<div class="article-content">
<p><strong>-នគរបាល ចរាចរ បញ្ជូនអ្នកបើករថយន្ដ ទៅតុលាការ ខណៈជនរងគ្រោះ អំពាវនាវសុំការ <br />ឧបត្ថម្ភ</strong><br /><strong> ភ្នំពេញ ៖</strong> ករណីគ្រោះថ្នាក់ ចរាចរ ដែលស្ដ្រីពោះធំ ជិតគ្រប់ខែម្នាក់ ត្រូវរថយន្ដដឹក កម្មករបុក និង<br />កិនដាច់ប្រអប់ជើង ខាងស្តាំ កាលពីព្រឹកថ្ងៃទី២៧ ខែសីហា ឆ្នាំ២០១៣ ស្ថិតនៅ មុខផ្សារសារឿន<br />យ៉ានី ផ្លូវលេខ២១៧ ភូមិតាឡី សង្កាត់ជើងឯក ខណ្ឌដង្កោ ឥឡូវ នេះ ក្រុមគ្រូពេទ្យ នៅមន្ទីរពេទ្យ<br /> មិត្ដភាព កម្ពុជា-សូវៀត ហៅពេទ្យ រុស្ស៊ី បានសម្រេច វះយកកូនក្នុងផ្ទៃ ទៅចិញ្ចឹមក្នុងកែវ ដោយ<br />សារតែ ស្ថានភាពស្ដ្រីជាម្ដាយ មានអាការៈ ធ្ងន់ធ្ងរ និងហូរឈាម ច្រើនពេក នៅពេលដាច់ ប្រអប់<br />ជើង ជាហេតុគ្មាន លទ្ធភាព គ្រប់គ្រាន់ នៅពេលកើតកូន ។</p>
<p>យោងតាម ប្រភពព័ត៌មាន បានឱ្យដឹងថា ក្រោយពីជួប គ្រោះថ្នាក់ ចរាចរ រួចមក ស្ដ្រីរងគ្រោះ ឈ្មោះ<br /> ភាព ឆវិន អាយុ២៤ឆ្នាំ ជាកម្មការិនី រោងចក្រ កាត់ដេរ ត្រូវបានប្ដី និងសាច់ ញាតិដឹក បញ្ជូនភ្លាមៗ <br />ទៅកាន់មន្ទីរពេទ្យរុស្ស៊ី ដើម្បីធ្វើការ ជួយសង្គ្រោះ ក្រោយពេលដែល ត្រូវរថយន្ដដឹក កម្មករបុក និង<br />កិនដាច់ប្រអប់ជើង ខាងស្តាំរង របួសយ៉ាងធ្ងន់ធ្ងរ ។</p>
<p>ដោយសារតែ ស្ថានភាពបែបនេះ និងក្រុមគ្រូពេទ្យ គិតថា ស្ដ្រីរងគ្រោះពុំ មានលទ្ធភាព និងកម្លាំង<br />គ្រប់គ្រាន់ ព្រោះតែហូរឈាម អស់ជាច្រើននោះ ក្រុមគ្រូពេទ្យ ក៏បានសម្រេចធ្វើការវះកាត់ យកកូន<br />ចេញពីក្នុងផ្ទៃ ប៉ុន្ដែដោយសារ មិនទាន់គ្រប់ខែ គឺត្រូវយកកូន ដែលវះទៅចិញ្ចឹមក្នុងកែវ ។</p>
<p>ដោយឡែកអ្នកបើករថយន្ដ ដឹកកម្មករនៅរសៀល ថ្ងៃទី២៨ ខែសីហា ឆ្នាំ២០១៣ នេះ ត្រូវបានកម្លាំង<br /> នគរបាល ការិយាល័យ ចរាចរណ៍ ជើងគោក រាជធានីភ្នំពេញ បញ្ជូនខ្លួនទៅ កាន់តុលាការ ចាត់ការ<br /> តាមផ្លូវច្បាប់ ខណៈដែល ស្ដ្រីរងគ្រោះ និងក្រុមគ្រួសារបាន អំពាវនាវទៅកាន់ សប្បុរសជននានា <br />មេត្ដាជួយ ឧបត្ថម្ភ ព្រោះតែពួកគេមាន ការខ្វះខាត និងជីវភាព ខ្សត់ខ្សោយ សម្រាប់ការ ចំណាយ<br />ហូបចុក និងព្យាបាលទៅ ក្នុងមន្ទីរពេទ្យនោះ ។</p>
<p>នាយរងការិយាល័យ ចរាចរណ៍ជើងគោក រាជធានីភ្នំពេញ លោក ប៉ែន ឃុន បានថ្លែង ឱ្យដឹងថា <br />នៅរសៀលថ្ងៃទី២៨ ខែសីហា ឆ្នាំ២០១៣នេះ កម្លាំងនគរបាល ចរាចរណ៍របស់ លោក ក្រោយពី<br />បានបញ្ចប់ ការសាកសួរ និងធ្វើកំណត់ហេតុ រួចរាល់នោះ បានសម្រេច បញ្ជូនឈ្មោះ យ៉ង់ ធី ភេទ<br />ប្រុស អាយុ២៩ឆ្នាំ រស់នៅភូមិខ្លាកូន ឃុំពត់ស ស្រុកបាទី ខេត្ដ តាកែវ ដែលជាអ្នកបើក រថយន្ដ <br />ម៉ាកហ៊ីយ៉ាន់ ដាយកូរ៉េ ពណ៌ខៀវ ពាក់ស្លាកលេខ ព្រះវិហារ 3A-0050 បុកស្ដ្រីពោះធំ ទៅកាន់សា<br />លាដំបូង រាជធានីភ្នំពេញ ដើម្បីផ្ដន្ទាទោស តាមផ្លូវច្បាប់ ។</p>
