<p><span style="color: #000000;"><strong>(ភ្នំពេញ)៖</strong> យោងតាមរបាយការណ៍ របស់ក្រសួងធនធានទឹក និងឧតុនិយម បានបង្ហាញឲ្យឃើញថា នៅថ្ងៃទី០៥ ខែឧសភា ឆ្នាំ២០១៦ មានខេត្ត-រាជធានី ចំនួន២៣ ក្នុងចំនោម២៥ ខេត្ត-រាជធានី នៅទូទាំងប្រទេសកម្ពុជា មានភ្លៀងធ្លាក់ ខណៈ២ខេត្តទៀត គ្មានភ្លៀងធ្លាក់។ ខេត្ត២នោះ គឺខេត្ត រតនគិរី និងឧត្តរមានជ័យ។</span></p>
<p><span style="color: #000000;">ខេត្ត-រាជធានី ដែលមានភ្លៀងធ្លាក់ កាលពីថ្ងៃទី០៥ ខែឧសភា ឆ្នាំ២០១៦ រួមមាន ខេត្តពោធិ៍សាត់ បាត់ដំបង ប៉ៃលិន បន្ទាយមានជ័យ សៀមរាប កំពង់ធំ ព្រះវិហារ កំពង់ស្ពឺ តាកែវ កំពត កែប កោះកុង ស្វាយរៀង ក្រចេះ ស្ទឹងត្រែង មណ្ឌលគីរី និង រាជធានីភ្នំពេញ កណ្តាល កំពង់ឆ្នាំង ព្រៃវែង ព្រះសីហនុ កំពង់ចាម និងត្បួងឃ្មុំ។</span></p>
<p><span style="color: #000000;">គួរបញ្ជាក់ថា កាលពីពេលថ្មីៗនេះ ក្រសួងធនធានទឹកនិងឧតុនិយម បានព្យាករណ៍អាកាសធាតុ ចាប់ពីថ្ងៃទី៣ ដល់ថ្ងៃទី១១ ខែឧសភា ឆ្នាំ២០១៦ ក្នុងរយៈពេល៩ថ្ងៃនេះ កម្ពុជា មានសីតុណ្ហភាព ចាប់ពី៣៤ដល់៤០អង្សាសេ និងតាមខេត្តរាជធានី មានភ្លៀងធ្លាក់ផងដែរ។ ជាមួយគ្នានេះ ក្រសួងធនធានទឹកក៏បានអំពាវនាវ ឲ្យប្រជាពលរដ្ឋប្រុងប្រយ័ត្នចំពោះបាតុភូផ្គរ រន្ទះ និងខ្យល់កន្ត្រាក់ ដែលអាចនឹងកើតមាន ឡើង ក្នុងអំឡុងពេលចាប់ពីថ្ងៃទី៤ ដល់១១ ខែឧសភា ឆ្នាំ២០១៦៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/6/dsafgds-06-05-2016--16-27-51.png"><img src="/FileManager/Articles/mce/2016/5/6/dsafgds-06-05-2016--16-27-51.png" alt="" /></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>