<p><span style="color: #000000;"><strong>(អង់គ្លេស)៖</strong> ក្រុមអ្នកវិទ្យាសាស្ត្ររបស់អង្គការសុខភាពពិភពលោក WHO បានឲ្យដឹងថា សារធាតុគីមី MBT នៅក្នុងជ័រកៅស៊ូ ដែលគេយកទៅផលិតផលិតផលនានា នោះគឺជាសារធាតុមួយដែលអាចបង្កជាជំងឺមហារីក ដ៏ធ្ងន់ធ្ងរបាន។ នេះបើតាមការផ្សាយរបស់សារព័ត៌មានអង់គ្លេស Mirror។</span></p>
<p><span style="color: #000000;">ផលិតផលដែលគ្រោះថ្នាក់នោះមានដូចជា កាវបិត, ក្បាលដោះកូនក្មេង, ស្រោមដៃជ័រ, ស្រោមអនាម័យ, និង កៅស៊ូកង ជាដើម ដែលសុទ្ធសឹងតែផ្ទុកនូវសារធាតុគីមីគ្រោះថ្នាក់ ដែលអាចបង្កជាជំងឺមហារីក។ នេះបើតាមការព្រមានដោយផ្ទាល់ពីប្រធានអង្គការ WHO។</span></p>
<p><span style="color: #000000;">នៅក្នុងកិច្ចប្រជុំក្នុងទីក្រុង លីយ៉ុង (Lyon) ប្រទេសបារាំង ក្រុមជំនាញមានគ្នា ២៤រូប មកពី ៨ប្រទេសបាន ពិភាក្សាគ្នា និង ផ្តល់អំណះអំណាងយ៉ាងក្តៅគគុកលើប្រធានបទខាងលើនេះ ហើយទីបំផុតពួកគេក៏ព្រមព្រៀងគ្នា ថាសារធាតុខាងលើនេះ ពិតជាបង្កជំងឺមហារីក ប្រាកដមែន។</span></p>
<p><span style="color: #000000;">ឧទាហរណ៍មួយក្នុងចំណោមវត្ថុប្រើប្រាស់ទាំងនោះ គឺក្បាលដោះសម្រាប់កូនក្មេងបៅ ដោយសាស្ត្រាចារ្យលោក Hans Kromhout បានប្រាប់ថា សារធាតុ MBT នោះជា ជ័រកាវ ដែលធ្វើឲ្យក្បាលបៅដោះរបស់កូនក្មេងរលោង ហើយវាពិត ជាគ្រោះថ្នាក់ណាស់ ដែលអាចផ្ទុកសារធាតុនេះ បើទោះបីជាវាជាផលិតផលសម្រេចក៏ដោយ៕</span></p>
<p style="text-align: center;"><span style="color: #000000;"><img src="http://ww2.hdnux.com/photos/40/45/30/8541753/3/920x920.jpg" alt="" width="730" /></span></p>
<p><span style="color: #000000;"><img src="http://i3.mirror.co.uk/incoming/article7452295.ece/ALTERNATES/s615b/Pacifier.jpg" alt="" width="730" /></span></p>
<p style="text-align: center;"><span style="color: #000000;"><img src="http://i3.mirror.co.uk/incoming/article7452299.ece/ALTERNATES/s615b/Rubber-Gloves.jpg" alt="" width="730" /></span></p>
<p style="text-align: center;"><span style="color: #000000;"><img src="http://i4.mirror.co.uk/incoming/article7452302.ece/ALTERNATES/s615b/Rubber-Bands.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>