<div>
<p><span style="color: #000000;"><strong>(ក្រុងឡុងដ៍)៖</strong> គ្រូបង្វឹកថ្មីលោក Jose Mourinho នឹងជួបសត្រូវចាស់លើវាលស្មៅ Pep Guardiola នៅទឹកដីនៃប្រទេសចិនពេលក្រុម Manchester United ប៉ះក្រុម Manchester City ក្នុងប្រកួតទស្សនកិច្ចទេសចរណ៍មុនរដូវកាល ថ្មីឆ្នាំ២០១៦-២០១៧ ចាប់ផ្តើម ។</span></p>
<p><span style="color: #000000;">សេចក្តីរាយការណ៍ពីសារព័ត៌មានដ៏ល្បីប្រចាំប្រទេសអង់គ្លេស Dailymail បានផ្សាយថា អតីតគ្រូបង្វឹកក្លឹបតោខៀវ Chelsea លោក Jose Mourinho បានព្រមព្រៀងចុះកិច្ចសន្យារយៈពេល៣ឆ្នាំ ដែលទទួលបានប្រាក់ឈ្នួលជិត២០លានដុល្លារក្នុង១ឆ្នាំ ក្នុងការដឹកនាំក្រុមបិសាចក្រហម Manchester United ជំនួសកៅអីគ្រូបង្វឹក Louis van Gaal ចាប់ពីរដូវកាលក្រោយទៅ ។</span></p>
<p><span style="color: #000000;">តែយ៉ាងណាក៏ដោយ គ្រូបង្វឹកវ័យ៥៣ឆ្នាំ Mourinho អាចនឹងចូលដឹកនាំ Man Utd ភ្លាមៗផងដែរ ប្រសិនប៉ុន្មានប្រកួត ទៅមុខទៀតរបស់គ្រូបង្វឹកហូឡង់ Van Gaal យ៉ាប់ខ្លាំងពេកនោះ មុនពេលដែល Mourinho ត្រូវប្រឈមមុខនឹងអតីតគ្រូក្លឹប FC Barcelona លោក Pep ពេលគាត់ដឹកនាំ Man City ទៅប្រកួតមិត្តភាពនៅទឹកដីចិន ក្នុងអំឡុងពេល Premier League បិទរដូវកាលឆ្នាំ២០១៥-២០១៦ ដែលពួកគេធ្លាប់ជួបគ្នាយ៉ាងច្រើនហើយពេល Mourinho បានដឹកនាំ Real Madrid នៅប្រទេសអេស្ប៉ាញនោះ ។</span></p>
<p><span style="color: #000000;">សូមបញ្ជាក់ដែរថា ក្រុមខ្លាំងរបស់អង់គ្លេសទាំងពីរខាងលើអាចនឹងជួបគ្នានៅចន្លោះថ្ងៃទី២៩ ឬក៏ថ្ងៃទី៣០ ខែកក្កដា ឆ្នាំ២០១៦ ក្នុងចំណោមរយៈពេល១០ថ្ងៃដែលពួកគេលេងមិត្តភាព ក៏ដូចជាប្រកួតយកពាន International Champions Cup នៅទីនោះផងដែរ ៕</span></p>
<p style="text-align: center;"><span style="color: #000000;"><img src="https://12thplayersview.files.wordpress.com/2013/07/pep-guardiola-jose-mourinho.jpg" alt="" width="730" /></span></p>
<p style="text-align: center;"><span style="color: #000000;">គ្រូបង្វឹក Jose Mourinho (ស្តាំ) និង Pep Guardiola កាលពីនៅអេស្ប៉ាញដូចគ្នា</span></p>
<p style="text-align: center;"><span style="color: #000000;"><img src="http://www.soccer-training-info.com/images/pep_mourinho.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>