<p><strong>-សង្ស័យក្នុងក្លឹប មានក្មេងស្ទាវប្រើ ប្រាស់គ្រឿងញៀន</strong></p>
<p><strong>ភ្នំពេញ៖ </strong>សន្ដិសុខ ដែលយាមប្រចាំការ នៅក្លឹបឌីស្គូពេលរាត្រី យីហោ “អារីណា” បានរងការ<br />ចោទប្រកាន់ថា ចាប់ភ្ញៀវវាយ បណ្ដាលឱ្យបែកភ្នែក រងរបួសធ្ងន់គ្រាន់តែ រាំបន្ដិចបន្ដួច នៅតាម<br />ផ្លូវចូលទៅកាន់ក្នុងក្លឹប ។</p>
<p>ហេតុការណ៍សន្ដិសុខ ក្លឹបរាត្រីដែល សម្បូរទៅដោយរឿងអាស្រូវ ស្ដីពីក្មេងស្ទាវ វាយគ្នា និង<br />កាប់ចាក់គ្នាវាយមកលើភ្ញៀវ ដែលចូលរាំលេងកំសាន្ដនោះ បានកើតឡើង កាលពីយប់ថ្ងៃទី១០<br /> ខែមិថុនា ឆ្នាំ២០១៣ ស្ថិតនៅទីតាំងក្លឹបនេះតែម្ដង នៅសង្កាត់ ផ្សារដើមថ្កូវ ខណ្ឌចំការមន ។</p>
<p>ជនរងគ្រោះដែលរងការវាយប្រហារ ដោយកណ្ដាប់ដៃ ពីសំណាក់ក្រុមសន្ដិសុខ ៥ទៅ ៦នាក់ <br />របស់ក្លឹបកំសាន្ដខាងលើនេះ បានចាត់ទុកថា ទង្វើបង្កអំពើហិង្សា មិន ទទួលខុសត្រូវបែបនេះ<br /> ដោយសារតែពួក សន្ដិសុខ ដែលខ្លះមានក្រមខ័ណ្ឌមានមន្ដ្រី សមត្ថកិច្ចផងនោះ អាងអំណាច<br />ថៅកែ របស់ខ្លួន ។</p>
<p>ការវាយភ្ញៀវក៏បានកើតឡើង ជាច្រើន លើក ពីសំណាក់សន្ដិសុខក្លឹបកំសាន្ដខាងលើនេះ កាល<br />ពីពេលកន្លងទៅ ប៉ុន្ដែ សមត្ថកិច្ច មិនដែលមានចំណាត់ការ ទៅលើពួកសន្ដិ សុខនេះឡើយ ទំ<br />នងជាត្រូវរ៉ូវគ្នា ឬមួយ សមត្ថកិច្ចមូលដ្ឋាន មិនមានអំណាចគ្រប់ គ្រាន់ ក្នុងការចាត់ការរឿងនេះ<br />ទុកបណ្ដែត បណ្ដោយឱ្យក្រុមសន្ដិសុខ ប្រើអំណាចហួស ហេតុ វាយទៅលើភ្ញៀវដែលចូលរាំ<br />លេង កំសាន្ដ ។</p>
<p>យុវជនម្នាក់ អាយុជាង ២០ឆ្នាំ ដែលរង របួសបែកភ្នែកខាងស្ដាំ បាននិយាយថា កាលពីយប់ថ្ងៃ<br />ទី ១០ ខែមិថុនា ឆ្នាំ ២០១៣ ខ្លួនជាមួយមិត្ដភ័ក្ដិ ៣-៤នាក់ផ្សេងទៀត បាននាំគ្នាទៅចូលរាំលេង<br />កំសាន្ដ ក្នុងក្លឹប ឌីស្គូខាងលើនេះ ។ យុវជនរងគ្រោះបានបន្ដ ថា នៅពេលដែលពួកគេប្រុងចូល<br />រាំនៅក្នុង ក្លឹប ប៉ុន្ដែ ដោយមនុស្សច្រើនពេក ទើបរូប គេបានឈររាំនៅតាមផ្លូវ ដែលចូលពីខាង <br />មុខក្លឹប ស្របពេលដែលមានអ្នករាំផ្សេង ទៀតផងដែរ ។ពេលនោះសន្ដិសុខម្នាក់បាន មកចាប់<br />រុញ ហើយប្រាប់ថា ឱ្យចូលទៅរាំ នៅខាងក្នុង ពេលនោះយុវជនរងគ្រោះបាន ឆ្លើយថា គ្រាន់<br />តែប្រាប់បានហើយ កុំចាំបាច់ យកដៃរុញ ពីព្រោះមានគេផ្សេងទៀត ក៏ បានរាំនៅលើផ្លូវនេះ<br />ដែរ ។ គ្រាន់តែប៉ុណ្ណឹង សន្ដិសុខក្លឹបខាងលើរួមជាមួយបក្ខពួក ៤-៥ នាក់ បានចាប់ក្រៀក ហើយ<br />វាយចំលើ ផ្ទៃមុខ បណ្ដាលឱ្យបែកភ្នែកខាងស្ដាំតែម្ដង ទៅ ។ យុវជនរងគ្រោះដោយសារតែមិន <br />ចង់នាំរឿងវែងឆ្ងាយ សុខចិត្ដចាកចេញពី ក្លឹបទៅព្យាបាលមុខរបួស ដោយឡែកក្រុម សន្ដិសុខ<br />ទាំងនេះ មិនទទួលខុសត្រូវចំពោះទង្វើរបស់ខ្លួននោះទេ ដោយសារតែអាងអំណាចថៅកែ ដែល<br />មានបុណ្យស័ក្ដិ និងទ្រព្យ សម្បត្ដិនោះ ។</p>
