<div class="article-content">
<p><strong>ព្រះសីហនុ៖</strong> កម្មករសំណង់ប្រមាណ ១២០នាក់ បាននាំគ្នាតវ៉ាទាមទារ បើកប្រាក់ខែចំនួនជាង <br />៣៧.៥៩៤,៣៨ ដុល្លារ ពីម្ចាស់បុរីគុជអាស៊ី ម៉ោង ១២ និង៣០នាទីថ្ងៃទី២០ ខែសីហា ឆ្នាំ២០១៣<br /> នៅក្នុងបុរីគុជអាស៊ី ក្នុងក្រុម ៨ ភូមិ១ សង្កាត់លេខ៣ ក្រុង-ខេត្តព្រះសីហនុ។</p>
<p>ក្រោយការជួបជុំតវ៉ា របស់ក្រុមកម្មករ គេឃើញកម្លាំងនគរបាល នៃអធិការដ្ឋាននគរបាលក្រុង<br />ព្រះសីហនុ ចុះទី សម្រួលសម្រួល និង នាំខ្លួនមេការ និងតំណាងកម្មករជិត ១០នាក់ ទៅដោះ<br />ស្រាយនៅអធិការដ្ឋាននគរបាលក្រុង ជៀសវាងការបាត់បង់សណ្តាប់ធ្នាប់ និងអំពើហឹង្សាកើត<br />ឡើង។</p>
<p>ខណៈកំពុងដោះស្រាយ នៅអធិការដ្ឋាននគរបាលក្រុងព្រះសីហនុ លោក ភេន សុខុម អាយុ <br />៣១ឆ្នាំ អ្នកគ្រប់គ្រង និង ជាគណនេយ្យករ ឲ្យក្រុមហ៊ុនសំណង់ សុខ សម្បត្តិ ទទួលម៉ៅការ<br />សំណង់ឲ្យបុរីគុជអាស៊ី បានប្រាប់អ្នកយកព័ត៌មានមជ្ឈមណ្ឌលដើមអម្ពិលប្រចាំខេត្តព្រះសីហនុ <br />ឱ្យដឹងថា ក្រុមហ៊ុនសុខសម្បត្តិ បានទទួលម៉ៅការសំណង់ពី ម្ចាស់គម្រោងបុរីគុជអាស៊ីហើយ<br />បានម៉ៅការបន្តឱ្យមេការជាជនជាតិវៀតណាមម្នាក់ ជាអ្នកសាងសង់បន្ត។</p>
<p>លោកបន្តថា បន្ទាប់មក មេការវៀតណាមម្នាក់នេះ ក៏បានម៉ៅការបន្តរឱ្យមេការវៀតណាមម្នាក់<br />ផ្សេងទៀត ដោយ ក្រុមហ៊ុនរបស់លោកបានទទួលប្រាក់ពីបុរីគុជអាស៊ី ហើយក៏បានបើកប្រាក់<br />នោះទៅឲ្យមេការទី១ ប៉ុន្តែប្រាក់នោះមេការទី១ មិនបានបើកទៅឱ្យមេការវៀតណាមម្នាក់ទៀត<br /> ដើម្បីបើកឱ្យកម្មករទេ ថែមទាំងគេចខ្លួនបាត់បង្កឱ្យកើត មានបញ្ហានេះតែម្តង។</p>
<p>លោក ភេន សុខុម ក៏បានបញ្ជាក់ឱ្យដឹងបន្ថែមទៀតថា កម្មករទាំង១២០នាក់នេះ សុទ្ធសឹងជា<br />កម្មករទើបចូលថ្មីៗ ចំណែកកម្មករចាស់ៗ សល់តែប៉ុន្មាននាក់ប៉ុណ្ណោះ ហើយក្រុមកម្មករទាំង<br />អស់ ទទួលម៉ៅការចាក់បេតុង និងធ្វើពុម្ភ សណ្ឋាគារ ១៨ជាន់ តែពេលនេះ ទើបតែចាក់បាន<br />ជាន់ទី២ប៉ុណ្ណោះ ក៏មានបញ្ហាតែម្តង។</p>
<p>តែទោះបីជាយ៉ាងណា លោក ភេន សុខុម បានអះអាងថា ក្រុមហ៊ុនរបស់លោក នឹងព្យាយាម<br />ចូលរួមដោះស្រាយបញ្ហាជាមួយមេការរងគ្រោះទី២ ក្នុងការរកដំណោះស្រាយមួយសមរម្យជា<br />មួយកម្មករទាំងនោះ។ តំណាងកម្មករ ម្នាក់បានប្រាប់ឱ្យដឹងថាទឹកប្រាក់ដែលទាមទារបើកនៅ<br />ពេលនេះ មានចំនួនសរុប ៣៧.៥៩៤,៣៨ ដុល្លារអាមេរិក ដែលជាប្រាក់ថ្លៃពលកម្មការងារ<br />ចាប់ពីថ្ងៃទី០៤ ខែកក្កដា ដល់ថ្ងៃទី១៦ ខែសីហា ឆ្នាំ២០១៣។</p>
<p>ខណៈផ្ទុះការតវ៉ានោះគេសង្កេតឃើញលោកចៅសង្កាត់ កាន់ ឡឹង និងលោកអធិការក្រុងព្រះ<br />សីហនុ លោកវរសេ នីយ៍ត្រី ភុល ភស្តា ចុះទៅសម្របសម្រួលអន្តរាគមន៍ភ្លាមៗដែរ ដើម្បី<br />បញ្ចៀសការមានហិង្សាកើតឡើងដោយយ ថាហេតុ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/ST-063.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/ST-064.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/ST-065.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/ST-066.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/ST-067.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/ST-068.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/ST-069.jpg" alt="" width="550" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>
<div class="ja-content-bottom clearfix">
<div style="text-align: center;"><a href="http://www.cambodiapost.com.kh" target="_blank"><img style="border: 0pt none; position: absolute;" src="http://111.92.240.170:81/dap-news/dap-advertise/@spacer.gif" alt="Cebu Pacific Air" width="555" height="100" /></a></div>
</div>
<div style="clear: both;"></div>
<div id="ja-right" class="column sidebar" style="width: 40%;">
<div class="ja-mass ja-mass-bottom clearfix">
<div id="Mod907" class="moduletable"><span class="badge"> </span></div>
</div>
</div>
<p style="text-align: left;"><span style="font-family: arial,helvetica,sans-serif;"><span style="font-size: 10pt;"><br /></span></span></p>