<div class="summary">
<p>Pegatron នឹងត្រូវប្រឈមមុខ ក្នុងការត្រួតពិនិត្យ និងស៊ើបអង្កេត ទៅលើបញ្ហាលក្ខខណ្ឌការងារ ពលកម្ម បន្ទាប់ពីមានករណី ស្លាប់កម្មករ ៥នាក់ នៅរោងចក្រ ផលិតស្មាតហ្វូន iPhone 5C ។</p>
</div>
<div class="content">
<p>គេហទំព័រ China Labor Watch បានឲ្យដឹងថា, Pegatron បានទទួលបរាជ័យ ក្នុងការស្រាយបញ្ជាក់ បំភ្លឺពីការស្លាប់របស់ កម្មករវ័យក្មេង ៥នាក់ ដែលបានធ្វើការនៅរោងចក្រមួយ ផលិត iPhone 5C ក្នុង នោះអ្នកស្លាប់ម្នាក់ ត្រូវបានរកឃើញថា មានអាយុទើបតែ ១៥ឆ្នាំ ប៉ុណ្ណោះ។</p>
<p>Pegatron បានបញ្ជាក់ថា បរិស្ថានការងារ មិនមែនជាមូលហេតុ បណ្តាលឲ្យកម្មករទាំងនោះ ស្លាប់ នោះទេ។ ជាក់ស្តែង រោងចក្រផលិត Hardware មកពីតៃវ៉ាន់មួយនេះ បានទទួលស្គាល់ថា ព័ត៌មាន ស្តីពី "កម្មករវ័យក្មេងៗ មួយចំនួន ផ្សេងទៀត នៅរោងចក្រ ក៏បានស្លាប់ ក្នុងរយះពេល ពីរបីខែកន្លង មកនេះ" គឺមានពិតមែន។</p>
<p><a class="thickbox" title="" href="/FileManager/Commons/2013/12/12/childlabor-12-12-2013--10-14-14.jpg"><img src="/FileManager/Articles/mce/2013/12/12/childlabor-12-12-2013--10-14-14.jpg" alt="" /></a></p>
<p>កិច្ចសន្យារវាង Apple និង Pegatron បានសរសេរយ៉ាងច្បាស់ពីរយះពេលធ្វើការ គឺមិនត្រូវលើសពី ៦០ម៉ោង/សប្តាហ៍ នោះទេ។ ការត្រួតពិនិត្យមួយ កាលពីខែមិថុនា បានឲ្យដឹងថា រយះពេលធ្វើការ ជាមធ្យមរបស់កម្មករ ដែលផលិតផលិតផលរបស់ Apple គឺ ៤៦ម៉ោង។</p>
<p>Shi Zhaokun ដែលជាជនរងគ្រោះម្នាក់ ក្នុងចំណោម ជនរងគ្រោះ ៥នាក់ ដែលបានជួបវាសនា អាក្រក់នេះ បានប្រើប្រាស់ឯកសារក្លែងក្លាយ ដើម្បីបន្លំដាក់ ឲ្យគ្រប់អាយុពលកម្ម ហើយបានធ្វើ ការនៅរោងចក្ររបស់ Pegatron។ ក្មេងប្រុសនេះ ត្រូវធ្វើការចំនួន ១២ ម៉ោង/ថ្ងៃ និង ៦ថ្ងៃ/សប្តាហ៍។ គេបានរលាកសួត និងបានស្លាប់កាលពីខែតុលា កន្លងទៅនេះ។</p>
<p>កាលពីខែកក្កដា កន្លងទៅ Pegatron ក៏ធ្លាប់ទទួលបានការចោទប្រកាន់ ស្តីពីការលាក់បាំងព័ត៌មាន កម្មករ, លក្ខខណ្ឌរស់នៅមិនល្អ, រំលោភម៉ោងកំណត់ ការងារ និងមិនបានផ្គត់ផ្គង់ឧបករណ៍ការពារ គ្រប់គ្រាន់ ដល់កម្មករឡើយ៕</p>
<p>ព័ត៌មានគួរឲ្យចាប់អារម្មណ៍ ផ្សេងទៀត៖</p>
<p><a href="/News/Detail/8926/samsung-tried-to-gag-the-user-who-use-galaxy-s4-fired"><span style="color: #0000ff;">- Samsung ព្យាយាម "បិទមាត់" អតិថិជន ដែលប្រើប្រាស់ Galaxy S4 ឆេះខូច (មានវីដេអូ)</span> </a><a href="http://www.camnews.com.kh/News/Detail/60431/iphone-5s-and-5c-growth-than-last-time-launch"><span style="color: #0000ff;"><br />- iPhone 5S និង 5C មានការលក់ចេញ កើនឡើងខ្លាំងជាង កាលទើបបង្ហាញខ្លួន</span></a><a href="http://www.camnews.com.kh/News/Detail/10789/samsung-has-sold-10-million-galaxy-note-3-for-more-than-2-months"><span style="color: #0000ff;"><br />- Samsung លក់ Galaxy Note 3 បាន ១០លានគ្រឿង ក្នុងរយះពេល ជាង២ខែ</span></a><a href="http://www.camnews.com.kh/News/Detail/39726/samsung-launches-galaxy-s4-version-of-crystal"><span style="color: #0000ff;"><br /></span></a></p>
<p style="text-align: right;">ប្រែសម្រួល៖ សិលា<br />ប្រភព៖ zing</p>
</div>