<p><strong>អន្តរជាតិ ៖</strong> បើយោងតាមសេចក្តីរាយការណ៍ ដែលបានចេញផ្សាយដោយទំព័រសារព័ត៌មាន<br />បរទេស chinadaily កាលពីវេលាម្សិលមិញនេះ បានបញ្ជាក់អោយដឹងថា កម្មករពីរនាក់ត្រូវបាន<br />ជូយសង្គ្រោះ ខណៈពេលដែល ១៤ នាក់ផ្សេងទៀត បានជាប់នៅក្រោមដី បន្ទាប់ពីទឹកជន់លិច<br />អណ្តូងរ៉ែមួយកន្លែង។</p>
<p><a class="thickbox" title="" href="/FileManager/Commons/2012/12/3/0023ae9885da12253aad07-03-12-2012--08-36-45.jpg"><img src="/FileManager/Articles/mce/2012/12/3/0023ae9885da12253aad07-03-12-2012--08-36-45.jpg" alt="" width="478" height="293" /></a></p>
<p>គួរបញ្ជាក់ផងដែរថា ឧបទ្ទេវហេតុទឹកជន់លិចអណ្តូងរ៉ែមួយកន្លែងនេះ បានកើតឡើងនៅឯខេត្ត<br />Heilonejiang ភាគនិរតី ប្រទេសចិន កាលពីថ្ងៃសៅរ៍ ទី០១ ខែធ្នូ វេលាម៉ោង ១១ និង៤០ នាទី<br />យប់ កម្មកររ៉ែ ២២ នាក់ កំពុងធ្វើការក្រោមដីពេលមានគ្រោះថ្នាក់នេះ ដែលកើតមានក្នុងអណ្តូង<br />រ៉ែធ្យូងថ្ម Furuixiang ក្រុង Qitaihe ស្របពេលដែល កម្មកររ៉ែ ៦ នាក់ អាចគេចផុតពីគ្រោះថ្នាក់<br /> ចំណែកកម្មកររ៉ែ ១៦ នាក់ទៀតនៅជាប់ក្រោមដី។</p>
<p>គួររំឭកផងដែរថា មកទល់នឹងពេលនេះ ការអន្តរាគមន៍ពីសំណាក់ភ្នាក់ងារមានសមត្តកិច្ចប្រចាំ<br />តំបន់ បានជូយសង្រ្គោះកម្មករបាន ២ រូបរួចមកហើយ ខណៈពេលដែល ១៤ នាក់ផ្សេងទៀត<br />កំពុងតែបន្តជាប់ក្រោមដីនៅឡើយ តែទោះជាយ៉ាងណា ការចេញប្រតិបត្តិការជូយសង្រ្គោះក៏<br />កំពុងតែបន្តមានផងដែរ៕</p>
<p style="text-align: right;">ដោយ ៖ ពិសិដ្ឋ<br />ប្រភព ៖ chinadaily</p>