<p><span style="color: #000000;">ព័ត៌មានអន្តរជាតិ ៖ របាយការណ៍ឯកសារ មេធាវី បង្ហាញអោយដឹង កាលពីថ្ងៃអាទិត្យម្សិលមិញនេះ អោយដឹងថា ព្រះរាជអាជ្ញា បានសម្រេចចោទប្រកាន់ បុរសម្នាក់ នៅក្នុងប្រទេស ឈីលីក្នុងការដោះ ដូរទារិការម្នាក់ តាមអ៊ិនធើណេត ក្នុងតម្លៃ ១០២ ដុល្លារ នេះបើតាមការដកស្រង់ អត្ថបទ ផ្សាយពី គេហទំព័រ អាស៊ីវ័ន ។ </span></p>
<p><a class="thickbox" title="" href="/FileManager/Commons/2014/10/27/20140909cybersafety-27-10-2014--15-26-56.jpg"><img src="/FileManager/Articles/mce/2014/10/27/20140909cybersafety-27-10-2014--15-26-56.jpg" alt="" /></a></p>
<p><br /><span style="color: #000000;">ដឺកាបណ្តោះអាសន្ន អះអាងអោយដឹងថា ទារិកាតូចរូបនេះ ត្រូវ បាន ប្រគល់ទៅអោយ អ្នកទិញ ដោយដៃម្តាយរបស់នាងដោយផ្ទាល់ មានវ័យទើបតែ ១៨ ឆ្នាំកាលពីថ្ងៃទី ៦ វិច្ឆិកា ឆ្នាំ ២០១៣ កន្លង ទៅ ពោល រយៈពេល ២ ថ្ងៃបន្ទាប់ពីទារិកាតូចកើត ជាថ្នូរនឹងសាច់ប្រាក់ មួយ ចំនួន ក្នុងការពរពោះ ឆ្លងទន្លេ និងចិញ្ចឹមគេរយៈពេល ២ ថ្ងៃកន្លងមកនេះ នៅឯមន្ទីរពេទ្យ Santiago ។ </span></p>
<p><span style="color: #000000;">គួរបញ្ជាក់ថា ករណីនេះ បានធ្វើអោយអាជ្ញាធរ មានចំណាប់អារម្មណ៍ ជា ខ្លាំង អំឡុងខែ មករា ដើម ឆ្នាំ ២០១៤ បន្ទាប់ពីបុរសជាឪពុក ទារិកា បានដាក់ពាក្យប្តឹង ថាមានករណី ចា ប់ជម្រិតកូនស្រីតូច របស់ខ្លួន ។ </span></p>
<p><span style="color: #000000;">សេចក្តីរាយការណ៍ អោយដឹងថា ក្រោយពីបានដោះដូរទិញ ទារិកាតូចបានសម្រេចហើយនោះបុរស ជាជនជាប់ចោទ បេក្ខភាពអ្នកទិញ លោក Juan Carlos Pacheco បានយកទារិកា ទៅរស់នៅជា មួយនឹងដៃគូរបស់ខ្លួន ដោយបានចាត់ទុកគេជា កូនស្រី និងបានដាក់ឈ្មោះ តាមត្រកូលគាត់ថែម ទៀតផង ។ ដោយឡែក ព្រះរាជអាជ្ញា ក៏កំពុងតែធ្វើការពិចារណា ទៅលើការកាត់ទោសជនសង្ស័យ ជាប់ពាក់ព័ន្ធទាំងអស់ ដែលនៅក្នុងនោះ ពួកគេអាចប្រឈមមុខ នឹង ជាប់ពន្ធនាគារ រយៈពេល ២ ឆ្នាំ រួមមានដូចជា ស្រ្តីជាម្តាយ នាង Veronica Carrera (អ្នកលក់ ) លោក Juan Carlos Pacheco (អ្នកទិញ) ស្របពេលដែលរឿងក្តី នឹងត្រូវសម្រេចនៅថ្ងៃទី ១១ វិច្ឆិកា ខាងមុខនេះ ។ គួររំឭកថា ជន សង្ស័យជាប់ពាក់ព័ន្ធមួយចំនួនផ្សេងៗទៀត រួមានដូចជា ម្តាយមីង ទារិកា និង ជីដូនទារិកាអាចនឹង ត្រូវចោទប្រកាន់ និងផ្តន្ទាទោស ដូចគ្នាដែរ ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ អាស៊ីវ័ន</span></p>