ត អនុញ្ញាតអោយក្រុមវេជ្ជបណ្ឌិតធ្វើការវះ<br />កាត់យកសរីរាង្គ ដើម្បីទុកធ្វើការបរិច្ចាក។</p>
<p>ផ្ទុយទៅវិញ អំឡុងពេលនៃការវះកាត់យកចេញ នូវសរីរាង្គរបស់លោកស្រី ស្រាប់តែមួយ<br />រំពេចនោះ គាត់ក៏បានដឹងខ្លួនទៅវិញ ។ ជាការពិត គាត់មិនបានស្លាប់បាត់បង់ជីវិតនោះ<br />ទេ ពោលគឺ គ្រាន់តែ ភ្លឹក តែប៉ុណ្ណោះ "coma " ក៏ដោយសារតែមានការធ្វេសប្រហែស<br />ពីសំណាក់ក្រុមវេជ្ជបណ្ឌិត ដោយមិនបានធ្វើការវិភាគអោយច្បាស់លាស់ ថាតើប្រព័ន្ធខួរ<br />ក្បាលរបស់លោកស្រី ពិតជាលែងដំណើរការយ៉ាងពិតប្រាកដ ឬក៏យ៉ាងណា?</p>
<p>ដោយឡែក បន្ទាប់ពីបានកើតមានឡើងនូវករណីមួយនេះហើយនោះមន្ទីរពេទ្យ St Joseph<br />hospital ត្រូវបានចោទប្តឹង និងពិន័យជាសាច់ប្រាក់ ៤,០០០ ផោន ៕</p>
<p style="text-align: right;">ដោយ ៖ ពិសី<br />ប្រភព ៖ ដឹមីរ័រ</p>
<p> </p>