<p><span style="color: #000000;"><strong>(សៀមរាប)៖</strong> ក្រុមការងារគណៈកម្មការបង្រ្កាបបទល្មើសនេសាទពេញមួយថ្ងៃទី០៥ ខែកុម្ភៈ ឆ្នាំ២០១៧នេះ បានចេញប្រតិបត្តិការចុះរឹបអូសអួនពី ក្រុមនេសាទល្មើសច្បាប់នៅតំបន់ចុងឃ្នៀស ខេត្តសៀមរាប បានចំនួន ៣៦ទូក ជាមួយសាច់អួនរាប់ម៉ឺនម៉ែត្រ ពីក្រុមនេសាទល្មើសច្បាប់ភាគច្រើន ជាជនជាតិវៀតណាម និងឃាត់ខ្លួនជនជាតិវៀតណាម ពីរនាក់ផងដែរ។</span></p>
<p><span style="color: #000000;">លោក សាវ៉ាន់ សេរីវុឌ្ឍ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ដែលបាននិងកំពុងដឹកនាំកម្លាំងចុះបង្រ្កាបបទល្មើសនេសាទនោះ បានប្រាប់អង្គភាពព័ត៌មាន Fresh News នៅព្រលប់ថ្ងៃទី០៥ ខែកុម្ភៈ ឆ្នាំ២០១៧នេះថា ប្រតិបត្តិការបង្រ្កាប និងស្វែងរកសាច់អួននៅតាមផ្ទៃដឹក ដែលក្រុមជនល្មើស យកទៅដាក់តាមផ្ទៃបឹងទន្លេសាបនាពេលកន្លងទៅជួបការលំបាកដោយសារតែក្រុមសមត្ថកិច្ចមិនសូវស្គាល់ភូមិសាស្រ្ត និងមួយវិញទៀត ពិបាកក្នុងការដើររកកន្លែងក្រុមល្មើសដាក់សាច់អួន។</span></p>
<p><span style="color: #000000;">បន្ទាប់ពីពិនិត្យឃើញការលំបាកបែបនេះ ទើបក្រុមគណៈកម្មការបង្រ្កាបបទល្មើស បានដាក់ចេញវិធានការថ្មី ដោយតាមរកអួន ដែលក្រុមជនល្មើសយកទៅ លាក់តាមទូក ឬនៅក្នុងព្រៃវិញម្តង។ នេះបើតាមការបញ្ជាក់របស់លោក សាវ៉ាន់ សេរីវុឌ្ឍ។</span></p>
<p><span style="color: #000000;">លោក សេរីវុឌ្ឍ បន្តថា ប្រតិបត្តិការពេញមួយថ្ងៃទី០៥ ខែកុម្ភៈ នេះ ដោយមានកិច្ចសហការពីសហគមន៍ប្រជានេសាទផងនោះ បានរកឃើញទូកប្រព្រឹទ្ធបទល្មើស ចំនួន ៣៦ទូក។ ក្នុងនោះទូកប្រភេទអួនអូសយ៉ាងកាវ និងអួនអូសទឹកសាបចំនួន២៤ និងប្រភេទទូកសម្រាប់ដាក់អួនចំនួន ៨ទូក ហើយក៏ឃាត់ខ្លួនជនល្មើស បានពីរនាក់ ខណៈជនល្មើសដទៃទៀត បានដឹងខ្លួនរត់គេចខ្លួនអស់ទៅហើយ។</span></p>
<p><span style="color: #000000;">លោក សេរីវុឌ្ឍ បានបន្ថែមថា ក្នុងមួយទូកៗមានដាច់អួនរាប់តោន និងមានប្រវែងរាប់ពាន់ម៉ែត្រ។ ដូច្នេះសរុបទាំងអស់សាច់អួនយ៉ាងកាវមានរាប់សិបតោន និងរាប់ម៉ឺនម៉ែត្រ។</span></p>
<p><span style="color: #000000;">បើតាមលោក សេរីវុឌ្ឍ ក្រុមនេសាទល្មើសច្បាប់ដោយប្រើអួនយ៉ាងកាវ ឬ អួនអូសទឹកសាបនេះ ភាគច្រើនជាជនជាតិវៀតណាម និងជាអ្នកមានធនធាន ព្រោះអួនក្នុងមួយទូកៗ តម្លៃរាប់ម៉ឺនដុល្លារ ប្រជាពលរដ្ឋមានជីវភាពក្រីក្រមិនអាចរកបាននោះឡើយ៕</span></p>
<p><span style="color: #000000;"><img src="http://image.freshnewsasia.com/2017/112/fn-2017-02-05-20-19-42-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-05-20-19-43-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-05-20-19-43-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-05-20-19-43-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-05-20-19-43-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-05-20-19-43-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-05-20-19-43-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-05-20-19-43-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-05-20-19-44-8.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-05-20-19-44-9.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-05-20-19-44-10.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-05-20-19-44-11.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-05-20-19-44-12.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-05-20-19-44-13.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-05-20-19-44-14.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-05-20-19-45-15.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>