<p><span style="color: #000000;"><strong>(ភ្នំពេញ)៖</strong> ទីបញ្ជាការដ្ឋានកងរាជអាវុធហត្ថរាជធានីភ្នំពេញ នៅព្រឹកថ្ងៃទី២២ ខែធ្នូ ឆ្នាំ២០១៥នេះ បានអំពាវនាវដល់ជនរងគ្រោះត្រូវ ចោរលួច ឬ ប្លន់ម៉ូតូនាពេលកន្លងមកយកឯកសារទៅផ្ទៀងផ្ទាត់យកម៉ូតូរបស់ខ្លួនវិញ បន្ទាប់ពីម៉ូតូចំនួន ៩គ្រឿង ត្រូវបានរឹបអូសពីក្រុម ចោរក្រោយពេលបង្រ្កាប។</span></p>
<p><span style="color: #000000;">ម៉ូតូទាំង ៩គ្រឿង ដែលកងរាជអាវុធហត្ថរាជធានីភ្នំពេញ រឹបអូសពីក្រុមចោរ និងអំពាវនាវរកម្ចាស់នេះ រួមមាន៖</span></p>
<p><span style="color: #000000;">១- ម៉ូតូម៉ាក ហុងដា សេ១២៥ ពណ៌ខ្មៅ ពាក់ស្លាកលេខ ភ្នំពេញ 1AC-3139 </span><br /><span style="color: #000000;">២- ម៉ូតូម៉ាកវេវចិន ពណ៌ក្រហម គ្មានស្លាកលេខ</span><br /><span style="color: #000000;">៣- ម៉ូតូម៉ាកវីវ៉ា ពណ៌ខ្មៅ ពាក់ស្លាកលេខ កំពង់ចាម 1AC-0155</span><br /><span style="color: #000000;">៤- ម៉ូតូម៉ាកស៊ីរ៉ូស ពណ៌ក្រហម-ស គ្មានស្លាកលេខ</span><br /><span style="color: #000000;">៥- ម៉ូតូម៉ាកស្មាស់ ពណ៌ខ្មៅ ពាក់ស្លាកលេខ ភ្នំពេញ 1AB-6693</span><br /><span style="color: #000000;">៦- ម៉ូតូម៉ាកហុងដា សេ១២៥ ចិន ពាក់ស្លាកលេខ 1AB-7860</span><br /><span style="color: #000000;">៧- ម៉ូតូម៉ាកហុងដា សេ១០០ កូរ៉េ ពណ៌ក្រហម គ្មានស្លាកលេខ</span><br /><span style="color: #000000;">៨- ម៉ូតូម៉ាកគុបជ្រុង៥០ ពណ៌ខៀវ ពាក់ស្លាកលេខ 1ម-2399 ភព1</span><br /><span style="color: #000000;">៩- ម៉ូតូម៉ាក វ៉េវអាល់ហ្វា ពណ៌ខ្មៅ គ្មានស្លាកលេខ</span></p>
<p><span style="color: #000000;">យោងតាមមន្រ្តីកងរាជអាវុធហត្ថរាជធានីភ្នំពេញ បានឲ្យដឹងថា ម៉ូតូដែលអំពាវនាវឲ្យ ប្រជាពលរដ្ឋទៅ ពិនិត្យផ្ទៀងផ្ទាត់យកត្រលប់ទៅ វិញនេះ គឺដកហូតបានពីមេខ្លោងក្រុមចោរលួចប្លន់ម្នាក់ កាលពីថ្ងៃទី២០ ខែធ្នូ ឆ្នាំ២០១៥ នៅចំណុចផ្ទះជួលបន្ទប់លេខ២៥ តាមផ្លូវលំ ក្នុងភូមិថ្មគោល សង្កាត់ចោមចៅ ខណ្ឌពោធិ៍សែនជ័យ។</span></p>
<p><span style="color: #000000;">ការឃាត់ខ្លួនមេក្លោងមួយរូបនេះ ធ្វើឡើងតាមរយៈការចង្អុលបង្ហាញរបស់បក្ខពួករបស់ចោរ ៦នាក់ ដែលអាវុធហត្ថ ខណ្ឌពោធិ៍សែន ជ័យ ឃាត់ខ្លួន និងបញ្ជូនទៅតុលាការកាលពីដើមខែធ្នូ ឆ្នាំ២០១៥។</span></p>
<p><span style="color: #000000;">តាមចំលើយសារភាពរបស់មេខ្លោងម្នាក់នេះ មានឈ្មោះថា យ៉ាន រស្មី ហៅ ណុយ អាយុ ៣៣ឆ្នាំ ធ្លាប់ជាប់ពន្ធនាគារ (ម១) ចំនួន ៦ខែ ពីបទលួចកាលពីថ្ងៃទី១១ ខែកញ្ញា ឆ្នាំ២០១៣ ហើយចេញវិញក្នុងថ្ងៃទី០៣ ខែកុម្ភៈ ឆ្នាំ២០១៤។</span></p>
<p><span style="color: #000000;">មុនពេលជាប់គុកមេខ្លោងម្នាក់នេះ មាន ឈ្មោះថា គឿន ណុយ ក្រោយពេលចេញពីគុក ក៏ប្តូរឈ្មោះមកជា យ៉ាន រស្មី ហើយប្រមែប្រ មូលបក្ខពួកទាំងចាស់ទាំងថ្មី ដើរលួច ប្លន់ គ្រប់ទីកន្លែងក្នុងរាជធានីភ្នំពេញ រីឯទ្រព្យសម្បត្តិ ដែលលួចប្លន់បាននោះ គឺមេខ្លោងម្នាក់នេះ យកមកដោះដូរ កែច្នៃ រួចទើបយកទៅលក់។ មិនត្រឹមតែប៉ុណ្ណោះ មេខ្លោងរូបនេះ ថែមទាំងទទួលទិញផលចោរកម្ម ពីក្រុមចោរលួច ឆក់ ប្លន់គ្រប់ប្រភេទ ដើម្បីយកទៅលក់បន្ត។</span></p>
<p><span style="color: #000000;">មេខ្លោងម្នាក់នេះ ត្រូវបានអាវុធហត្ថរាជធានីភ្នំពេញ បញ្ជូនទៅតុលាការនៅព្រឹកថ្ងៃទី២២ ខែធ្នូ ឆ្នាំ២០១៥នេះផងដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/22/18-22-12-2015--10-50-21.jpg"><img src="/FileManager/Articles/mce/2015/12/22/18-22-12-2015--10-50-21.jpg" alt="" /></a></span></p>
<p><a class="thickbox" title="" href="/FileManager/Commons/2015/12/22/18a-22-12-2015--10-50-30.jpg"><img src="/FileManager/Articles/mce/2015/12/22/18a-22-12-2015--10-50-30.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/12/22/18-22-12-2015--10-50-21.jpg"></a></span></p>
<p><a class="thickbox" title="" href="/FileManager/Commons/2015/12/22/18b-22-12-2015--10-50-37.jpg"><img src="/FileManager/Articles/mce/2015/12/22/18b-22-12-2015--10-50-37.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>