<p><strong>ញ៉ូវដែលី៖</strong> ស្ត្រីម្នាក់ត្រូវបាន វេជ្ជបណ្ឌិត វះកាត់យក គ្រោងឆ្អឹងទារកចេញ បន្ទាប់ពីបានស្ថិតនៅ ក្នុង ផ្ទៃស្ត្រី ម្នាក់ អស់រយៈពេល ៣៦ ឆ្នាំ ដែលនេះត្រូវបានគេចាត់ទុកថា ជាការមានផ្ទៃពោះ ដ៏វែងជាងគេ បំផុត លើ ពិភពលោក។ នេះបើយោង តាម សេចក្តីរាយការណ៍របស់ ភ្នាក់ងារសារព័ត៌មាន News 24 ចេញផ្សាយ កាលពីថ្ងៃអង្គារ ទី២៦ ខែសីហា។</p>
<p>ស្ត្រីជាម្តាយវ័យ ៦០ឆ្នាំ បាន ចាប់មានផ្ទៃពោះ តាំងពីអាយុ ២៤ឆ្នាំ ត្រូវរងការឈឺចាប់ ដោយការរំលូត កូន ដោយ សារទារក នេះ បានលូតលាស់ក្រៅស្បូន។ នេះបើយោងតាមការលើកឡើង របស់លោក វេជ្ជបណ្ឌិត ម្នាក់ប្រាប់ AFP ។</p>
<p>ស្ត្រីរស់នៅក្នុងគ្រួសារក្រីក្រ ម្នាក់ នេះ មកពីតំបន់ដាច់ស្រយាល នៃប្រទេសឥណ្ឌា មានការភ័យ ខ្លាច យ៉ាង ខ្លាំង ទាក់ទង នឹង ការវះកាត់យកគ្រោងឆ្អឹងនៃទារកចេញ។ សូមជំរាបថា ក្រុមវេជ្ជបណ្ឌិត មក ប្រចាំទីក្រុង Nagpur បានវះកាត់យកគ្រោងឆ្អឹង ដែលស្ថិតនៅចន្លោះរវាងស្បូន ពោះវៀន និង ប្លោក នោម របស់ស្ត្រីជា ម្តាយវ័យចំណាស់ម្នាក់នេះប្រកបដោយជោគជ័យ៕</p>
<p><a class="thickbox" title="" href="/FileManager/Commons/2014/8/27/st-122-27-08-2014--09-32-31.jpg"><img src="/FileManager/Articles/mce/2014/8/27/st-122-27-08-2014--09-32-31.jpg" alt="" width="491" height="605" /></a></p>
<p style="text-align: right;"><a href="http://www.dap-news.com/2011-06-14-02-40-26/93769-2014-08-27-02-05-40.html" target="_blank">ផ្តល់សិទ្ធដោយ ៖ ដើមអម្ពិល</a></p>