<p>គួរបញ្ជាក់ថា ក្លឹបកំសាន្ដ “អារីណា” ត្រូវបានប្រជាពលរដ្ឋ រាយការណ៍ថា តែង តែបង្កសកម្ម<br />ភាព មិនប្រក្រតីជាច្រើន ដូច ជា ក្រុមក្មេងស្ទាវវាយកាប់ចាក់គ្នាដោយ សារតែឈ្លោះប្រកែក<br /> និងដណ្ដើមស្រីនៅ ក្នុងក្លឹប ហើយភាគច្រើនសុទ្ធតែក្រុមក្មេង ស្ទាវ ទៅចូលលេងនៅក្នុងក្លឹប<br />កំសាន្ដមួយ នេះ ។ ប្រជាពលរដ្ឋដែលរស់នៅក្បែរខាង តែងតែរអ៊ូរទាំ ចំពោះការចាក់សំឡេង<br /> ខ្លាំងៗ រំខានការរស់នៅ និងដេកពួនរបស់ ពួកគាត់ជារៀងរាល់យប់ ប៉ុន្ដែ មិនហ៊ាន ទៅប្រាប់<br />អាជ្ញាធរ និងសមត្ថកិច្ចពីព្រោះគិត ថា បើទៅប្រាប់សមត្ថកិច្ចក៏គ្មានលទ្ធផលអ្វី ដែរ ដោយសារ<br />តែពុំមានអំណាចគ្រប់គ្រាន់ ដើម្បីចាត់ការរឿងនេះបាន ។</p>
<p>ជាមួយគ្នានេះ ប្រភពព័ត៌មានមួយបាន លួចបង្ហើបប្រាប់ថា ក្រុមក្មេងស្ទាវខ្លះអាច នឹងប្រើប្រាស់<br />គ្រឿងញៀន នៅក្នុងក្លឹប កំសាន្ដនាពេលរាត្រីខាងលើនេះផងដែរ ដូច្នេះ មជ្ឈដ្ឋានមួយចំនួន <br />សូមអំពាវនាវ ទៅកាន់សមត្ថកិច្ច និងអាជ្ញាធរពាក់ព័ន្ធធ្វើ ការស៊ើបអង្កេត និងស្រាវជ្រាវតាម<br />ជំនាញ របស់ខ្លួន នៅក្នុងក្លឹបកំសាន្ដមួយនេះដែល តែងតែបង្កភាពរញ៉េរៃ្ញញ៉ និងគ្មានរបៀប<br /> រៀបរយ ។ ប្រជាពលរដ្ឋសូមអំពាវនាវឱ្យ ថ្នាក់ដឹកនាំខណ្ឌចំការមន រួមទាំងថ្នាក់ដឹក នាំរាជ<br />ធានីភ្នំពេញ ក៏ដូចជាសមត្ថកិច្ចពាក់ ព័ន្ធ គួរចាត់ការបញ្ហាមិនប្រក្រតីទាំងនេះ ដើម្បីជាការព្រ<br />មាន និងជួយរក្សាសណ្ដាប់ ធ្នាប់សង្គម ទៅតាមបណ្ដាក្លឹបផ្សេងទៀត។</p>
<p>ដោយឡែកក្រុមសន្ដិសុខ ដែលតែងតែ បង្កអំពើហិង្សា អាងអំណាច និងយសស័ក្ដិ ថៅកែ<br />របស់ខ្លួននោះ មិនត្រូវបានចាត់វិធាន ការណាមួយ ពីសំណាក់សមត្ថកិច្ចនោះទេ ហេតុដូច្នេះ<br /> បើទុកឱ្យពួកគេបន្ដធ្វើបែបនេះ ទៀត ភ្ញៀវផ្សេងទៀតអាចនឹងរងការវាយ ប្រហារពីសំណាក់<br />ពួកគេ ជាក់ជាមិនខាន ឡើយ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-065/PISETH-0211.jpg" alt="Looking Today" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0336.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>