<p>គួរបញ្ជាក់ថា នៅវេលាម៉ោង៦និង៣០ នាទីព្រឹកថ្ងៃទី២៧ ខែសីហា ឆ្នាំ២០១៣ មានគ្រោះថ្នាក់ ចរា<br />ចរមួយ បានកើតឡើង នៅតាមបណ្ដោយ ផ្លូវលេខ២១៧ ភូមិតាឡី សង្កាត់ជើងឯក ខណ្ឌដង្កោនៅ<br />ពេលដែល រថយន្ដកូរ៉េ ហ៊ីយ៉ាន់ដាយ មួយគ្រឿង ដឹកកម្មករពេញ បានបើកបុក អ្នកជិះម៉ូតូបីនាក់<br /> បណ្ដាលឱ្យ ស្ដ្រីពោះធំ ជិតគ្រប់ខែដាច់ប្រអប់ជើងខាងស្តាំ រងរបួសយ៉ាងធ្ងន់ធ្ងរ ។</p>
<p>ប្រភពពីសាក្សី នៅកន្លែង កើតហេតុ បានឲ្យដឹងថា មុនពេលកើតហេតុ គេឃើញរថយន្ត បង្កហេតុ<br />បើកមកពីត្បូង មកដឹក កម្មករពេញ រថយន្ត លុះមកដល់កន្លែង កើតហេតុ មុខផ្សារ សារឿនយ៉ានី <br />ក៏បុកអ្នក ជិះម៉ូតូឌុបគ្នា៣នាក់ ធ្វើដំណើរស្របទិសគ្នា ពីត្បូងទៅជើងតាមផ្លូវ២១៧ បណ្តាលឲ្យស្ត្រី<br />មានផ្ទៃពោះ ជិតគ្រប់ខែម្នាក់ របួសយ៉ាងធ្ងន់ធ្ងរ ដោយរថយន្តកិន ដាច់ប្រអប់ជើង ឆ្វេង។</p>
<p>ប្រភពពី សមត្ថកិច្ចមូលដ្ឋាន និងមន្រ្តីនគរបាល ចរាចរជើងគោក បានឲ្យដឹងថា ជនរងគ្រោះមាន<br />ឈ្មោះ ភាព ឆវិន ភេទស្រី អាយុ២៤ឆ្នាំ ជាកម្មការិនី រោងចក្រកាត់ដេរ មានផ្ទៃពោះ រងរបួសធ្ងន់<br />ដាច់ ប្រអប់ជើងឆ្វេង (អង្គុយ កណ្តាល) ឈ្មោះលី ភក្តី ភេទប្រុស អាយុ២២ឆ្នាំ កម្មករសំណង់ ត្រូវ<br />ប្អូនថ្ងៃស្ត្រីរងគ្រោះ និងឈ្មោះឆេង ឆេឡា ភេទប្រុស អាយុ១៩ឆ្នាំ កម្មករសំណង់ ជាអ្នកបើកម៉ូតូ។</p>
<p>ជនរងគ្រោះ៣ នាក់ខាងលើនេះ ជិះម៉ូតូម៉ាក CUP ជ្រុងពណ៌ខៀវ ពាក់ស្លាកលេខ ភ្នំពេញ 1E-5827<br /> និងមានទីលំ នៅភូមិកោះស្នោ ឃុំព្រែកខ្នុរ ស្រុកបាទី ខេត្តតាកែវ ។ ចំណែករថយន្តបង្ក ហេតុម៉ាក<br /> HYUNDAI កូរ៉េពណ៌ ខៀវ ពាក់ស្លាក លេខព្រះវិហារ 3A-0050 បើកបរដោយ ឈ្មោះ យ៉ង់ ធី ភេទ<br />ប្រុស អាយុ ២៩ឆ្នាំ មានទីលំនៅ ភូមិខ្លាកូន ឃុំពត់ស ស្រុកបាទី ខេត្តតាកែវ។</p>
<p>សមត្ថកិច្ចបន្តថា មុនពេលកើតហេតុ រថយន្តបង្កហេតុ បើកមកពីត្បូងដឹក កម្មករពេញរថយន្ត ដាក់<br />តាមរោងចក្រ លុះមកដល់កន្លែងកើតហេតុ មុខផ្សារសារឿនយ៉ានី អ្នកបើករថយន្តមិន បានប្រយ័ត្ន<br /> ក៏បុកជនរងគ្រោះ ពីក្រោយពេញទំហឹង តែម្តងបណ្តាលឲ្យ ស្ត្រីពោះធំ នោះគាត់បាន របួសដាច់ប្រ<br />អប់ ជើងឆ្វេងគួរឲ្យរន្ធត់បំផុត។</p>
<p>ក្រោយកើតហេតុ រថយន្តបង្ក និងអ្នកបើករថយន្ត ត្រូវបានបញ្ជូនទៅ កាន់ការិយាល័យ ចរាចរជើង<br />គោក ដើម្បីចាត់ការតាមផ្លូវច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0612.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-011/Hong-0611.jpg" alt="" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/August/id-067/CH-0495.jpg" alt="Photo by DAP-NEWS" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>