<p><span style="color: #000000;">ព័ត៌មានអន្តរជាតិ ៖ យន្តហោះចម្បាំងសហរដ្ឋអាមេរិក ២ គ្រឿង ចេញ ប្រតិបត្តិការ ភ្លាមៗ ហោះទៅ អមយន្តហោះបារាំង នៃក្រុមហ៊ុនអាកាសចរណ៍ Air France សំដៅទៅ កាន់ ទីក្រុង ញ៉ូវយ៉កសហរដ្ឋ អាមេរិក ព្រោះតែជើងយន្តហោះមួយនេះ ជាគោលដៅចម្បង វាយប្រហារភារវកម្ម ពីក្រុមអនាមិក ។</span></p>
<p><span style="color: #000000;"><a class="thickbox" title="" href="/FileManager/Commons/2015/5/26/90-26-05-2015--09-48-36.jpg"><img src="/FileManager/Articles/mce/2015/5/26/90-26-05-2015--09-48-36.jpg" alt="" /></a><br /></span></p>
<p><span style="color: #000000;">មន្រ្តីផ្លូវការ អាមេរិក អោយដឹងថា ពួកគេទទួលបានទូរស័ព្ទអនាមិក មានការ គម្រាមប្រើប្រាស់អាវុធ គីមី វាយប្រហារនៅលើយន្តហោះ ។ គួរបញ្ជាក់ថា ភ្លាមៗ បន្ទាប់ពីហោះអម ដំណើរ រហូតចុះចតនៅ ឯអាកាសយានដ្ឋានអន្តរជាតិ JFK Airport យន្តហោះ Air France Flight 22 ពីទីក្រុង ប៉ារីស ប្រទេស បារាំងនោះ ត្រូវបានអាជ្ញាធរពាក់ព័ន្ធ ចុះស្រាវជ្រាវ រកអាវុធគីមីមួយរំពេច ទោះជាយ៉ាងណាក៏ដោយ ចុះ FBI បំភ្លឺអោយដឹងថា ពួកគេ ពុំបានរកឃើញ សព្វាវុធគីមីណាមួយ ឬអាវុធជាតិ ផ្ទុះណាមួយនោះ ទេ ។</span></p>
<p><span style="color: #000000;"><a class="thickbox" title="" href="/FileManager/Commons/2015/5/26/91-26-05-2015--09-48-48.jpg"><img src="/FileManager/Articles/mce/2015/5/26/91-26-05-2015--09-48-48.jpg" alt="" /></a><br /></span></p>
<p><span style="color: #000000;">បើយោងតាមលោកស្រី J Peter Donald អ្នកនាំពាក្យអោយ FBI បញ្ជាក់ក្តែងៗ អោយដឹងថា ៖ យន្ត ហោះ Air France flight ជើងហោះហើរ ២២ ត្រូវបានហោះអមដំណើរ មកកាន់អាកាសយានដ្ឋានអន្តរ ជាតិ John F Kennedy ដោយយន្តហោះចម្បាំង ២ គ្រឿង របស់ US Air Force ក្រោយ ពីទទួលបាន សារគម្រាមតាមទូរស័ព្ទ ។ ក្រោយពីចុះចត ដោយសុវត្ថិភាព យន្តហោះខាងលើ ស្ថិត នៅក្រោមការ ស៊ើបអង្កេត និងស្រាវជ្រាវភ្លាមៗ ប៉ុន្តែ គ្មានសេចក្តីរាយការណ៍ ថា បានរកឃើញ សារជាតិ គីមីណា មួយនោះទេ ។ គួរបញ្ជាក់ថា ទូរស័ព្ទអនាមិកខាងលើ បាន ហៅ គម្រាមទៅកាន់ មន្រ្តីប៉ូលីស នៅរដ្ឋ Maryland នៅម៉ោង ៦ និង ៣០ នាទី ថ្ងៃច័ន្ទ ដើមសប្តាហ៍នេះ ។ បើទោះបីជា ទូរស័ព្ទអនាមិកគម្រាម ពុំត្រូវចាត់ទុក ថាគួរអោយទុកចិត្តនោះ តែដើម្បីធានាអោយបាននូវសុខសុវត្ថិភាព យន្តហោះចម្បាំង ២ គ្រឿង ត្រូវហោះអមដំណើរ រហូតមានការចុះចត ដោយ សហការណ៍ គ្នា ជាមួយនឹងរដ្ឋាភិបាល សហរដ្ឋអាមេរិក ក៏ដូចជា កាណាដា ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី</span></p>